Transcript of Kapihan sa Senado with Sen. Chiz Escudero

On the continuous refusal of Secretary De Lima to release the controversial Napoles list, right now ang dini-dare mismo si Pangulong Aquino

OA naman yon, walang kinalaman si Pangulong Aquino dyan, ni wala siyang hawak na listahan, pero para sa akin, ito ang maliwanag, tatlo ang umaaming may hawak ng listahan: Si Secretary Lacson, si Secretary De Lima at si Sandra Cam. Wala namang pumipigil sa kanila bakit ba panay ang turo nila kung kani-kanino na ilalabas nila yung listahan. Pina-press release na rin naman nila na may listahan sila, pwes ilabas nila. Ang tanong ko lamang ay ito, yung hawak ba nilang mga listahan daw o kuwento o affidavit o storytelling o storytelling a lie man yan, yan ba ay pirmado ni Napoles o hindi. Baka naman kaya hindi nila mailabas-labas yan ay dahil hindi pirmado at hindi under oath yung mga hawak nila. At kung hindi under oath yan eh bakit pa nila sinabing maayroon silang listahan.

Knowing nga na yung President mismo ang dini-dare, sa tingin nyo mako-compel siya na sabihan si Secretary De Lima na ilabas na yan

I don't want to speak for the President, sa dami ng tagapagsalita nya, hindi pa ako nag-aapply. Hayaan nating ipagtanggol, magsalita at magpaliwanag yung nasa sa isip ng Pangulo ng kanyang mga tagapagsalita. Pero para sa akin hindi na kailangang dumating sa level o sa antas ng Pangulo yan. Hindi naman siya isa sa may hawak ng listahan. Hindi na rin dapat ipasa pa sa senado yan. Ilabas na nila yung gusto nilang ilabas.

Ano kaya sir yung possible reason kung bakit hindi mailabas ni Secretary De Lima yung list.

Aba ewan. Sa totoo lang, hindi ko alam. Kung magpi-press release ka rin lang na may listahan ka, di ba ang kasunod non ay eto ang listahan. Hindi ko maintindihan na sasabihin ng hindi lamang ng isa, kundi ng tatlong tao na may listahan sila, lahat naman ay ayaw ilabas yan.

Si dating Senator Lacson is now saying 16, not 13 senators, yung included daw sa Napoles list

Again, sino man ang nasa listahang yan, eh ano naman ngayon, galing kay Napoles yan. Ganoon ba kalaki ang tiwala ni Senator Lacson kay Napoles na porke't sinabi nya, eh biglang totoo na agad lahat yon. Lumabas sa isang pahayagan, halimbawa, na nandon daw ang pangalan ko sa listahang yon, eh ano naman ngayon. Alam ko naman ang totoo at yung hindi. At hindi ako kinakabahang masulat o malagay pa ni Napoles doon. Minsan nang ginawa din sa akin yan nong pinaimbistigahan ko si Garci, ang kauna-unahang sinabi sa akin ni Garcillano nong pina-aapear ko siya sa House ay tumawag din daw ako sa kanya. Siguro ganyan talaga ang depensang ginagamit ng sinumang naiipit na sa kanto.

Sir it's about time na magdecide na yung blue ribbon committee na mag-isyu ng subpoena para sa document na yan?

Pwedeng gawin ng blue ribbon committee yan pero sino ba ang pumipigil kasy Secretary De Lima na ilabas yan. Bakit ba ipapasa pa niya sa Senado yung pagpapalabas nyan. Bakit biglang sasabihin nya desisyon ng senado. Bakit hindi na lang niya ilabas yan? Hindi ko maintindihan talaga at maunawaan kung ano ang rason kung bakit. Tuloy habang tinatago, tuloy habang pinapatagal, lalo tuloy nagiging curious, lalo tuloy gustong malaman ng tao at biglang nagkakaroon ng kredibilidad yung wala naming dapat kredibilidad at hindi naman dapat pagkatiwalaan na si Napoles.

Sir no initial talk with blue ribbon committee chair TG Guingona?

Hindi pa kami nagkikita. (Wala pa ring siyang schedule ng meeting?) Wala pa. I haven't seen him since we resume.

As author ng resolusyon tungkol sa pork barrel scam, hindi mo ba siya (Sen. Guingona) kakausapin?

Alam nya na matagal ko nang posisyon na ipagpatuloy yung hearing despite the issuance of the report. Hindi naman final report yan, report lamang yan tungkol sa Napoles aspect ng resolusyon. Ang resolusyon ko imbestigahan ang mga NGO na nagsamantala at nakinabang. Ayon sa CoA report, 72 yung NGOs na yon, walo lamang yung kay Napoles, so may naiiwan pang 64 na NGO na ang ginawa ay eksakto nang ginawa ni Napoles pero Napoles ang nasa likod. Dapat magpatuloy pa ang imbestigasyon doon at kung may bagong lalabas tungkol kay Napoles, pati na rin don.

Hindi daw makalabas ng ospital si Napoles dahil hindi makapagbayad ng hospital bills

Yan pa ang isang hindi ko maintindihan. Nag-utos na yung husgado na kapagka pinayagan na siya ng doctor dapat na siyang ibalik sa Sta. Rosa. Ang pulis biglang naging doctor, sabi ng pulis eh ayaw pa daw silang payagan ng doctor dahil hindi pa raw bayad, eh di habang hindi pa bayad si Napoles, doon lang siya. Ganoon ba yon? Ang doctor biglang naging abogado. Sabi ng doctor may motion for reconsideration pa raw si Napoles sa korte kaya hindi daw muna nila pakakawalan. Eh ano ba talaga ng nasa likod nito. Bakit hindi nag-iinsist, bakit hindi gumagawala ang prosecutors ng DOJ para kuwesityunin ang action na ito ng PNP at ang action na ito ng mga doktor.

So do you think nabibigyan ng favor dito si Napoles?

