Press Release
January 24, 2012

Transcript of Ambush Interview of Senate President Juan Ponce Enrile

On the Impeachment Trial of Chief Justice Renato Corona

Q: Sir, mukhang ino-offer niyo na 'yung pwesto niyo...

SP: No. Sabi ko sa kanila, hindi naman ako ang Hukom. Ang Hukom ang Senado. Ngayon, gusto kong malaman sa kanila kung gaano ako ka-liberal na gusto nila, kung ano ang modification ng Rules of Evidence para susundin ko sila. Kaya tinanong ko nga 'yung Prosecution, gusto ba ninyo na payagan natin ang hearsay evidence? Hindi raw. Hypothetical question? Hindi raw. Leading question? Hindi raw. Tapos, misleading question, irrelevant question? Ang dami niyan. Best evidence rule, tatanggalin mo ba 'yun? Marami 'yan. Hindi ko alam kung ano ang ibig nilang sabihin.

Q: Hindi ba kayo nakukulitan sa ganoon?

SP: Hindi naman. Ang kailangan sa ganyan ay unawain ang magkabila.

Q: Sir, medyo naging emotional po 'yung mga statements ninyo sa bandang huli?

SP: Hindi naman. Syempre alam mo, sa husgado, ganyan kami. Ako sanay dyan.

Q: Nakakagulat din po na the past few days puro Ingles tapos biglang nag-Tagalog po kayo kanina�

SP: Talagang kung gusto nila Tatagalugin namin ang pagtatanong at pagtatalakayin ang mga issues.

Q: Pero, so far po sa kanina, how do you feel sa support na binigay ng mga senators pagkatapos ninyong magsalita?

SP: Ako ay nagpapasalamat sa kanila. Pero, ako talaga, I told them from the very start, I am at your disposal. I'm not the Court. I'm the Presiding Officer. The Court is the Senate. Kaya kung gusto ninyo, lahat ng objections pagpapasyahan ninyo.

Q: Sir, doon po ninyo hinugot 'yung sinabi ninyo na statement na kung sino man ang may gusto...

SP: Karapatan nila 'yun na palitan ang pinuno ng Senado kung hindi sila kuntento sa pamamalakad niya.

Q: So, sir, kung mayroong hindi kuntento, sino po ang pwedeng pumalit?

SP: Hindi ko masasabi kung sino 'yun. Bahala sila. Q: Kasi sabi po ni Senator Jinggoy hindi niya kaya kasi hindi siya abogado...

SP: Marami naman diyang abogado.

Q: Pero nagkaka-isa po ang mga kasamahan ninyong senador na nagsasabing walang pangangailangan dahil lahat sila kuntento sa pag-handle ninyo sa impeachment trial...

SP: Pinagbibigyan ko 'yung kagustuhan kaya sinasabi ko may answer. Ngayon, kung nakikita ko talaga na medyo tagilid 'yung question, reform the question. That is the proper ruling. Madali namang i-reform ang question kasi, alam mo, kung sanay ka, you are supposed to tell a story not directly but through a witness. That is a trial. Iba 'yung ikaw ang magcocross-examine. Madali 'yun kasi you can ask any question except misleading question. You can even ask leading question. Pero kung you are presenting your evidence, if you are for the prosecution or the plaintiff, you have to follow the Rules because all these Rules of Evidence are safeguards of liberty. We destroy them, maraming tao rito na iiyak at pupunta sa kulungan ng walang kasalanan.

Q: Sir, naniniwala kayo na appropriate pa 'yung ganoong pagsasabi na to make the tribunal more flexible tapos sa huli ay babawiin rin pala?

SP: Alam mo, nauunawaan ko sila dahil nahihirapan sila kaya sinabi ko nga sa kanila, ang assumption ko ay prinepare ninyo ang kaso ninyo kaya binigyan namin kayo ng notice. Wala pa atang Christmas non ng magbigay kami ng notice. Nakita mo, binigyan namin ng 10 days to answer 'yung respondent, ginawa nila. Nagtrabaho sila. Dapat 'yung prosecution, since they have the burden of proof, they should have, even before filing the Articles of Impeachment, naka-assemble na 'yung ebidensiya at doon mo ibabatay ngayon ang allegations mo sa iyong pleading. Doon sa iyong complaint o Articles of Impeachment. Evidently, hindi nangyari 'yun.

