Press Release
December 10, 2015

FULL TRANSCRIPT OF KAPIHAN SA SENADO
WITH SENATOR FRANCIS G. ESCUDERO (FGE)
HOST: MS. CELY BUENO

BUENO: So good morning. Welcome to our Kapihan sa Senado and our guest for today is the leading contender in the vice presidential race. Ito na ba ang iyong susunod na bise presidente ng ating bansa? Let us all...

QUESTION: Question. May question kaagad sir.

FGE: Question agad? Wala pang good morning?

BUENO: Let us all welcome Senator Chiz Escudero. Hi sir, good morning.

FGE: Good morning.

BUENO: 'Yun munang mainit na pinag-uusapan. Water naman, kanina pa...

QUESTION: Sir, water?

FGE: Okay lang.

QUESTION: Gusto niyo ba ng coffee sir?

BUENO: Sir ito muna kasi mainit na pinag-uusapan. Mayor Rodrigo Duterte openly admitted that he killed some criminals considering that today is National Human Rights Day. And as former Committee on Justice Chairman and as a lawyer, what is your take on that? Tama ba 'yun? Dapat ba siyang imbestigahan sa kanyang ginawang admission?

FGE: May trabahong dapat gampanan 'yung mga ahensiya ng pamahalaan tungkol diyan. Pero ngayong panahon kasi ng pulitika't eleksyon maski na anong gawin ng kandidato palaging sasabihin na panggigipit o pangpe-pressure. We are on the receiving end, Senator Grace and I of that equation. Naniniwala kami ni Sen. Grace sa basic rule. Do not do unto others what you do not want others to do unto you. Kung may pananagutan siyang dapat harapin pagkatapos na siguro ng halalan at ng eleksyon. At hindi para sa amin na gamitin 'yun laban sa kanya ngayon.

BUENO: Sir, may sinabi pa siya na 'yung peace and order problems can be resolved by killing criminals.

FGE: Hindi ako naniniwala sa katagang, the ends justifies the means. Hindi ako naniniwalang pwede mong iwasto ang isang pagkakamali sa pamamagitan ng paggawa ng isa na namang pagkakamali. You cannot correct a wrong by another wrong. Sa isang demokrasya, may mga proseso tayong dapat sundan at 'yun ang dapat nating susundan. Ang susunod na magiging pangulo ng bansa, manunumpa at susumpa na ipapatupad ang batas at ipapatupad din ang Saligang Batas. At kabilang diyan ang right to life, liberty and property at hindi pwedeng kunin 'yan without due process of law.

BUENO: So sir, balikan ko lang. Are you encouraging concerned government agencies na imbestigahan 'yung ginawang admission na 'yun ni Mayor Duterte?

FGE: Gaya ng nasabi ko, kung saka-sakali pagkatapos marahil ng kampanya at eleksyon dahil baka sabihin pulitika na naman lamang ito.

BUENO: So after election. Ay paano daw ho manalo...

QUESTION: Paano 'pag nanalo...

BUENO: May immunity na siya.

FGE: Bahagi na 'yan ng pagpili ng ating mga kababayan ng susunod na maging pangulo ng bansa. Bahagi 'yan sa dapat nilang timbangin kung saka-sakali. Sabi ko na sa inyo, love, love, love e. Ano ba.

BUENO: Jinky, may related question...

FGE: Wala. Ay.

QUESTION: Hindi related. Iba e. Okay lang?

FGE: Okay lang.

QUESTION: Sir... hindi. Mamayang hapon magpa-file ang NBI sa DOJ about doon sa laglag-bala. As a lawyer, ang robbery with extortion ba is enough for that particular case? At ang mananagot lang so far na nakita namin sa advancer is OTS and the PNP-Aviation Group na mga personnel. What can you say about it?

