Press Release
December 19, 2007

Transcript of press briefing with Senator Mar Roxas

On the Quality Affordable Medicines bill:

MAR: Pasado na sa House, at matagal na ring pasado rito sa Senado, so papasok tayo sa bicam at inaasahan na pagbalik ng Kongreso sa Enero, maisasabatas na ito. We will certainly undertake bicam, and pre-bicam if necessary during the holidays, para magawa natin ang lahat sa lalong madaling panahon mapasa natin ito.

Q: What's the major difference between the bills?

MAR: The House just passed it last night, and we will study the differences as between the two, although I expect that the differences will just be over a few minor points.

Q: There were allegations that the US had a hand in the lobby at the House.

MAR: I can't comment on that, I haven't spoken to any pharmaceutical company or US person relative to this bill. As you know, we passed this in the last Congress. We passed it again this Congress. I've been in this fight for the last ten years, at hindi natin uurungan itong pagsulong natin ng affordable pero quality medicines para sa ating mga kababayan.

Q: Is this compatible with trade?

MAR: Yes, this is absolutely compatible with all of our international agreements. In fact, ako yung nag-negotiate sa Doha atsaka sa Cancun, yung tinatawag na TRIPS on intellectual property, na kung saan pinayagan na yung mahihirap na bansa katulad natin na mag-angkat ng mga gamot na ito - parallel importation - na sa ganoon madadagdagan ang kumpetisyon sa bawat bansa. Pangalawa, pinayagan din doon yung government action kung saan mayroong compulsory licensing at ibang mga hakbang na pinapayagan ng sa ganoon makakatulong ang gobyerno sa pagpapababa ng presyo ng mga gamot.

Q: Any concerns of lobbying during the bicam that would weaken the bill?

MAR: Hindi natin papayagan na mawa-water down ito. Palagay natin ang pinakamahusay na solusyon dito sa mataas na presyo ng gamot ay yung pagpasok ng kumpetisyon. Nakita natin ito sa airline industry, nakita natin ito sa telepono, at malinaw na malinaw na 'pag may matinding kumpetisyon, nagiging mas abot-kaya at mas maganda ang serbisyo ng mga produktong ito. Ganoon din ang inaasahan natin sa mga pharmaceuticals.

Q: This will be passed next year still...

MAR: By definition, next year na mara-ratify ito dahilan sa today is the last day of the Congress

Q: How soon will the people feel the benefits?

MAR: Palagay ko nakikita naman ng private sector at ng pamahalaan na umaandar na ito, at sa ganoong paraan makakahanda na sila, magsimula ng kanilang pagpaplano kung paano nila ita-take advantage itong batas na siyang magbibigay ng dagdag na kumpetisyon dito sa atin.

Ang PITC mismo sa gobyerno, at iba pang mga nasa pribado, at siyang mag-aangkat ng mga parallel importation para makadagdag ng kumpetisyon dito sa ating bansa.

Q: How low will the prices go?

MAR: Mahirap na mag-estimate niyan. Importante ay magsimula ang kumpetisyon, at kung kinakailangan ng iba pang mga hakbang ay gagawin din natin iyan. Itong Affordable Medicines bill, hindi naman ito yung kabuuan ng ating solusyon sa mga matataas na presyo ng gamot. Isa ito, importante ito, pero hindi ito ang katapusan. May mga iba katulad ng pagpapatibay ng ating generics industry at pagbibigay ng incentives sa mga gumagawa o lumilikha ng mga gamot dito sa bansa na sa ganoon, dumami ang mga alternatives na maaaring gamitin ng ating mga kababayan sa kanilang mga karamdaman.

Q: In the hearings, the discrepancies in price comparisons were really large.

MAR: That's correct. Halimbawa, sa Norvasc, P45 dito sa atin, at P5 hanggang P7 lamang sa India, at iaangkat natin ito. Itong Norvasc ay para sa high blood, isang halimbawa lamang iyan. Yung gamot para sa diabetes, sa ibang karamdaman, ganoon ding kalaki ang agwat sa presyo kumpara sa labas. So both private sector at gobyerno ang mag-aangkat nitong mga kumpetensyang gamot na ito para makasiguro tayo na mayroong tunay na kompetisyon, at hindi pag-kokontsaba, o hindi pagco-collude nitong mga kumpanya sa pag-maintain ng matataas na presyo.

On Sen. Roxas' proposal to suspend VAT on oil:

MAR: Isusulong natin ito, at dedepensahan ko itong panukala natin, na makakatulong ito, makakapagbigay ito ng relief sa ating mga kababayan, at nasa sa kanila iyon kung tututulan nila ito o hinde. Pero makakaasa na isusulong natin itong panukala. Maaaring mag-debate, ang puntos ay finile natin ito, marami ang lumapit sa atin na gusto na ring mag-file o maging co-author o co-sponsor, and in fact sa House ganoon din. Inaasahan ko na magwawagi yung panig na tanggalin o i-suspend ang VAT sa petroleum products.

Q: How do you react to Teves' reservations due to revenue loss?

MAR: Mas mabuting maiwan sa bulsa ni Juan de la Cruz kaysa mapunta sa gobyerno na kung saan-saan naman nilalagay ito, at mayroon pang anomalya.

Q: Would the suspension on VAT on oil affect the peso?

MAR: Ang reklamo naman ngayon sa piso ay sobrang lakas ito. Ang OFWs, halos nawala ng P10 sa bawat dolyar na natatanggap nila. Yung ating mga exporters, yung ating tourism sector, yung ating BPO call center sector, sila ang umaangal sa sobrang lakas ng ating pera, dahilan sa hindi naman ito nararamdaman sa pagbaba ng presyo ng bilihin. Para sa kanila, mas maganda na i-stabilize ang peso kontra sa dollar.

Q: According to Senate President Villar, may kulang daw sa proposed bill. Hindi dapat basta i-suspend iyon, dapat may alternative na pagkukunan ng mga mawawala sa EVAT collection kapag sinuspend yung VAT sa oil.

MAR: Baka hindi lamang nila nauunawaan na itong pera na mapupunta sa bulsa ni Juan de la Cruz ay gagastusin din ni Juan de la Cruz, at sa kanyang paggastos, makokolekta muli yung VAT o yung income tax sa paggastos nitong pera. Malinaw ang aking panukala, dedepensahan ko ito kontra sa mga oposisyon dito.

Q: Majority ba ng senators pabor dito?

MAR: Maaasahan.

Q: Sapat na ba ang pag-monitor ng DTI sa presyo ng bilihin?

MAR: Sa ating monitoring, ang produktong pangkaraniwan, ang mga basic na commodities ay nananatiling stabilized. Marami ang supply ng manok, nasa P105, P110 ang presyo nito. Ang baboy ay nasa P140, P145. Ang karne, depende sa hiwa, ay sa mga P180, P225 per kilo. So stabilized naman ang presyo ng mga commodities na ito. Maaari na yung mga espesyal na pang-noche buena ay nagmahal ng kaunti, pero hindi naman maiiwasan ito dahilan sa panahon ng pasko. Yung pinaka-basic ay stabilized na stabilized

News Latest News Feed