Ayaw kong mag-isip ng motibo pero nagtataka lamang ako dahil sa ibang mga akusado eh hindi naman ganyan kababait ang PNP. Sa ibang mga pasyente, hindi naman ganyan kababait ang mga doktor. At kung talaga yan ang tamang rason, eh di lahat ng makakakuha ng hospitalization, hindi lang makakabayad sa ospital, hindi na agad mababalik sa kulungan. Ganoon ba yon? Ganoon ba ang nais nilang sabihin? Hindi naman siguro.

Wala siyang pambayad, believable ba yon o drama lang ni Napoles?

Hindi ko alam dahil frozen naman yung assets nya. Pero maliban sa walang pambayad, ang mas isyu dito yung kautusan ng korte, yung ibalik siya sa Sta. Rosa. Ulitin ko, porke't ba hindi siya makabayad at hindi na bigla malilipat sa Sta. Rosa? Yung ibang opsital nga ayaw tumanggap pag walang deposito, eh ito tinanggap nila nang walang deposito, ayaw naman nilang pakawalan. Hindi ko maunawaan yon.

Di ba pwedeng kasuhan yung ospital ng serious illegal detention?

Serious illegal detention? Hindi eh, kasi hindi naman against her will eh. Gusto nga niyang manatili don eh.

Hindi kaya one of strategies to prolong her stay?

Malamang. Hindi ko aalisin sa kanila yon, malamang. Ang tanong ko nga lang ay eto, bakit tinotolerate ng PNP, bakit tinotolerate ng DOJ at ng prosecutors ng DOJ, you have to understand that the judge is a passive body. The court is a passive body. Hindi yan gagalaw, maliban na lamang kung may manghingi ng kung ano. So bagaman nag-utos na ang korte na ibalik kapag pwde na, hindi siya magko-contempt automatically ng walang nanghihingi, trabaho ng prosecutors yon.

Could there be an unholy alliance?

Hindi pa akong nakahandang sabihin yon dahil wala naman akong pinanghahawakang ebidensiya, nawi-werduhan lang ako at kakaiba itong sitwasyong nangyayari sa mga ordinaryong abogadong nanonood at nakikita yung mga nangyayari. Hindi ito nangyayari sa ordinaryong sitwasyon.

So kung prosecution, DOJ yon?

DOJ.

So dapat sina Secretary De Lima yung magkuwestiyon?

The prosecution assigned nin the court, handling the case. Yes.

Nong nag-tell all siya ang request niya ay maging state witness.

Again sa palagay ko hindi siya qualified maging state witness. Una dahil hindi siya yung least guilty. Pangalawa yung testimonya nya taliwas at bumabangga sa testimonya ng mga nauna ng mga whistleblower, humigi't kumulang sampu, 15 yon. So yon pa lamang eh hindi na swa-swak don sa qualification ng pagiging state witness.

Yung hospital bills ni Napoles pwede i-shoulder ng government?

Sa laki ng gastos natin sa kanya, sa tuwing lalabas siya, sa laki ng gastos natin habang nandoon siya sa Sta. Rosa, sa laki ng ninakaw nya sa gobyerno, pati ba naman yan, tayo pa rin ang magbabayad. Sa totoo lang ang isyu ay kung hindi babayaran man yan o hindi, ang isyu ay, ang ibig ba sabihin ng PNP, ang ibig sabihin ba ng OsMak, hangga't hindi siya nagbabayad, dyan siya. May kapantay din bang karapatan yung ibang detinadong accused, kung saan kapagka sila ay naospital at hindi nagbayad, doon na rin muna sila. Hindi yata tama yon.

Kasi sir yung PNP may pipirmahan lang sila sa ospital, sa OsMak, may pipirmahan lang sila at aaprubahan ng DSWD

Hindi yata pwedeng aprubahan ng DSWD yon, dahil dapat bago ka mabigyan ng assistance ng DSWD, may certification ka mula sa barangay na poorest of the poor ka at indigent ka. Tila hindi naman qualified si Napoles para don, maski na naka-freeze yung kanyang mga assets.

Who should question the continuous stay nya sa ospital kahit meron ng order?

The prosecutors handling the case, the court before which the case is pending.

Kung walang action yung prosecution sino yung dapat na magquestion?

Ako. Ginagawa ko yan ngayon. Ginawa ko rin kahapon. Pero wala akong personality don sa korte para hilingin mismo sa judge yon.

Hindi ba pwedeng ang Makati City government ang makialam dito para ilabas na si Napoles at dalhin sa kulungan kasi ang OsMak naman ay pag-aari ng Makati City?

Hindi sa papalayasin siya, ang papel sigurong pwedeng gampanan kung saka-sakali ng Makati-owned hospital na ito ay sabihing okay lang yan, tiwala naman kaming mababayaran kami o kung hindi man maglalagak kami ng claim, civil, don sa korte kung saan na-freeze yung assets niya para kami mabayaran, pwede yon.

Dapat kumilos si Vice President Binay, sir?

Huwag mo nang idamay yung hindi kadamay dito. Again, labas na yon don eh, whether maningil yung OsMak, hindi mangingil yung OsMak, payagan siyang umalis ng OsMak o hindi, ang hindi ko makita ay yung action na dapat nanggagaling sa PNP at sa prosecutors, na bakit nong sinabi yon ay nagkibit-balikat lang sila at bigalng tinanggap na "ah ganoon ba, okay, alis na kami." Hindi naman danoon dapat yon.

Ang ang magiging posisyon ng Senado, yung mga member ng blue ribbon committee, kung ayaw ipatawag si Napoles?

