Press Release
May 23, 2012

Transcript of DZRH Interview with Senator Franklin M. Drilon

DZRH: Nagulat po ba kayo sa nangyari kahapon?

Drilon: Ako po ay nagulat dahil hindi po iyan ang pangkaraniwang paraan ng paglilitis ng kaso. Kung inyong maalala, kapag ang isang testigo ay nagkwento, nag-o-object ang mga abugado: "huwag kang magkwento, hintayin mo ang tanong at iyon ang sagutin mo." Hindi po pinapayagan ang pagkwento. Ngunit kahapon ay pinagbigyan po ni SJPE na siya ay magkwento at kami po ay nagulat nang hinayaan niyang magkaroon ng opening statement dahil sa husgado po wala namang opening statement. Ngunit, yung opening statement ay tatlong oras at iyon ang hindi akalain ni SJPE dahil iyon na pala ang kanyang salaysay. Kaya nagulat kaming lahat sa ganoong pamamaraan at sabihin na natin na talagang inabuso ang proseso.

DZRH: At kung ating matatandaan, mga apat beses yatang na-interrupt ni SJPE.

Drilon: Tapos binasa niya ang sulat ng kanyang anak na hearsay naman at nakakapagtaka bakit hindi sila nag-usap sa telepono.

DZRH: Sa kanyang liham mukhang gawa rin ng isang abugado.

Drilon: Mukha ngang gawa ng abogado, eh physical therapist ang kanyang anak.

DZRH: Dahil sa pabor na ibinigay sa kanya ng senado, parang tila nakapag-build up siya ng kanyang case.

Drilon: Hind po, Joe, hindi rin. Alam ninyo kung bakit? Ang unang issue, lahat ba na iyong asset ay ini-report mo? Non-reporting, non-declaration of assets. Unang tanong, yung dolyar ba asset? Of course. Ngayon, ang na-dispute niya kahapon ay yung 82 accounts, sinabi niya na sa unang pahina eh 82 tapos naging 81, eh ilang pahina yun? Tapos pagdating niya sa dulo, ang sabi niya ang kanyang dollar accounts ay apat. Ang tanong ay ni-report mo ba yung apat?

Drilon: Yung apat na bank accounts, dapat iyon ni-report mo. Iyon po ang issue dito. Ngayon, magkano ang laman non. Sinabi niya na hindi siya obligado sa batas dahil sa Foreign Currency Deposit Unit (FCDU) law, nakakalungkot naman iyon. Hindi po sagot ng abugado iyon. Bakit po? Ibig bang sabihin nito kapag ikaw ay nangurakot sa pamahalaan, i-convert mo sa dolyar at ilagay mo sa account mo, hindi na pwedeng silipin? DZRH: Nang binanggit niya yung FCDU, nag-invoke na siya ng question of law, at sa pananalita ng CJ, mayroon na itong weight. Paano ninyo ire-resolve iyon kung iyon na ang paninindigan ng CJ? Sino ang ma-in-interpret ng batas? Ang impeachment court o ang supreme court na siyang nag-i-interpret ng batas?

Drilon: Sinagot po yan ng SC. Ang desisyon ng SC diyan, ang foreign currency deposit ay hindi pwedeng taguan ng criminal. Mayroong isang kaso, may isang dayuhan convicted of rape at may danyos doon sa conviction at meron siyang dollar account pero sa sabi niya confidential iyan at hindi pwedeng galawin. Ang sabi ng SC, kahit na may secrecy iyan, iyan ay hindi pwedeng gamitin dahil ang sabi ng SC "you cannot use foreign currency deposit as a haven for criminals."

DZRH: In this case, hindi pa siya convicted.

Drilon: Yes, pero iisa ang sinasabi diyan. Ang sabi ng SC ay pwede mong tingnan dahil hindi pwedeng maging taguan ng criminal ang FCDU act.

DZRH: Meron po siyang sinasabi na since time immemorial, walang opisyal ng gobyerno ang nagdedeklara ng foreign currency deposit.