FGE: Mabigat na krimen 'yung robbery with extortion. Complex crime na 'yan at mas mabigay ang parusa niyan kumpara sa simpleng krimen o sa simple extortion lamang. Sapat na 'yun para sa akin basta ang importante 'yung involved lang talaga ang kakasuhan nila at hindi 'yung wala namang kinalaman at nagkataon lamang na nandoon. Naniniwala ako na hindi naman lahat na empleyado ng OTS at Aviation Security Group ay involved dito. Mangilan-ngilan lamang. Pero pinapatunayan nito na hindi ito kuwento na pinalaki lamang ng media, na mayroon talangang grupo tawagin na lang nating sindikato na gumagawa nito laban sa ilang mananakay at dumadaan sa airport. Hindi ito election issue na nilikha lamang at kathang isip lamang laban sa administrasyon. Kaya nga hindi nila naresolbahan kaagad ang kuwento at isyung ito e. Ang unang hakbang sa pagresolba ng problema: pag-amin na may problema. Ayaw nilang aminin, ngayon nag-file na ang NBI. Siguro naman, mas mabilis ang magiging aksyon nila para matigil na ito.

QUESTION: Come under responsibility sir from... you know, MIAA, DOTC?

FGE: Matagal ko nang pinapanawagan na tanggalin ang mag-video ang DOTC Secretary. Dagdag mo na 'to sa listahan ng dahilan para siya'y magbitiw o tanggalin.

QUESTION: Thank you.

BUENO: Sir, hindi siya kasama sa kinasuhan pagdating doon sa MRT maintenance contract. So sir, isa ka rin ba sa dismayado, na hindi siya... (laughs)

FGE: Sandali lang, kagigising lang ng misis ko. Ano?

BUENO: Anong sinabi sir?

FGE: Sabi ko nasa presscon ako.

BUENO: Sir, paano yun? Hindi nga siya kasama, inabsuwelto siya ng Ombudsman doon sa mga kinasuhan in connection doon sa MRT maintenance contract.

FGE: Sa pagkakaalam ko, nagpahayag yung mga field investigators ng Ombudsman at sinumite nila muli ang kanilang findings at ito'y, sa ngayon, dapat tinitingnan muli ng Ombudsman kung dapat nga bang isali at isama si Secretary Abaya o hindi. Matapos magbigay ng presscon yung field investigators, isinumite nilang muli yung findings nila. Inaasahan ko, one way or the other, pagpapasyahan at dedesisyunan ito ng Office of the Ombudsman, kung isasampa nga ba yung kaso o pananatilihing dismissed yung kaso as to Secretary Abaya.

QUESTION: Sir, allowed ba ang Supreme Court justice na may suportahang kandidato?

FGE: Botante pa rin sila at the end of the day. Sa dulo, ang mga mahistrado ng Korte Suprema, kabilang ang pangulo, ay mga botante pa rin at boboto pa rin sila. Ang magiging issue lamang siguro ay kung may kasong makarating sa Korte Suprema, maituturing ba itong ground para mag-inhibit sila o hindi.

QUESTION: Sir, doon sa kaso ng dalawang SC justices na allegedly brad ni Mayor Duterte, may report kasi na they tried to convince Roy Señeres to withdraw from the race in favor of Duterte.

FGE: Ayokong magkomentaryo kaugnay sa balita o kuwento na wala ako mismo o personal ko kung ano eksakto ang nangyari o naganap. Minsan kasi, tao pa rin naman sa dulo ang mga mahistrado ng korte. Senador man o presidente, tao pa rin naman iyan. May kapitbahay, may kaibigan, may ka-brad, may pinsan, at marahil, hindi nila suot yung kanilang sumbrero bilang mahistrado at hindi rin naman yun yung circumstances noong ginawa po nila yun. So para sa akin, importanteng malaman ano nga ba yung eksaktong nangyari, saan ba nangyari, at ano yung circumstances surrounding noong allegedly sinabi o pagkakasabi noon. Hindi naman parang mga robot ang mga mahistrado o opisyal ng gobyerno na palagi na lamang, ika nga in character sila. Nais kong malaman muna bago magkomentaryo, ano nga ba yung circumstances at sitwasyon noong diumano pagkumbinsing naganap.

BUENO: Ok, Maila.

