Press Release
February 24, 2014

Transcript of interview with Sen. Cynthia Villar

Q: Bakit hindi po kinulong si Judyline Lim?

Villar: As a policy, kami sa committee nag-decide na noon na when there is contempt, hindi na namin ikukulong, magdedemanda na lang kami ng perjury. Basta kung hindi sila bumalik for the hearing, papaaresto natin sila.

Q: Pa-filan po siya ng perjury case?

Villar: Iaayos lang ng ating Senate Legal Counsel yung mga grounds for perjury. Kasi maganda iyong maganda ang kaso.

Q: What makes you decide na huwag na silang ikulong at instead magsampa na lang ng kaso?

Villar: Kasi nag-meeting na ang committee before with regards to Davidson Bangayan. Nag-discussion kami with the Senate President. Sabi niya kapag ikinukulong dito, after a while, nagiging problema kung paano hindi na ikukulong. Ang sa kanya, mas maganda na kasuhan na lang kaysa ikulong dito kasi nagiging problematic din magkulong dito sa Senado.

Q: Applicable na ba iyan sa lahat?

Villar: Sa aking committee, dinecide namin na magdedemanda na lang ng perjury at saka make sure na bumabalik sila dito. Kapag ayaw nilang bumalik, papaaresto sila. But hindi na kami nagkukulong at inilalagay natin sa DOJ look-out. Sinasabihan natin ang DOJ na huwag munang palabasin sa bansa.

Q: Si Mr. Santos, feeling ninyo nagsisinungaling din kanina?

Villar: Sinasabi niya nag-import siya pero walang import permit. Bawal iyon. He has a case for smuggling. Nag-import nga siya, totoo iyon pero walang import permit. Hindi siya nagsisinungaling, sinabi niya nag-iimport siya kaya lang smuggler siya.

Q: Si Davidson Bangayan hindi po sumipot ngayon?

Villar: Hindi naman siya importante today kasi iyong si Mr. Pioquinto na iinterbyuhin namin tungkol sa relationship nila ay hindi rin dumating kasi wala siyang lawyer so sinabi namin next hearing you have to come otherwise papaaresto na namin.

Q: So lahat ng hindi dumating dito kailangang dumating sila next time kung hindi papaaresto sila?

Villar: Yung mga hindi pa namin naiinterview. Like si Leah Echeveria, nawawala. Si Pioquinto, walang lawyer. Pero next time, he has to come. Si Mr. David Lim naman bumalik, iyong iba they have to come back otherwise papaaresto namin sila.

Q: Valid po ba ang excuse na walang lawyer? Diba pwede nyo naman siyang bigyan ng lawyer?

Villar: Binibigyan lang natin sila ng one chance to make it. Hindi nyo napansin, kapag hindi sila dumating, I give them one chance to make it. Parang warning, next time, you have to come.

Q: Ano po ang nadiskubre sa hearing ngayon?

Villar: Iyong kay DG Lim, maliwanag naman na siya ang connect ni Ms. Echeveria at ginamit nila iyong mga, he is another one, bukod kay Mr. Davidson Bangayan.

Q: Namention din na may P180 billion na utang ang NFA na pwedeng taxpayer po ang magbabayad?

Villar: Matagal na iyan. Nangyari nga iyan noong previous administration na ang dami-dami nilang inimport tapos hindi sila kumikita doon kasi subsidy nga iyon. So mas maraming bibilhin ang NFA na isa-subsidize nila, lumalaki iyon.

Q: May plano ba kayong imbestigahan ang lumulutang na ang NFA ay may overpricing na ginagawa sa kanilang importation?

Villar: Pinakukuha namin iyong DOJ report kasi may problema kami doon. Kasi ang ka-deal nila ay ang Republic of Vietnam. Parang ia-accuse mo ang government na may kalokohan sila in connection with our government. Medyo mabigat na accusation iyon kasi it's a country, it's not a person. So titingnan po namin ang DOJ report para mas may basis naman kung iimbestigahan natin.

Q: Ibig sabihin, ligtas na ang NFA doon sa issue ng overpricing?

Villar: Hindi nman, kaya lang, maingat tayo doon because it's a government to government transaction. So kung nag-overprice doon, ibig sabihin sila ng government of Vietnam nagsabwatan? Mabigat naman iyon for us to accuse a government. Kung private iyon, walang problema but it's the government of Vietnam. Kaya ang sinasabi ko, dapat mas maliwanag ang basis bago natin imbestigahan because we are investigating a government.

Q: Kapag nakakita kayo ng basis, you will conduct an investigation?

Villar: Iyong mind naming always open.

Q: Reaction nyo po sa sinabi ng OSG na nag-file na sila ng petition sa Supreme Court para iyong bigas na pinahold ng korte sa Davao maibalik sa BOC?

Villar: May napalabas na pero may natitira pa, hinold na nila iyong natitira pa.

Q: On Bangayan's hold departure order

Villar: Kasi kailangan may case para ma-cancel ang passport. Court na ang magpapa-cancel sa DFA. Kasi kailangan ang court ang humingi nun, hindi pala kami pwede so sinabi na namin sa DOJ na they have to do it.

Q: Do you consider Bangayan a flight risk?

Villar: Nasa look-out na siya ng DOJ, baka mahirapan na siya. Syempre mahirap din sa kanya na umalis sa Pilipinas kasi may mga hanapbuhay sila dito. Mawawala ang hanap-buhay nila.

Q: Mara-write off po ba ang NFA losses?

Villar: Wala tayong magagawa doon kasi accumulated losses na iyon. It's government na iyon. The government has to pay for that.

Q: Papa-verify nyo ba sa Laoag General Hospital kung talagang may sakit si Bangayan?

Villar: Hindi. Hindi naman kasi siya necessary ngayon. Kasi ang gusto namin makausap ngayon, iyong Pioquinto and hopefully, iyong mga sasabihin niya will be related to Mr. Davidson Bangayan kaya lang hindi siya dumating so walang relation na mai-establish.

Q: Na-invite nyo ba si Pioquinto?

Villar: Yes, kaya lang ang sabi niya wala siyang lawyer kaya hindi pa siya makakarating. Sinabihan namin na next time, hindi na pwedeng reason ang lawyer. He has to come.

Q: what do you think of the recommendations presented?

Villar: Okay naman iyong study para may check and balance. Kaya lang, how to implement it will be the problem iyon ang sinasabi. But hopefully in the future, we can do that.

News Latest News Feed