Press Release
August 20, 2014

SPONSORSHIP SPEECH OF SEN. GUINGONA ON MANDATORY PHILHEALTH COVERAGE FOR ALL SENIOR CITIZENS

Kagalang-galang na Pangulo:

Sa araw na ito, tumatayo po ako sa harap ninyo upang manindigan para sa isang mahalagang simulain.

Ginoong Pangulo, tumatayo po ako sa harap ninyo sa araw na ito alang-alang sa isang sector ng mga kababayan natin napatuloy na dumadaan sa matinding mga pagsubok ng buhay.

Kasama sa mga pagsubok na ito ang paghina ng kanilang katawan. Ang katapusan ng kanilang productive years. Ang kawalan ng kakayahan na alagaan ang kanilang sarili.

Ginoong Pangulo, tumayo po ako sa harap ninyo ngayon para hilingin ang suporta at tulong ng ating Senado. Tumayo po ako... sa ngalan ng halos tatlong milyong kababayan nating Pilipino - ng halos tatlong milyong Pilipinong tinatawag nating mga ... senior citizens.

Today, Mr. President, on their behalf, and on behalf of my peers in the Senate Committee on Health, I ask for your support and that of this entire body for the speedy passage of Senate Bill 712: An Act Providing for the Mandatory Philhealth Coverage for all Senior Citizens ..amending for the Purpose RA 7432 as amended by RA 9994... otherwise known as the Expanded Senior Citizens Act of 2010."

Ginoong Pangulo, sa aking pag-iikot sa bansa, marami po akong nakakasalamuhang mga lolo at lola. Tuwing kinukumusta ko sila, ang sinasagot nila, "mabuti naman po." Pero 'pagtiningnan po ninyo ang kanilang mga mata, mababasa po ninyo duon ... na sila ay dumadaan sa matinding paghihirap.

They are going through much pain.

Tinanong ko po ang isang lola. Sabi ko, ano po ang masakit sa inyo? Tumingin lamang sila sa akin ... at inilagay ang kanang kamay niya sa kanyang dibdib. Akala ko, ang ibig niyang sabihin ay meron siyang sakit sa puso. Pero ganito ang sabi niya sa akin:

"Senador, hindi po puso ang masakit sa akin ... ang masakit po ... ang damdamin ko."

Bakit po, ang tanong ko. Sagot ni lola:

"Lagi po kasi akong nag-aalala ... nawala akong pambiling gamot ... at hindi ko na po kayang magpa-duktor."

Mr. President, at that moment, I came to realize that the real disease of advanced age, is neither just gout nor mere rheumatoid arthritis. The worst of all advanced-age related diseases ... is the feeling of uselessness ... and helplessness ... and hopelessness.

Ang pinakamatinding sakit ng isang nagka-edad na ... ay ang pakiramdam ... na wala ka nang silbi ... at hindi mo na kayang tulungan ang iyong sarili. At ang bunga nito... ay ang kawalang-pag-asa.

Ginoong Pangulo, 'yan po ang sakit ... na layuning tulungang gumaling ... ng Senate Bill 712. Under this proposed law, Mr. President, it will become mandatory for all Filipinos 60 years and above to be covered by the Philippine Health Insurance Corporation.

As of June of this year, Mr. President, Philhealth has already covered some 3.9 million senior citizens, as lifetime members, dependents, sponsored ... or as indigents.

Yes, Mr. President, some 3.9 million Filipinos classified as senior citizens have already been assured that their medical requirements in advanced age can be adequately met.

A recent census, however, shows that the number of Filipinos 60 years old and above stands at some 6.1 million.

That means some 2.16 million Filipino senior citizens may still be languishing in hopelessness ... and in the worry that they cannot meet the medical requirements of one who is advancing in age. Ang dalawang milyon at dalawang daang libong senior citizens na ito, Mr. President, ang layuning bigyan ng pag-asang Senate Bill 712.

Sa layuning ito, mangangailangan ang pamahalaan ng karagdagang budget na 5.138 billion pesos. Sa tingin ng inyong lingkod, Mr. President, maliit na halaga lamang na halaga ito kung ikukumpara sa laking pag-asa at pagkalinga sa ating mga lolo at lola na ibibigay nito.

Maliit na halaga po ito... para sa pagtupad natin sa atas ng Universal Health Care agenda ng ating bansa.

Ginoong Pangulo, may paniniwala tayong mga Pilipino. Sabi natin, ang isang anak ay salamin ng pagkatao ng kanyang mga magulang. A child is the reflection of the character of his parents. Kung magandaang pagkatao ng isangbata, 'yun ay anino lang ng maayos na pagkatao ng kanyang mga magulang.

May kakambal ang prinsipyong ito. Sa pagtanda naman ng isang tao, ang kalagayan ng tumanda na magulang ay salamin ng pagkatao ng kanyang mga anak. The condition and situation of a person in his advanced age ... is the reflection of the character of his or her children.

Tanong ko: hindi kaya ang kalagayan ng mga senior citizens natin ay salamin din ngpagkatao at character natin bilang isangbansa? Bilang isang lipunan?

At ano po, Ginoong Pangulo, ang character ng isangbansa ... kung saan ang mga tumandang mga magulang ... ay nakababad sa kawalang pag-asa na matutugunan ang mga pangangailangan nila sa kalusugan?

At sa kabilang dako, Ginoong Pangulo, ano naman po kaya ang larawan ng isang bansa at lipunan... kung saan ang mga tumandang mga magulang ay naaalagaan ... at natutugunan sa mga kailangan nila para sa kalusugan?

Ang mga tanong po na 'yan, Mr. President, ay sasagutin ng tugon ng Senado sa hiling ng Senate Health Committee ... sa maagang pagpasa ng Senate Bill 712.

Muli, tumatayo po ako sa harap ninyo para hingin ang suportang 'yan sa ngalan ng mga kasamahan natin sa Senate Health Committee.

Maraming salamat po sa inyong lahat.

News Latest News Feed