Drilon: Mali. Sa SALN, nakalagay sa itaas, "cash and investment." Hindi sinasabing cash and balance, cash lang. Kung mayroon po akong $10,000, iyan po ay P430,000. Ang idedeklara ko po ay hindi $10,000, kundi P430,000. Kaya ang aking sinasabi, sinasabi niya "kayo ba may dollar accounts?", ang sabi ko, "sa akin lahat ng aking ari-arian ay nandoon sa SALN." Pero ang issue dito ay yung SALN ni Corona. Kaya po nagalit sa akin dahil ako po ang nakapagbukas ng SALN niya nang tinanong ko yung clerk of court.

DZRH: Nagulat po ba kayo dahil kayo ay na-single out?

Drilon: Nagulat ako.

DZRH: Naniniwala po ba kayo na sa kanyang pagsasalita, mayroon kayong mga kasamahan na medyo nakumbinse?

Drilon: Sa akin, maaari po dahil sa hanggang ngayon eh wala pa kaming natatanggap na paliwanang kung magkano ang kanyang dollar accounts.

DZRH: Pero ang paliwanag nga niya at sinuportahan ng BIR retired employee na ang dollar accounts ay hindi dinedeklara.

Drilon: As against that statement of that BIR employee, I think dati iyong taga-bangko retired na iyan at ang balita ko ay medyo hindi na maganda ang samahan nila doon sa BIR. Ngunit, iyan ay maliwanag naman na ang desisyon ng SC na sinasabi na hindi pwedeng maging taguan ng criminal ang FCDU law. Pangalawa, ang issue rito ay iyon bang kanyang mga ari-arian at lahat ng pag-aari ay idineklara niya sa kanyang SALN. Pangatlo, yung dolyar ba ay pag-aari. Iyon po ay simpleng tanong, eh. Kapag sinabi niyang iyon ay hindi pag-aari, eh maghanap na tayo ng ibang batas.

DZRH: Ano po ba ang naging reaksyon ng senado sa nagging kilos ni CJ?

Drilon: Alam mo, kami po ay nagulat nang sinabi niyang "the Chief Justice of the Supreme Court wishes to be excused." Alam mo, sinabi ni SP sa amin "mga kasama ako po ay nakikiusap galangin po natin ang pinakamataas na mahistrado ng ating bansa." Ngunit kahapon po, tila naabuso ni CJ ang proseso ng senado. Tatlong oras ang opening statement na hindi sang-ayon sa pangkaraniwang kaso; ganunpaman, dahil kay SJPE, pumayag kaming lahat at pinagbigyan siya. Pagkatapos, binastos ang Senado. Ganunpaman, gagalangin pa rin namin siya, ngunit kami ay magdedesisyon.

DZRH: Senator, alam po ninyo sa mga nangyari kahapon sa senado, marami ang nag-iisip kung ito ba ay planado o ano talaga ang nangyari. Kayo po, ano po sa tingin ninyo?

Drilon: Sa akin, plinano. Maliwanang naman. Kasama doon sa kanyang speech at sinabi niya, "now the CJ of the SC wishes to be excused," tapos sabay tayo, sabay ang alis at mukhang wala pang sakit noon. Noong sinarado ang pintuan saka nagkasakit. DZRH: Ano po ba ang karaniwang proseso kapag paalis na yung mga tao sa senado?

Drilon: Pangkaraniwan, pati si CJ doon po dumadaan sa elevator. Yung aming experience, doon po, tago po, sa likod ng lounge, iilan lang kaming gumagamit doon dahil iyon ay tagos sa basement. Paano po nalaman ni CJ na mayroong daan doon? Bakit doon sa exit kaagad dumeretso. Tapos noong hindi siya payagan ng aming sergeant-at-arms dahil iyon ang utos ng Pangulo ng Senado, ang sabi ni Mrs. Corona: "ano ito martial law?"

DZRH: Sinabi po iyan ni Mrs. Corona? Sinabi po iyan ng security chief?

Drilon: Opo, sinabi iyan sa akin; ni-report sa akin.

DZRH: Ibig sabihin, iyon talaga ang intension na lumabas at hindi pumunta sa clinic?