Q: Sir, kapag nag-sumite po sila ng listahan ng witness, mali-limit lang po sa listahan o pwedeng magdagdag sila?

SP: Pwede naman silang humingi ng karagdagan. They have to ask the permission of the Court and notify the other party at papayagan ko 'yun.

Q: Sir, hindi kaya isipin ng defense that the impeachment court is siding with the prosecution?

SP: No. That is natural sa trial to avoid surprises nga, to avoid disadvantage or advantage on one side.

Q: Now sir, since kanina, matapos ninyo tanungin si Representative Tupas kung how flexible they want it to be at hindi na niya sinagot 'yun, how will you make it more flexible?

SP: He did not tell me. He could not answer that question. How flexible can a presiding judge be? Pababayaan na lang niya? Di magulo ang trial.

Q: In the past days naman, you have been very flexible. I think everyone sees that. Paano pa po kaya ninyo gagawing mas flexible sa mga susunod na araw?

SP: Hindi ko nga maintindihan.

Q: Sir, why now kaya sila nagre-request ng flexibility? Last week mas pabor pa sa kanila...

SP: Ang aking impression, since you are asking my opinion, palagay ko nahihirapan sila to put across their questions. There's a reason for that. Hindi sila sanay sa Husgado. Kung sanay ka sa Husgado, walang problema 'yun. I can reform my questions in many ways.

Q: Are they not prepared?

SP: I don't know.

Q: Sir, reaction ninyo na na-adjourn na naman ng maaga dahil sa prosecution...

SP: Tama lang 'yung para pasyahan namin 'yung main issue dahil kailangan talaga na madesisyunan 'yun.

Q: Sir, clarify ko lang, na-adjourn ng mas maaga ngayon dahil sa memorandum at hindi dahil sa gusto nilang mas gawing liberal pa 'yung proceedings.

SP: Hinihintay ko na sabihin sa akin, pagbibigyan ko sila. They must tell me how far I must go. As lawyers, they know that, what are these Rules of Evidence. Everyday these are being used in all courtrooms in the country to protect people from being abused, from being sent to jail na walang kamalay-malay.

Q: Sir, hindi ba sumama ang loob ninyo sa prosecution dahil nagre-request pa sila ng flexibility?

SP: Bakit? Kompiyansado ako kasi nasa harapan ko ang trial brief ko. Kaya maski anong argumento ang ipapasok nila, nandoon lahat ang sagot noon. Tingnan mo noong tinanong ko si Justice Cuevas tungkol sa mga Rules. Bunga 'yun ng pag-aaral.

Q: Sir, naisip niyo po ba na may mali sa ginagawa ninyong pagpe-preside?

SP: Wala akong alam na kamalian. Lahat ng ginawa ko, nasasaad sa reglamento, sa mga patakaran ng Rules of Court at 'yung mga Rules of Evidence.

Q: So, sir, nagulat ba kayo na kinailangan pang hilingin sa inyo na gawing mas liberal at flexible...

SP: Hindi lang ngayon na nangyari 'yan at mangyayari 'yan. Sapagkat 'yung mga abogado na nagkakaroon ng medyo problema sa pagpepresenta, gusto nila na papasok 'yung mga ebidensiya nila na walang hadlang.

Q: At hindi naman pwede 'yun?

SP: Hindi pwede 'yun. Kung ikaw ay papasok sa Husgado, you are on your own. Kailangan handa ka. You must be ready to think on your feet. You cannot go to the library. You cannot consult anybody. You have to use your knowledge of the laws and the rules and your preparation.

Q: Sina-suggest niyo po ba na sa panig ng depensa na magsalita ng Tagalog?

SP: Mabuti nga sa lahat na magsasalita ng Filipino maski na baluktot.

Q: Tapos na po ba ang marking of evidence?

SP: Hindi pa. Dapat ginawa nila 'yun nung bakasyon nila.

Q: Makaka-affect po ba ito sa prosecution na parang hindi sila masyadong handa?

SP: Hindi ko alam. Bahala sila.

News Latest News Feed