Press Release
March 30, 2010

SPEECH OF SEN AQUINO: PRESS CONFERENCE ON COMELEC AND AUTOMATED ELECTION ISSUES
Balay Aquino-Roxas, Cubao, Quezon City, March 30, 2010, 10AM

Una sa lahat, maraming maraming salamat po at kami ay pinaunlakan ninyo sa

araw na ito.

Kasama ng aking mga ka-partido sa Partido Liberal, tinatawagan ko ang mga nangangasiwa ng COMELEC at ang buong sambayanan na siguraduhing malinis at mapayapa ang darating na eleksiyon.

Marami pa ring kakulangan sa paghahanda ng COMELEC, ang institusyon ng ating demokrasya na may iisang layunin: ang siguraduhin na maayos ang sistema ng halalan sa ating bansa.

  • Sinadya bang patagalin ang pagpapahintulot sa pag-review ng source code, ang verification ng mga ultra-violet marks sa mga balota at ang pagsasagawa ng random manual audit?

  • Hindi makatarungan ang disenyo ng kasalukuyang balota

  • Walang contingency plans sakaling magkaroon ng systems breakdown

Maaasahan ba natin na magiging maayos ang darating na halalan, gayong marami pa ring problema sa kauna-unahang automated elections sa bansa na hindi pa natutugunan?

Nakataya ang kinabukasan ng sambayanan dito, kaya naman bumubuhos ang kusang loob na pagtulong sa ating People's Campaign. Ang nais ng lahat ay isang patas na laban, ngunit ito rin ba ang ninanais ng COMELEC sa gaganaping halalan?

  • Hindi pinayagan ang accreditation ng NAMFREL para sa pagsasagawa ng public official count

  • Pinag-iinitan ang Partido Liberal sa pamamagitan ng disqualification ng ilan sa aming mga kandidato

  • Naghahanap ang COMELEC ng dahilan para hindi igawad sa Partido Liberal ang status bilang Dominant Minority Party, kahit na ito ay status na iginawad na sa amin noong 2007

Dagdag pa rito ang ilang alarming developments na binanggit sa Power Point presentation tulad ng:

  • Pagtatalaga kay Gen. Delfin Bangit bilang Chief of Staff

  • Ang walang humpay na pagbabalasa ng ilang police directors na tila wala na sa interes ng serbisyo

  • Hindi namin maunawaan ang biglaang pagbago ng doktrina ng Korte Suprema hinggil sa pagtatalaga ng susunod na Chief Justice

  • Ang pahayag ni Deputy Spokesperson Charito Planas at National Security Adviser Norberto Gonzales tungkol sa pagkakaroon ng military junta at transitional revolutionary government

Hindi maaaring balewalain ng sambayanang gutom sa tunay na demokrasya ang mga pangyayaring ito sapagkat hindi nakakatulong ang mga ito sa pagkamit ng maayos at payapang eleksiyon.

I have asked general campaign manager Butch Abad, and other senior campaign officials, to start conferring with key sectors such as the church, election watch dogs, the diplomatic community, the military and police, and other presidential candidates to close ranks so that together, we can help to ensure peaceful, orderly and clean elections.

Panahon na upang bumangon at mangarap muli. Ito ang tinig ng sambayanan sa darating na eleksiyon. Kami sa Partido Liberal ay nangangako ng tunay na pagbabago, kaya't anumang balakid sa pagsasakatuparan nito ay aming pipigilin.

Kayo ang aming lakas. Ang inyong walang sawang pagtitiwala at pagsusuporta ang nagpapalakas sa amin. Hinding hindi namin pababayaang masayang ang pagkakataong magsilbi sa inyo. Anumang hadlang sa pagkakaroon ng maayos at payapang eleksiyon, at anumang balak na patahimikin ang boses ng taumbayan ay aming lalabanan.

Maraming salamat po.

News Latest News Feed