I cannot speak for my other colleagues, my posisition is clear, isapubliko yan. Hindi naman kailangan pang magpatawag ng hearing o kung magpatawag ng hearing sa loob mismo ng hearing, pero hindi pwedeng nasa loob ng saradong kuwartong executive session. Ilabas ang listahan dahil habang tinatago yan, lala tuloy nagmumukhang totoo, lalo tuloy nagmumukhang interesado ang tao dyan, habang tinatago nila. Sino man ang nabanggit sa listahan, sa totoo lang, una baka nakakalimutan natin si Napoles ito, na grabe ang ginawa sa kaban ng bayan at hindi naman bawat sabihin ay buong katotohanan na agad. Pangalawa, alam naman namin, bawat isa sa amin kung ano ang totoo, Naglagay ba talaga kami ng pondo, nakinabang ba kami o hindi? Ano man ang sabihin ni Napoles, hindi kayang baguhin yan, kaya hindi ko maunawaan kung ano ang pinanggagalingan, takot o pangamba ng sinuman kaugnay sa bagay na yan, mapasa House man o dito sa senado.

Kung dadaanin sa botohan are you confident na yung majority ay...

Ayaw kong magconfident, magconfident, basta ako ay boboto ako para ilabas yan.

Pero yon yung mangyayari, you will vote on it definitely?

I don't know. Pero I again I think it's unfair for Secretary De Lima to say, if the senate orders me, she can do it anytime she wants to, nilabas na nga niya sa media eh, sinabi na nga niyang may listahan eh, bakit ba ituturo nya bigla sa iba bago niya ilabas, sana kung wala siyang balak ilabas, hindi na lamang muna niya sinabing may hawak siya.

Pero sir yung reopening, yung pag-reopen ng hearing, inviting Napoles? Will you vote on it?

It hasn't been close yet, that's my belief. The issuance of the report, wala pang ruling at utos ang blue ribbon na sirado na yung hearing. Sa pananaw ko mayroon at on-going pa rin yung hearing, it's a matter of resuming or resumption of the hearing.

So na kanino yung bola para magdecide?

Sa chairman.

So kung walang desisyon yung chairman pwedeng mag-ask ng motion na magbotohan kayo?

Pwede pero saan ka magmo-motion kung walang hearing.

Sa plenary, hindi ba pwedeng may mag-motion?

May pwedeng may magtanong, pero kailangang sumagot yung chairman doon. Kung walang committee haering, sa plenary. Pero uulitin ko, may hearing man o wala, yung pagkakataong ilabas ay nandoon pa rin. Hindi naman aalis yon eh. Kaya hindi ko nauunawaan kung bakit ipapasa sa amin ni Secretary De Lima bigla yung responsibilidad sa pagpapalabas nyan, eh alam naman niya marahil ilan sa kasamahan namin ay mababanggit dyan. Parang hindi naman tama yon. Ilabas niya kung ialalbas nya, tutal sinumulan na nya nang sabihing meron eh.

Si Sen. Guingona lang yung hahayaan yung magdecide on that, on inviting Napoles again?

Yung pagbubukas ng hearing, iba pa yon sa pag-iinvite kay Napoles. Iba yon, kasi pwedeng ipatawag lang si De Lima, i-compel siyang ilabas. Ngayon yung pagpapatawag kay Napoles eh nauna na namang magsalita yung doctor, sabi ng doctor, dalawang buwan daw bago siya pwede siyang... ma-stress. So hindi ko alam kung paano titimbangin ng komite yon. Baka magpadala na lang ng sariling doctor yung komite para malaman at alamin yan nga ba ang sitwasyon o hindi. So magkaiba yon.

May nakikita ba kayong delaying tactics sa parte ni Napoles?

May tactic si Napoles sigurado ako don, delay is one of them, for sure. Kasi bakit ka magsasalita bigla after several months na pananahimik mo, matapos kang bigyan ng ginintuang pagkakataong magsalita ng senado sa blue ribbon committee, magsisinungaling lang pala siya don. Tapos ngayon bibigyan nya ng listahan, tatlong iba't-ibang tao, baka meron pang iba, na iba-iba pa yung listahan, maliwanaqg na ito ay taktika, pampagulo ng sitwasyon at ng isyu.

May impresyon na may nagbibigay ng proteksyon kay Napoles, na somebody na powerful kaya malakas yung loob nya na para guluhin

Hindi ko alam kung meron at kung sino yon, pero iisa lang siguro ang dapat maging galaw nating lahat, huwag tayong magpadala sa taktika nya, huwag tayong magpadala sa mga ginagawa nya dahil may narinig pa nga ako na national esucrity raw yung kanyang sasabihin. Utang na loob naman, paano magiging national security si Napoles, hindi ko makita yon.

Sa tingin nyo gagamitin ni De Lima yung listahan sa CA confirmation nya?

Sa tingin ko hindi na nya kailangan yon dahil mag-aapat na taon na siyang nakaupong hindi confirmed, dalawang taon na lang, hindi na niya siguro kailangan pa yon para sa confirmation nya, o maconfirm pa.

Why she is being pampered?

You have to ask the officials of the executive branch of that question. In the senate, clearly, she was never pampered and up to now we're not pampering her. Why is she being pampered. I have no idea. Again, puro tanong yung sa akin. Kung ordinaryong criminal yan, hindi papayag ang pulis na hindi siya makuha bilang pagsunod sa kautusan ng korte dahil hindi pa bayad. Kung ordinaryong criminal yan, gumalaw na kaagad ang fiscal, ang prosecutor para hilingin sa korte i-contempt yung mga hindi sumusunod sa kautusan ng korte. Ito parang masyadong relax yung mga taong dapat gumalaw.

So why is she being pampered?

I have no idea.

Sa tingin nyo ba kasama yung pangalan ng Pangulo doon?

OA na siguro yon. And again, maski na kasama pa, sabihin na natin ha, kunwari. Ano naman ang kailangan ikaba, ikatakot ni Pangulong Aquino?