QUESTION: Sir, yung simpleng ano niya, connection, the fact na magkasama sila sa isang frat, kasi the same applies with also, should also apply doon sa kaso ni Elamparo di ba? Kasi by ano din yun, by association din lang.

FGE: The same by association... hindi brad ni Nonong Cruz si Atty. Elamparo.

QUESTION: Sir, I mean law firm. The same law firm, may association lang di ba, yung tungkol doon sa ano, kung bakit niyo na-connect si Elamparo with the Roxas camp.

FGE: Hindi dahil sa fraternity connections iyon, ni hindi ko ginamit yun Comelec...

QUESTION: I mean naman sir...

FGE: Bagaman iyon ang sitwasyon sa Comelec.

QUESTION: By association, if we're going to use the same logic sir, so yung mere association din ba ng dalawang justices doon sa kandidato enough din bang ano... parang...

FGE: Kung may kaso sigurong invloving Mayor Duterte na makarating sa Korte Suprema, oo. Pero kung kaso involving any other matter not related to Mayor Duterte, marahil ay hindi. Magdedepende na yun sa mahistrado mismo. Maski nga si Senator Nancy Binay, hindi naman namin kinuwestiyon sa SET. Umasa kami na gagawin niya kung ano ang tama at dapat bilang anak ng kalaban ni Senator Grace. Hindi nga lang niya ginawa, yung sa pananaw namin, ang tama at dapat gawin.

QUESTION: Sir, paano sir kung hindi nga involved yugn Duterte pero he will benefit from it sir?

FGE: Pag-aaralan yun ng mga abugado kung hihilingin niya, Maila, pero para sa akin alam mo, ang inhibition, lalo na ng mahistrado ng korte ay maselang bagay. Dahil walang mas mataas na korte na puwedeng pumuwersa sa kanila na mag-inhibit. So at the end of the day, ang pag-inhibit o hindi pag-inhibit ng mahistrado ay voluntary sa parte nila. Parang, ibaba natin sa ordinaryong judge. Pag hiniling mong mag-inhibit yung judge dahil may bias siya at ayaw niya, malamang sa malamang yari ka na. So pinag-aaralan ng husto iyan at tinitingnan, sinusuri kung iyan nga ba ay hihilingin ng isang partido o hindi. Sa parte ng RTC judge, puwede mong kuwestiyunin pa sa CA o sa Supreme Court yung hindi niya pag-inhibit. Pero sa parte ng mga mahistrado ng Korte Suprema, it's purely voluntary on their part. Kaya pansin niyo kanina pa, nagiging sobra at masyado akong maingat tungkol doon. It's purely voluntary on their part. Kaya pansin niyo kanina pa, nagiging sobra o masyado akong maingat tungkol doon.

QUESTION: So, just in case umakyat as Korte Suprema ang disqualification case against Senator Poe, wala kayong nakikitang concern doon sa ilang justices kung sakaling identified sila sa ibang presidentiable?

FGE: Magdedepende iyon palagi sa mahistrado mismo ng Korte at taktika at estratehiya na iyan ng abogado ng kung sino mang may kaso doon kung hihilingin nga ba o hahayaan na lamang.

QUESTION: Sir, kahapon sa press conference may sinabi na (inaudible)

FGE: Hindi ko alam kung anong basehan niya kasi yung the firm nahati na. Hindi ba, wala naman the firm one, the firm two. Sa panig ni Atty. Nonong Cruz, marahil oo at iyon ang na-trace naming koneksyon pero doon sa panig ng kabilang mukha o kabilang kampo ng the firm, hindi ko tiyak iyon, dalawa na kasi iyon Jeff.

QUESTION: So sir yung mga ginawa niyong, doon sa mga nagfile ng disqualification case against Senator Poe, si Atty. Elamparo lang ba at si Dean Amado Valdez ang nakita niyo na connected sa camp ng Liberal Party?

FGE: Ayon sa aming mga abogado, oo, tila yun ang may koneksyon.

QUESTION: How about yung dalawa pa sir?