Drilon: Iyon po ay konklusyon na. Basta ang kitang-kita na siya ay lumabas mukhang normal naman, hindi siya dumaan sa clinic, dumeretso siya sa exit na hindi naman po alam ng pangkaraniwang mamamayan na mayroong daanan don. Nang maharang, nagalit si Mrs. Corona at sinabi kay Gen. Jose Balajadia (Senate Sgt-at-arms), nagalit daw at tinanong: "ano ito martial law?"

Drilon: So, those are the circumstances. Bahala na ang taumbayan ang maghusga kung ano ba ang ibig sabihin noon.

DZRH: Kailangan pa bang hintayin ng Senado na mag-session mamaya para magpadala ng doctor para alamin ang kalagayan ni CJ?

Drilon: Pwede pong mag-utos si SP ngayon pa lang upang alamin kung ano ang kalagayan ni CJ. Pwedeng gawin, pwedeng hindi. Pagdating ng alas- dos, kung wala si CJ, siguro magko-caucus kami upang pag-usapan ang aming gagawin. Hindi naman po pwede na maghintay kami kung kalian siya babalik. Aming pag-uusapan kung sabihin natin na talagang hindi siya makakasipot, sabihin na nating nagkasakit, talagang mahira desisyunan, ngunit kami po ay magdedesisyon ng gagawin. Una, sa amin pong pinag-usapan at ito ay inulit kahapon na not later than May 31, kami ay magdedesisyon. Pangalawa, ang sinabi po ng panig ni CJ na wala na silang ibang testigo. Pangatlo, kailangan naming pagpasyahan kung ano ba ang gagawin doon sa opening statement na nagiging full part of the record. Sa sinabi ni SJPE, in accordance with the rule, talagang buburahin sa record iyon kapag walang cross examination.

DZRH: Dalawang bagay diyan, Senador. Una, ano ba talaga ang medical condition ni CJ. Panglawa, siguro kailangan sabihi ni CJ o sinoman sa kanyang mga abugado kung magpapa-cross examine pa ba sila.

Drilon: Ang problema riyan, Cesar, sang-ayon ako diyan, kung sasabihin na kapag gumaling na saka kami magpapa-cross examine. Ano gagawin namin?

DZRH: Kapag nangyari iyon, hindi na kayo makatutugon sa sinabi ninyo sa taumbayan na tatapusin ng May 31 upang kayo ay maka-attend sa ibang legislative matters.

Drilon: Kaya iyan po, that confronts us. We must decide. Hindi pwedeng nakabitin.

DZRH: Tama, dahil kayo rin naman ay may ibang legislative matters tulad nitong AMLC.

Drilon: Tama po iyan. In fact ngayon, may session kami mamayang alas-10 tatalakayin namin ang AMLC.

DZRH: Mabigat ang sinabi ni Justice Cuevas na siya ang mananagot at magdadala kay CJ sa impeachment court...

Drilon: Tama po iyan, nagbitiw po siya ng ganoong klaseng salita. Sa aking tingin, hindi po alam ni Justice Cuevas dahil kitang-kita mo ang akala ni Justice Cuevas andon pa CJ nang nagsasalita pa si SJPE na "you are not yet discharged." Sa aking tingin hindi alam ng lead counsel na ganoon ang mangyayari. Sinabi niya mismo sa amin sa caucus na hindi niya alam na ganoon ang magiging sitwasyon.

DZRH: Ano ang kahalagahan ng isang cross examination sa isang testimonya?

Drilon: Sa isang paglilitis, may dalawang panig. Ang bawat panig may sariling bersyon kung ano ang nangyari. Ang dalawang testigo magkaiba ang sasabihin. Ano ang purpose? Testing the credibility of the witness and his statement. Hindi po maiiwasan na sa dalawang panig, may dalawang bersyon. Paano malalaman ng Judge kung sino ang paniniwalaan niya? Iyan po ay nakukuha sa cross examination at sa pagtatanong ng Judge sa testigo kung ano ba ang katotohanan.

DZRH: Maraming nagsasabi na yung ginawa ni CJ mas magandang huwag na lang sa Senate, nag-presscon na lang sana.