Sir di ba pag-affidavit, nano-notarize, then becomes a public document, so paano yung sa affidavit ni Napoles (inaudible)

Well doon nga ako nagtataka. Alam nyo kaya nga sabi ko kanina, taktika ito, dahil in the ordinary course of events, kapagka ang isang akusado o testigo ay may affidavit, gagawin nya yan, kasama yung abogado nya, at isa-submit nya, in this case sa Ombudsman. Ito, may ibinigay na salaysay kay Secretary De Lima, ewan ko kung pirmado. May binigay na listahan kay Secretary Lacson, hindi daw pirmado. May ibinigay na listahan kay Sandra Cam, iba pa raw yon sa hawak ni Secretary Lacson, sa hawak ni Secretary De Lima. Eh ano ba ang balak nila? Kung talagang gusto niyang magkuwento, pirmahan na lamang niya ang isang affidavit at isubmit sa Ombudsman. Bakit ang dami pang arte?

Wala pa ba sa yong nagpapakita ng listahan?

Wala. Ang basehan ko lamang ay yung nabasa ko sa isang pahayagan, na dawit din daw yung pangalan ko, pati pa nga daw yung pangalan ng Tatay kong yumao na.

Lumabas daw sir nambukol daw kayo? Humingi daw kayo ng advance?

Ang lumalabas sa lahat ng naisahan, ako lang yung nakaisa sa kanya.

Sabi nyo sir bakit pinapayagan ng PNP, ng prosecution, kung bakit hindi makalabas si Napoles sa ospital, is there a conspiracy?

Sa ngayon nasa punto pa lang ako, na nagtatanong pa lang ako, gusto kong marinig yung kasagutan ng PNP at DOJ kaugnay sa bagay na yan. Why she is being treated with kid gloves? At the very least she is being treated with kid gloves right now. Kung may conspiracy, kung may sabwatan, kung may deal? Hindi ko alam yan.

Once na mareopen yung investigation ng blue ribbon, isa yan sa inyong bubusisiin?

Definitely. Isa yan sa itatanong ko dahil yung huling hearing nga namin kinuwestiyon ko si Secretary De Lima kung bakit hindi pa siya nilalagay sa ordinaryong kulungan. Ipagpapatuoy ko yung ganong uri ng pagtatanong.

Yung pinirmahan nyong committee report sa PDAF scam probe may reservation ba kayo ron o pwde na talaga siya...?

Wala akong reservation don sa pinirmahan ko. Kaugnay ng findings ng committee.

So completely suportado mo yung recommendation?

Yes. May mga pumirma bang with reservation, tulad nino?

Sabi po ni Senator Revilla he expects in the coming days baka arestuhin na sila, procedural lang sir, pwede ba silang arestuhin habang nasa session, di ba pagna-file na sa Sandiganbayan automatic suspended, anong mangyayari sa mga offices nila?

Procedurally, isama mo yung procedurally baka lumabas pinapatanggal ko na sila, pinapahuli ko na sila. Sa ilalim ng batas, hindi lamang pwedeng arestuhin ang isang mambabatas for crimes the penalty of which is below six years. Kung above six years like in this case, maski na may sesyon ang Kongreso, pwdeng arestuhin ang mambabatas. Ngayon kung ang tanong mo habang nagseseyon ba, pwedeng pumasok ang pulis at damputin. Sa palagay ko ay hindi at hindi naman kailangan ganoon pa. Pwede naman nilang hintayin palagi. Pwede naman palaging umistambay sila sa mga pinto at hintaying matapos ang sesyon o ipagbigay-alam sa senate president na may ganitong uri ng mga warrant na ise-serve para maging maayos yung pagserve at hindi na magkatulakan pa. Sa pananaw at palagay ko, ngsalita na rin naman ang tatlong respondent sa kaso na haharapin nila yung kaso, hindi magkakaroon ng problem kung ipatupad man nila ang anuamng kautusan ng Sandiganbayan kung, isang malaking "kung" ha, kung ipa-file yan. Pangalawa, sang-ayon sa plunder law, kapagkana-file na yung kaso sa husgado, in this case sa Sandiganbayan, automatically suspended sila. So pwedeng ipatupad lamang ng senado yung batas, hindi na naming kailangan pang pagbotohan at suspendihin sila pagkatapos maisampa ang kaso. Kung may humiling na magkabotohan, well ako boboto ako pabor sa pagsunod sa batas, kaya lang, napakapangit at hindi ko alam kung paano namin marereconcile na pagbobotohan namin kung ipapatupad namin ang isang batas na ipinasa namin o hindi. So ang mas posisyon ko doon, sundin na lamang dapat ng liderato ng senado ang tinatalaga ng batas na ipinasa namin. Anong mangyayari sa staff nila? Mananaitli pa rin dahil suspendido lamang naman sila, hindi sila makaka-attend lamang ng sesyon.

Question inaudible

Actually magandang tanong yon, ni hindi ko alam yung sagot dahil first time pa lang mangyayari ito. Remember iba yung sitwasyon ni Senator Trillanes, walang ganoong equivalent provision na suspendido siya. Hindi lang siya maka-attend noon dahil non-bailable yung sinampang kaso laban sa kanya. Walang probisyon na suspended automatically kapagka rebelyon ba ang kaso...

Sir diba dapat ni raffle pa kung kaninong division sa Sandigan Bayan?

Yes

So, hindi puwedeng automatic na dapat kapag na file na sa sandigan bayan?

Depende kung anong petsa na finile nila ayun din yung dapat na araw ng raffle o depende dahil sa special na kaso nito ay mag schedule ng special raffle yun presiding justice, desisyon niya iyon.

Regal remedy pa rin ba ng mga accused umakyat sa korte suprema?

Umakyat sila pero ano man pag akyat nila hindi mapipigil kung ano ang dapat gawin o ano man ang dapat gawin sa ibaba kung walang TRO.

Kung sakali lang na maaaresto sila saan sila ikukulong sa sandigan bayan ba?

Hindi ko alam, desisyon ng sandigan bayan iyon kung sino mang korte nag issue ng warrant of arrest siya din ang magbibigay ng commitment order kung saan detention facility sila ilalagay.

Kahit special sila, city jail ba is the possibility?

