Transcript of interview with
Senate President Manny Villar

Q: On B/Gen. Sadiarini

SPMVB: Meron lang naman isang tanong na hindi nasagot pero masasagot naman iyon. Na-assure naman ako ni General Sadiarini na masasagot niya iyon sa next hearing at i-schedule natin agad iyan. Palagay ko, hindi naman malaking isyu itong kay General Sadiarini.

Q: He had difficulty explaining how public funds were used in that survey. Walang clearance sa taas?

SPMBV: Nakausap ko siya. Hindi naman daw niya inaasahan kasi ang tanong. Siguro masyadong excited lang sa kanyang confirmation kaya nagulat nung mayroong tanong na ganoon. Pero he assured me that he can answer the question when the time comes.

Q: Pero ganun din iyon hindi ba? Kung may clearance ka, masasabi mo agad na may clearance?

SPMBV: Palagay ko nalito lamang si General Sadiarini. At kaya hindi siya nakasagot agad, sa excitement siguro ng confirmation. Pero inassure niya ako na kaya niyang ipaliwanag iyon at dapat namang ipaliwanag.

Q: May statement si Secretary Neri na may certain questions daw tomorrow na hindi niya sasagutin, i-invoke niya ang executive privilege. Paano ho kaya ang magiging scenario kapag ganoon?

SPMBV: Umaasa pa rin ako na sa aking pagkakakilala kay Secretary Neri na siya ay isang honest na tao at ma-prinsipyo kaya baka gulatin tayo ni Secretary Neri sa kanyang mga sasabihin. Ma-prinsipyo ang taong iyan.

Q: Paanong magiging executive privilege ang bribe order?

SPMBV: Wala pa naman siyang sinasabing executive privilege, baka ang sinasabing executive privilege ay ang pagbiyahe sa New York, pero hindi iyong sa ZTE.

Q: Ini-expect nyo ba na aaminin niya na may nag-bribe sa kanya?

SPMBV: Bahala na. But certainly, tatanungin namin bukas iyan. Sana ay sabihin ni Secretary Neri ang totoo. (end)