Drilon: Iko-cross examine siya ng media, mahirap iyon marami siyang sasagutin.

DZRH: Ano po ang kadahilanan tungkol sa source document, bakit hindi na pinatawag ang AMLC para i-athenticate? Unanimous po ba kayo?

Drilon: Yung pagpapatawag ng testigo, iyon po ay nasa depensa o prosekusyon. Hindi korte. Kaya po kahapon kung inyong napansin sa mga ruling ng senado hindi natin pwedeng pagbigyan ang hiling ng isang senador na pagpapatawag sa mga bank managers. Dahil sabi ni SJPE, ito kung ito ay adversarial proceedings, ang testigo na haharap sa atin ay yung testigo ng prosekusyon o testigo depensa; hindi pwede ang testigo ng husgado. Dahilan sa kapag inilabas mo yung testigo ng senado, hindi mo alam kung saan mo i-a-accredit yung finding ng kanyang testimony.,

DZRH: Ang issue ay kung may dollar accounts ka ba...

Drilon: Hindi naman po bawal ang dollar accounts, may FCDU law, ang tanong lang ay dineklara mo ba ang laman ng dollar accounts mo?

DZRH: Kapag sinabi mong walang kang dollar accounts, logical na yung nagdedepensa, hahamunin ko yung bank managers kung talagang wala.

DZRH: Kung kwan talaga, yung peso equivalent ng dollar.

Drilon: Yes.

DZRH: Yun po ang issue. Huwag nating ilihis ang issue. Ulitin ko po, kahit wala yung AMLC report, mayroong testimony ang BPI bank manager at ang PSBank President. Yung BPI, sabi po niya may ganitong laman P12 million ang ganitong account at dineposito ng yearend something. Yung PSBank, ang sabi sa amin po iyang account na iyan, nasa bangko po namin iyan ngunit hindi ko po pwedeng sabihin ang amount.

DZRH: So, may admission.

Drilon: Yes. Kahit walang AMLC document. Itong AMLC report only confirms what the PSBank President said.

DZRH: Na-tally mo na ba kung itong sinabi ng PSBank manager at sa report ng AMLC ay pareho?

Drilon: Yes. Isang account number ending 0373.

DZRH: But how can you rule senator, walang amount except yung sa AMLC?

Drilon: Oo, pero may account number, ibig sabihin, yung account na iyon existing. Sagutin niya kung magkano ang laman niyon.

DZRH: Ngayon raw po ay nasa Medical City na si CJ, mayroon po bang tauhan ang senado na nag-tse-check ng kanyang kondisyon? May medical bulletin daw na ilalabas.

Drilon: Hindi ko po alam. Hintayin po natin yung medical bulletin. Yung pagpapadala po ng doctor ng Senado, PGH, Heart Center, o public institution which is being done para sa pangkaraniwang paglilitis, iyon po ay option available sa Senate pero sa ngayon hindi ko po alam kung may pinadala na si SJPE.

DZRH: Binalaan po ni SJPE ang Depensa na dapat mamayang alas-dos dapat humarap si CJ kundi babalewalain lahat ng kanyang sinabi.

Drilon: Tama po iyan, ngunit hindi ko alam kung sasabihin sa amin officially o ng private doctor kung nasa ICU.

DZRH: Hindi raw po sa ICU, sa isolation room.

Drilon: Kung pagdating ng report sa amin, kung talagang nasa ICU, eh aming pag-uusapan iyan kung ano ang aming gagawin. Ngunit hindi naman po kami maghihintay lang kung kailan sila magpapa-cross examine, sabihin na pagdating na lang namin. Hindi po pwede iyan. We cannot let the whole nation wait, and let the work of the Senate wait. We have other remedies.

DZRH: Ang Impeachment Court ay hindi naman ganoon magiging kalupit na babalewalain ang kondisyon ng pasyente?

Drilon: Tama iyon, ngunit hindi naman pwedeng habang ilang taon hindi kami pwedeng magdesisyon.

DZRH: Ano ba ang general sentiment sa nangyari kahapon?