Hindi ko alam, i think lahat ay option sa parte ng sandigan bayan.

pero sir as a lawmaker mananawagan po ba kayo na bigyan sila ng konting kortesiya just in case.

Definitely, hindi dahil kapwa ko sila lawmaker baka malagay din ako sa sitwasyong iyon. Karamihan ng mga senador na ito binoto sila ng milyong pilipino at the very least dapat mabigyan sila ng kortesiya pero yung kortesiya na ibibigay sa kanila dapat binibigay din sa mga ordinaryong akusado hindi lamang sa kanila.

Clarification lang, under the plunder law hindi sila pupuwedeng arestuhin kortesiya na lang pero technically pupuwede silang arestuhin during the session.

Wala sa plunder law na hindi sila pupuwede na arestuhin. They can be arrested.

What about senator enrile for his age? Possible na magagawa ng senate?

Korte pa rin ang magpapasiya, the senate can make interventions. Can make appeals or please but Its all up to the court.

Appeals on what ?

Appeal one or the other kunyari humiling sila pero dapat pagbotohan ng senado yan. Can say na dapat puwedeng ganito dahil may sakit o may edad the senate can do that.

Puwede ba silang bigyan ng special treatment?

Dapat hindi iyan ang posisyon ko simula pa, yung mga special treatment na binabanggit nila yun mga gusto ng special treatment ayusin na lang natin yun sitwasyon ng lahat ng mga akusado para lahat ng lang special walang hindi special at doon sa nagsasabi na yun may pera ay dapat magbayad sila di lalong lamang na naman yun mayaman kesa sa mahirap. Kapag mayaman ka doon ka sa may kulungan na may aircon kapag mahirap ka walang electric fan. Kung gusto natin magkaroon ng tamang treatment itama natin at iwasto natin para sa lahat na detenado hindi sa pili o iilan lang.

Hindi ba sila aakuin ng Senate President?

I dont know if the senate leadership will do that. I have no idea.

Hindi po ba applicable yun kapag non bailable yun kaso ?

Hindi.

Sa pagpirma niyo sa komite, sa pagkaso niyo sa plunder Papaano ba ito nakaka apekto sa inyo, dahil kayo kayo rin kayo ang nagrerekomenda na kasuhan sila.

Siyempre nagkaka alanganan minsan, minsan yun tingin hindi mo alam kung maganda o hindi na so far hindi pa naman apektado yun trabaho namin sa senado wala pa naman na nagbabangayan o nagsisigawan dahil doon wala rin nanghaharang ng bill dahil yun isa pumirma laban doon sa isa na hindi pumirma wala pang ganun.

Ano yun atmosphere sa session hall?

The same pa rin.

Di pa ba malinaw yun holding ng senate sa pagbaba ng sandigan bayan halimbawa ng suspension order magbobotohan pa ba o hindi na?

First time pa lang mangyayari ito hindi pa namin pinag uusapan pero ang posisyon ko hindi na dapat pang pagbotohan, paano naman namin pagbobotohan pa ang isang bagay na kaugnay na pagsunod o hindi pagsunod sa batas paano kung manalo yun posisyon na huwag silang suspindihin e di parang nagbotohan kami na huwag sundin yun batas na pinasa namin napakasama sa panlasa nun.

Yun petition na judicial review ni sen. Jinggoy sa supreme court na hindi siya binigyan ng kopya ng affidavit hindi kaya magresulta ng technicality on the part sa ombudsman at parang mabalewala ang kaso.

Nasa kamay ng korte suprema iyan hanggat walang TRO hanggat walang order na inissue ang supreme court na pinipigilan ng ombudsman magpapatuloy pa rin ang lahat ng iyan.

Preparation for the intending arrest, did you ever talk about it?

We have not yet talk about it, no caucuses has been called by the leadership to talk about it and i think it would be also to presumptious for the leadership to even call a meeting about it parang ina assume mo na kaagad na idedeny ng ombudsman yun MR i dont think the leadership can do that.

Is the leadership is open an arrangement with the sandigan bayan or as easy para sa sergeant at arms to be inform na iinform na lang ang senate president or kailangan may arrangement talaga?

I dont think any arrangements would be necessary yun sheriff ng sandigan bayan accompanied by the member of the PNP i guess will serve the warrant and given to the senate has own sergeant at arms protocol dictate would be inform by the sergeant at arms and for the sergeant at arms to inform the senate president about the situation hindi na siguro pag usapan, pag planuhan o paghandaan kung mangyayari man yan we are all assuming.

Si Sen. Revilla kinausap niya na si sen. Trillanes kung ano ba yun sitwasyon sa loob si sen. Trillanes parang may assurance na he will trying na mabigyan sila ng best na kortesiya sa loob ng detention?

I dont know about that conversation, hindi ko alam.

Sabi ni sen. Revilla , possible na raw sila maaresto anytime soon. Ano na yun scenario ng senate minus the 3-senators. Paano yun function.

It won't be affected because quorum is dictated upon by the number of the senators or within the jurisdiction of the sergeant at arms ibig sabihin nun yun mga senators na abroad yun mga senador na by legal order na hindi makaka attend halimbawa nakakulong hindi sila kasama sa pagbibilang ng quorum ang isang maaring maging apekto lang ay ang pag ratify ng treaty pero kaya pa rin naman kasi sang ayon sa constitution binabanggit nun 2/3 ng 24 senators so palaging disisais na boto yun maski na 21 lamang yun legally kaya na maka attend labing anim pa rin ang boto na requirement para mag ritify ng treaty kaya pa rin mas mahirap nga lang.

Paano yun mga committee chairmanship sila na hine head?

Adjustment would have to be made, during the time if you remember again. Sorry for using as basis nun nakakulong si Sen. Trillanes nag cocommittee hearing naman siya at humihingi siya ng pabor na may senador na mag cover sa kanya para sa mga hearings niya.

Paano kung suspendido?

