Press Release
November 17, 2011

STATEMENT OF SENATOR TG GUINGONA ON ISSUE OF SC TRO

Nalulungkot ako kasi hindi man lang napakinggan ang panig ng gobyerno bago inilabas ng Korte Suprema ang TRO at pinayagang makaalis si GMA.

Nag-apply ng TRO si GMA kasi kailangan daw niyang makaalis agad sapagkat ang medical condition niya ay urgent at life-threatening.

Ngunit, base sa mga dokumento na isinumite sa Korte Suprema, mukhang hindi naman talaga urgent at life-threatening ang kanyang kundisyon.

  • Una, sabi ng mga doctor niya, sina Dr. Gopez-Cervantes at Dr. Mario Ver, na nag-opera sa kanya na "she should be fully recovered in six to eight months."

  • Pangalawa, base sa sulat ng abogado niya, GMA was only going to three countries for medical consultations: Singapore, Spain, and Germany. Pero ang nakalagay sa travel authority niya na ibinigay ng House of Representatives, may idinagdag na dalawang bansa, USA at Switzerland, kung saan mag-aatend siya ng mga pagpupulong. Akala ko ba urgent at life-threatening? Eh bakit pa-conference conference pa?

So hindi urgent at life-threatening. Kung ganun pala, dapat pinakinggan muna ng Korte ang panig ng gobyerno. Pero ang nangyari, pinayagan agad nila na makaalis si GMA.

The Court should have balanced the right to travel and the right of the Filipino people to be assured that justice is served.

Malinaw na hindi urgent at life-threatening ang kundisyon ni GMA, ngunit minadali pa rin ang desisyon at hindi na pinakinggan ang gobyerno. Sana hindi naging padalos-dalos, at sana nag-ingat sa pagpasya ang korte bago naglabas ng desisyon.

Sabi ni GMA, babalik naman daw siya. Paniniwalaan ba natin ito?

Tandaan natin, sinabi niya noong 2003 na hindi na siya tatakbo. Pero tumakbo pa rin.

Sinabi nya rin na hindi siya nandaya. Pero nag "I am sorry".

Ngayon, kung makakaalis siya, nakatakbo na naman. Sorry na lang ba tayo?

News Latest News Feed