Drilon: Ang general sentiment ay binastos ang Senado. Na-shocked kaming lahat dahilan sa hindi ginalang ang Senado.

DZRH: Hindi ba iyon ang magbigay ng weight sa inyong magiging desisyon?

Drilon: Siguro hindi.

DZRH: I-we-weight ninyo pa rin?

Drilon: Opo. Dahilan sa ito naman ay isang paglilitis ng kaso. Pati po yung sinabi niya kahapon aming titingnan nang husto iyon. Ngunit ayon nga sa sinabi ni SJPE, kapag hindi siya sumipot, tatanggalin sa record ang kanyang mga sinabi. Isa lang po ang masasabi ko, we will support the Senate President. Di po kami pwedeng magkanya-kanya.

DZRH: In other words, kung anuman ang magiging desisyon, unanimous iyon?

Drilon: Yes, unanimous.

DZRH: Ano ba ang mga pinag-usapan sa caucus kahapon matapos umalis si CJ?

Drilon: Yung mga nangyari na parang di naman tama. Nandon si Justice Cuevas, nagpaliwanag siya na hindi niya alam kung ano ang nangyari. Sang-ayon siya na hindi maganda sa Senado ang nangyari. Pinagbigyan na nga siya na talagang lahat ng leeway.

Drilon: Nang sinabi ni CJ na "can I have an opening statement,"pumayag kaagad si SJPE dahil siguro akala niya 5-10 minutes lang. hindi naman po Senate hearing, ito man ay adversarial, trial at paglilitis, hindi pinapayagan ang pagkukwento. Sagutin mo ang tanong. Ngunit kahapon pinayagan siya dahil ang impression nga 5-10 minutes lang, eh nagging 3 hours and 5 minutes. In fact, ilang beses siyang tinanong ni SJPE "marami ka pa bang sasabihin" ang sabi niya "malapit na po." Yung malapit na po inabot ng tatlong oras. He was treated with respect. Ngunit hindi po niya inirespeto ang proseso at Senado.

DZRH: Halimbawa, kung dahil nga sa medical condtion ni CJ at sabihin niya na hindi na siya makakabalik. Tutuloy na ba kayo sa cross examinination? At babalewalain ang mga sinabi niya?

Drilon: Tama po iyan. May sakit siya at hindi na siya magpapa-cross-examine, that is the declaration of the court.

DZRH: Halimbawa, sabihin ni CJ na mag-re-resign na siya, ano ang maaring epekto nito sa impeachment trial?

Drilon: Kung mag-resign, magiging academic yung trial. Dahil focus lamang ng trial ay yung impeachment at hindi resignation.

DZRH: So, tapos na.

Drilon: Tama po iyan, ngunit bakit niya gagawin iyon?

DZRH: Ngayong linggong ito, pwede na bang mag-expect ang taumbayan ng desisyon?

Drilon: Hindi pa siguro ngayong linggo dahil unang-una meron pang offer of evidence at mayroon pang closing statement ang magkabilang panig. Ang usapan noong nakaraang session, tig-isang oras ang bawat panig.

DZRH: Nominal voting po ba kayo?

Drilon: Nominal voting.

DZRH: May isang text, dapat daw mag-sign na kayo ng waiver?

Drilon:Magandang tanong po iyan. Unang-una, hindi po ako yung nililitis dito. Ang issue ay si Corona at ang issue ay non-reporting and non-declaration in the SALN. Huwag nating ilihis ang issue. Kung matatandaan natin noong nakaraang Marso 6, doon sa GMA-7, ang sabi niya: "bubuksan ko iyan sa takdang panahon, bubuksan ko lahat iyan wala naman akong tinatago." Ngayon, ang sinasabi niya ilalabas niya kapag ako at yung 188 congressmen daw� Nagkaroon ng kondisyon, eh. Ibig bang sabihin, eh. Bakit hindi lahat ng kawani ng pamahalaan, bakit ako? Lahat kami ay nagpa-file ng SALN. Dahilan siguro dahil nagalit siya sa akin at ako ang naglabas ng SALN niya.

News Latest News Feed