Mag assign ang senate president ng care taker chairman o yun vice chairman niya ang siyang uupo.

Paano yung mga staff nila? First time pa lang na mangyayari ito hindi naman useless because they have bills that they sitll need follow that remember hindi sila tanggal suspendido lang the staff would be there.

May suweldo pa ba sila kahit suspendido?

Hindi ko alam, first time pa lang kasi ito mangyayari.

Puwede ba na kahit hindi care of sa Senate president ang pag serve ng arrest order, puwede ba sa mga bahay bahay na lang nila i serve yun warrant?

Puwede Kung doon naabutan ang tanong kasi kanina paano kung nag sesession kung nandito so i guess the correct procedure would be what i mention kung nandito, sa labas siyempre puwede. Kung dito lang ha ang assumption ko kanina kung dito pero kung sa labas gagawin o sa bahay hindi na kailangan dumaan sa sergeant at arms at senate president wala na yun.

Ang impression nila sen. Bong revilla na kung ichacharge na sila this week to divert the attention ng public mula doon sa non issuance pa rin ng napoles list.

Mag issue man ng warrant of arrest o hindi dahil pinalaki na ng mga may hawak ng listahan yun issue na yan palaging nandiyan ang issue lalabas at lalabas pa rin iyan. Sa palagay ko hindi matatakpan iyun.

Yun mga staff hindi masususpend so yun budget ng office meron pa rin ba? Again, first time pa lang ito im not sure take the case of sen. Lacson, i can only decide on president ha. Wanted siya may warrant of arrest laban sa kanya hindi siya natatagpuan sumuweldo pa rin ang mga staff niya for a few months and at some point tinigilan na ng senado kasi hindi na siya makapirma sa daily time record so walang pumipirma walan authorize din na pipirma kaya natigil yun pag susuweldo hindi ko alam yun rules ng COA rules ng senate tungkol sa bagay na yan.

Si Senator Ping Lacson noong one year nawala, ang mga staff binigay muna sa ibang mga department ba, dib a?

Ang iba rin inabsorb ko, ang mga kakilala ko, kaibigan ko, inabsorb ko rin ang iba.

Pwede kayang ganun ang mangyari, sir?

Pwedeng ganoon kung may budget pa ang ibang mga senador. Pero again this is a unique situation kasi suspended nga if ever sila so again kapag inilabas nyo naman ito huwag naman palabasin na parang sinasabi ninyo na mangyayari ha.

Pumirma na ang sampu sa committee report, kapag nilabas ang warrant, suspended na sila automatic hindi ba. So susunod ba ditto possible na magbotohan kayo para sa expulsion ng tatlong senators?

Ni hindi pa napoporma ang Committee on Ethics. Matagal na akong nananawagan na iporma na ang Committee on Ethics. Sa Committee on Ethics manggagaling ang anumang resolusyon na pagbobotohan sa plenaryo para disiplinahin ang sinumang myembro.

Kukunin nyo ba ang posisyon?

Ni hindi nga inaalok sa akin, kukunin ko?

Sinasabi nila na si Sec. De Lima daw at si Napoles nagkasundo naman talaga na hindi ilalabas ang list until na hindi matapos ang pangangalap ng ebidensya against those mentioned in the list. Sa tingin mo tama ba iyon?

Ganito ang sitwasyon, siguro, sa tingin ko talaga malamang sa malamang wala pang pirmadong affidavit. Kasi kung may pirmado nang affidavit, walang karapatan si Sec. De Lima na mag-verify at validate na nakapaloob sa affidavit na pinanumpaan at pinirmahan na. halimbawa, may affidavit si napoles at nilagay ang panagalan ko doon. Vinalidate, vinerify at vinet ng DOJ (tapos) hindi pala totoo. Walang kapangyarihan ang DOJ na balikan si Napoles at sabihin sa kanya na 'hoy hindi naman totoo ang paglagay mo sa pangalan ni Chiz, tanggalin mo iyan sa affidavit mo. DOJ cannot do that to a witness. Kung anuman ang sabihin ng witness sa isang affidavit niya, lahat man iyon ay kasinungalingan o katotohanan, may halo man yang kasinungalingan o katotohanan, let it stand or fall based on what the witness said.

So mali ang ginagawa ng DOJ ngayon dahil, kung meron mang kasunduan..

Unless hindi signed. Kung hindi kasi signed. Wala pa naming ipapabago e. Pangalawa, ang DOJ sa ngayon I think kunsaka-sakali man kung may usapan man sa pagitan ni Napoles at kung anumang deal man meron, ang usapan siguro ay.. hindi ba ang sabi ni Sec. De Lima ang kondisyon ko lang hindi ang kapalit nito ay pagiging state witness, hindi ba ganun? At pangalawa, dapat buong katotohanan ang sasabihin mo walang, labis walang kulang. Kaya siguro vinevet o vinavalidate ng DOJ ngayon iyan kasi kung may hinalo siyang hindi totoo doon, e di wala silang pinag-usapan. Parang ganoon wala silang pinag-usapan. Iyon siguro ang sitwasyon ngayon dahil kung signed affidavit iyan, pinanumpaan na, pinirmahan na, hindi na iyan kayang baguhin ng anumang vetting o validation. Hindi trabaho ng DOJ na ivet at ivalidate ang affidavit ng isang taong kinakasuhan nila.

So granting na ganun nga, most likely ipapaalam na ng DOJ iyon to hold the list.

To hold the list? Ang punto ko nga e di sana hindi muna nila inanunsyo.

Kung walang pirma at navalidate nila na wala naming ebidensya pwede ba nilang ipatanggal iyon?

Hindi nila pwedeng pilitin si Napoles na tanggalin iyon kung gusto niya pa rin na ilagay iyon. Kung gusto niyang maglagay ng kasinungalingan doon, problema niya iyon. Pero I think ang sinasabi ay kaya vinevet at validate dahil kung may halong hindi totoo ditto, wala tayong pinag-usapan.

Pwede bang (inaudible) na lang ni De Lima na kung signed affidavit iyon submit it sa office..

Well siguro magandang matanong ngayon na may pagkakataon na tanungin siya at hindi ako. May pirmadong affidavit nga ba o wala? Kwento lang ba ang binanggit mula sa tape recorder? May signed affidavit ba o wala? At least si Sec. Lacson inamin niya na hindi signed. Ang kay Sandra Cam inamin niya na hindi rin pirmado. Sa totoo lang ano ba itong pinag-uusapan natin? Kaya ko rin naming magsulat sa bond paper.

Bakit hindi umaamin si Sec. De Lima kung signed o hindi signed?

Magandang matanong nga siya. Kung signed walang vetting na kailangan pang gawin doon. Kung may vinet silang hindi totoo, they cannot change the affidavit, neither can they compel Napoles to change that affidavit.

If it is unsigned, why is she challenging the Senate to..

Well to begin with, if it's unsigned why did she even say there is such a list?

Can the Senate even disclose the contents of the unsigned affidavit? Alam mo sa akin, imbes na conspiracy theory mas iisipin ko pang taktika ito. Nagpalabas si napoles ng mga listahan. Binigay o ipinain kay Sec. De Lima. Ngayon naiipit na si Sec. De Lima at nabigyan bigla ng kredibilidad ang listahan na na kay Napoles an hindi pa talaga napipirmahan kunsaka-sakali.

Kung signed na ang affidavit tapos vinavalidate pa ni De Lima, is that a criminal act?

No. but she cannot change it anymore.

So it's not illegal kahit ipabago niya or to validate.

It's not her business na ipabago iyon, una, hindi naman siya ang abuagdo ni Napoles. At kung iyon ang sinasabi ni Napoles na totoo sa pananaw niya, again storytelling o story telling a lie man iyon, let it stand and fall and use those lies in the affidavit or inconsistencies in the affidavit against her. It's not for the DOJ at this time and at this level to validate an affidavit and remove lies there and only include supposed truths that they validated.

So ibig sabihin ba niyon hindi niya kayang bawiin ang mga ___

Mahigit kalahati ng budget ng DA ang isinailalim kay Sec. Kiko Pangilinan. Mahigit kalahati ng budget ng DA ang papangasiwaan na ngayon ni Sec. Pangilinan. I think about 40 billion excluding the debt of NFA, excluding the coco levy which is about 80 billion. So sana magkausap si Sec. Pangilinan at si Sec. Alcala dahil mahirap ang napakaraming coup sa loob ng iisang opisina. Right or wrong dapat isa lang ang masusunod. At sana ang coordination nila ay maging maliwanag at well delineated kaysa nagbabanggaan lamang sila. That will be a disservice to our farmers.

...__ Alcala?

I cannot speak for the President neither can I venture on what's going on in his mind. Kung gusto niya na swift na pagtanggal kung yun man ang balak niya o killing me soflty o check and balance muna, that is well in his discretion to decide upon but until he's not removing Alcala, until Alcala is not being replaced, he continues to enjoy the confidence of the President. That is safe to say.

So obviously, na-clip ang power ni Sec. Alcala.

Hindi man na-clip, naglagay ng Big Brother si Pangulong Aquino to watch over his shoulder.

Signal na ba iyon para lumayas na siya sa pwesto?

Again, I do not want to venture on what's going on in the President's mind. I also don't want to presume on what's going on in the mind of Sec. Alcala.

So may liability ba si De Lima?

The question now is what's the purpose of vetting and validating it? What if she validates something written there na hindi pala totoo? Anong silbi? Can she change it? Will she defend the person falsely or wrongly included? Kunyari nga ako binaggit doon at sabi ng isang pahayagan binanggit daw ako doon, vinalidate ni Sec. De Lima, hindi naman totoo, will Sec. De Lima stand uo and say 'hindi totoo?' it's not for her to do that.

Arrest on the Chinese fishing vessel. Tama ba na inaresto natin sila e ang gulo na nga ng situation? Will escalate tension?

I hope it won't escalate tensions. We are simply asserting our rights within our territory. Ginagawa din naman ng bansang Tsina yan sa ilang mga barko na pag-aari ng Pilipinas pero sana iwasan na ang mga ganitong uri ng sitwasyon. Sana makapagbigay ng kautusan na maximum tolerance tayo at sila. Kaya nga sinusulong ni Pangulong Aquino ang rules, regulations, guidelines governing the conduct in a disputed area sa ASEAN. Sana maaprubahan iyan ng ASEAn at sana katigan din yan ng bansang China para maiwasan ang hindi pagkakaunawaan na maaaring makapagpalala sa sitwasyon.

E yung sinampahan ng immigration officer sa NAIA?

Tingin ko pareho silang mali pero mas mali ang immigration officer dahil opisyal siya ng gobyerno. That's one thing that distinguishes an official of government from a private citizen, although pareho silang may mali dahil sinapok din naman siya. No government official or employee of the government will ever have the right to be impatient or lose his patience kahit gaano kamali ang private individual o citizen for that matter. Saktan man siya, hayaan mo nang mali ang citizen pero ang opisyal ng gobyerno kalanman ay hindi pwedeng maging mali, magalit at mawala ang pasensya.

So tama lamang na masuspindi.

Tama lamang na masuspindi. Dapat pa nga siguro na tanggalin at hindi lamang siya, pati ang mga opisyal na nandoon na nakita at alam ang nangyayari pero nagkibit balikat lang at parang walang naganap na kamalian.

Sen. Ping Lacosn disappointed dahil sa mabagal na rehabilitation. He mentioned 2 cabinet secretaries na parang dinederail daw ang rehabilitation. During the hearing napansin mo kung sino ang 2 cabinet na binabanggit?

Ayon sa kinatawan ni Sec. Lacson, ang nagsa-submit pa lang na cluster ay ang cluster ni Sec. Singson. Hindi pa nagsa-submit ang cluster ni Sec. De Lima, ang cluster ng DTI, at Sec. Dinky, at iba pang clusters na inassign sana nila. Pero eto na naman tayo e. sana pangalanan niya na lang ang secretary. Pag nag-attend siya ditto hihilingin namin na pangalanan niya ang 2 secretary at nang masingil. Mahirap naman na mapulaan na naman tayo. At least mas maikling listahan ito. 2 lang at hindi 16. Pero tama na ang ganun para naman makapagpaliwanag rin ang mga secretaries.

Next hearing invited na po siya?

Hindi kasi krimen ang pagiging manhid e. Hindi pa krimen iyon sa ilalim ng batas natin. At the very elast they should be called to task by the President while they are not doing their jobs.

So next hearing invited si Sen. Lacson?

Yes. May 14.

..campaign issue..rehabilitation since at the rate things are going baka it would take another 6 months for the other cluster to submit. Pagpasok ng 2015 it would be campaign period for 2016.

Posibleng maging campaign issue iyon sa mga lugar pero problema na iyon ng mga tatakbo.

Showbiz. May art gallery si Heart. Anong klaseng support ang binigay ninyo sa kanya?

Wala akong nude doon. Launching ng art exhibit niya mamayang 6pm, Ayala Artist Base Museum. Meron siyang 19 na obra. May mga ginawa rin ako pero nasa kotse lang in case na maubos din. The exhibit is from May 8-22. Ito ang kauna-unahang art exhibit niya. Pagventure niya ito sa iba na naming larangan na sana maging matagumpay. Sabay kaming nagpe-painting pero kasi ang akin hindi pwedeng i-exhibit. Hindi kaexhi-exhibit e.

Ano ang mga obra niya doon?

Iba-ibang intricate designs ang ginagamit niya. Wala naman kasing classification ang art. Nasa mata palagi iyan ng nag-aapreciate so sana ma-appreciate ninyo.

Sabi raw ni Heart sir kapag pumunta sa Paris yun na raw yung papakasalan nya. Is the wedding the works?

In the works wala pa. We're talking about it pero wala pang plano.

Kailan sir?

Hindi naman namin itatago yun at hindi kami magsisinungaling tungkol dun. Pero hindi ko rin naman ipagyayabang or uunahan kugn wala pa talaga.

Diba sir sabi nyo ang tagal naman kung 2016 pa, so next year siguro?

Sana. Sana.

So 2015. Sa House daw yung political dynasty nasa plenary na. Ano yung chance na makalusot?

Nasa komite palang yata yan dito. Gaya nga ng sabi ko hindi ko haharangin yan dahil nanggaling ako sa sitwasyon tulad nyan dahil dating kongresista ang tatay ko sa distritong pinagsilbihan ko rin pagkatapos nya. Pero boboto ako pabor dyan dahil kung lahat ng dynasty dito sa Senado ay mag-i-inhibit baka kulang na yung boboto para maaprubahan yan. Ang tanong ko lang siguro, anong klaseng bill ng dynasty ang ginagawa ngayon? Nakita ko ang ilang bersyon sa House. Halimbawa, pag tumakbo ang magkapatid disqualified na raw pareho. Paano kung yung isa tumatakbo bilang president tulad ni PNoy tapos yung kapatid nya na hindi nya maawat biglang tumakbo sa ibang pwesto? Disqualified silang dalawa? If one is disqualified, who will be disqualified? Who gets to decide who will be disqualified? Paano kung may pinsan ka dahil nakalagay within the 4th civil degree biglang tumakbong barangay captain sa Davao dahil dun na sya napadpad. Ikaw tumatakbo kang senador sa bansa, ni hindi mo alam na may balak syang tumakbo. Paano pag nakuha ng kaaway mo yung first cousin mo or yung kapatid mo or yung half brother mo na tumakbo rin para hindi ka patakbuhin? There must be safeguards against those kinds of situations. Kasi ang daming magkakapatid sa pulitika na magkaaway ha. So makuha lang ng kalaban mo yung kapatid, bawal kana bigla? So these things must be look into.

Sir yung version dito sa Senate?

Hindi ko pa po nakita.

Sir yung sa EDCA, meron na ba kayong position dyan?

Actually hindi ko pa nababasa yung EDCA (Enhanced Defense Cooperation Agreement). Pero sa totoo lang, legally, the Senate cannot compel the Executive to submit a document for ratification. That is the decision within the ambit of the Executive to decide upon. Kahit nanggigigil kaming i-ratify yan kung hindi naman isa-submit sa amin for ratification, kahit magsisigaw kami wala kaming pagbobotohan. So at the end, it's the decision of the Executive. Secondly, naalala ba ninyo yung naipasa yung VFA? Yung nirafity ng Senado? Nagrereklamo tayo noon na bakit ang Amerika hindi ni-ratify yan; bakit tayo ira-ratify natin? Bakit ang tingin ng Amerika dyan bakit parang napakababang kasunduan lang? Bakit tayo ini-elevate natin sa antas ng pagiging treaty? Ang tingin naman nila hindi ito treaty. Ganyan din ang tingin ng Amerika dyan. Tayo ganun nanaman, ie-elevate nanaman natin sa pagiging treaty yung hindi naman treaty ang tingin ng Amerika? Masyado naman tayong nagpapaapi uli. But again, I haven't read it; it hasn't been submitted to us officially by the Executive.

Is there a necessity na mag-conduct ng investigation in aid of legislation?

I think Sen. Trillanes already did that. Para daw maipagbigay alam sa publiko at sa Senado kung ano ang nilalaman ng treaty.

He's calling for an executive session. Is the Senate required to review?

Review to be informed, yes. But again, even if we review it, the most that we can do, even assuming it has the votes, is to urge to Executive to submit it for ratification but we cannot force the hand of the Executive to treat it as a treaty and submit it for ratification even if the Executive doesn't want to do that.