FGE: Hindi ko alam yung kay Prof. Contreras, kay Senator Tatad, nakaalyado naman yata siya sa kampo hindi ba? Kay Vice President Binay kung hindi ako nagkakamali.

QUESTION: Pero according to VP Binay ang message niya kay Senator Poe, biktima din siya ng mga demolition jobs so parang wala daw siyang kinalaman dito.

FGE: Hindi naman kami nagtuturo ng initial sinasabi lamang naman namin yung mga koneksyon na iyon yung hugot ika nga o pinagmumulan at pinanggagalingan ng mga naghain ng kaso laban kay Senator Grace. Kung ano man ang usapan na mayroon sila o kasunduan, wala kami doon at wala kaming personal knowledge kaugnay po nun. Malamang iyon lang pero ang sa atin, iyon lamang ang pinanggagalingan marahil nung mga naghain ng kaso. Alangan naman kasing bigla silang gumising ng isang araw at nagdecide, magfi-file ako ng disqualification case laban kay Senator Poe, hindi naman po siguro ganoon iyon.

QUESTION: Sir dinisqualify na po ng 2nd Division ng Comelec si Senator Grace Poe so napaka-crucial ba ng decision ng 1st Division considering na nandoon yung tatlong DQ ni Senator Poe?

FGE: Crucial ba siya?

QUESTION: So updated yung three disqualification case lang sir, no?

FGE: Hindi ko alam kung crucial siya dahil pag pinagsama-sama mo yung mga boto ng commissioners ng Comelec, kung hindi babaliktad o magbabago ang stand nung tatlo, iisa na lamang naman ang kailangan, yung kabilang panig para ,madisqualify si Senator Grace. So sa totoo lang hindi na kami gaanong umaasa sa magiging kakalabasan ng Comelec En Banc dahil napakadaling kumuha ng iisang botong kailangan nila para makuha ang pagnanais nilang madisqualify si Senator Grace.

QUESTION: Sir umaasa naman kayo na independent, impartial yung mga commissioner considering na karamihan nga doon ay appointed ng Aquino administration?

FGE: Wala naman kaming magagawa kung hindi iangat ang kanilang desisyon, hindi man kami sangayon o ganun man sila ka-biased sa pananaw at opinion namin,.yung kaso na lamang ng 2nd Division. Ni-isa sa aming cinite na mga basehan at batayan, ni-hindi nila qui-note. Imbes na yung kaso ng Supreme Court na aplikable sa kaso ni Senator Grace ang ginamit, ang kaso pa kaugnay sa manahan o inheritance o succession ang ginamit nila para suportahan ang kanilang opinyon. Ngayong 2013 at hindi 2013 ang tama, samantala, wala namang nagprisenta ng ebidensya maski na si Atty. Elamparo na totoo nga yung nilagay ni Senator Poe doon sa 2013 CoC niya na six years and six months. On the contrary, we presented evidence to prove that what's actually true and factual is the 10 years and 11 months found in her 2016 CoC, 2015 CoC lang.

QUESTION: Sir kung hindi kinonsider yung mga ganoon document, mga evidence, ano iyon may grave abuse of discretion?

FGE: Iyon ang kakalabasan dahil sinasabi nila in bad faith daw si Senator Grace, na niloko daw ni Senator Grace ang Comelec at ang publiko. Samantala, Hunyo pa lang sinabi na ni Senator Grace sa publiko, sa media at ganun din sa kanyang mga hearing sa SET na nagkamali siya sa 2013 napag-fill up niya nung form ng CoC at na ang tama ay yung 10 years and 11 months. Nasaan yung panlilinlang? Nasaan yung panloloko? Nasaan yung pagtatago kaugnay sa isyung iyan? Maliwanag naman po wala. They could have taken judicial notice of that fact easily if they have wanted to.

QUESTION: Pero ang ginawa yata n'ya Sir, parang verbal lang yung ginawa n'yang pag-admit na nagkamali. Pero there was no was no ano talaga... Yung mismong document...

FGE: Hindi mo na naman pwede at kailangang i-correct dahil tapos na yun. Nagamit na yun e. Ang buhay ng CoC ay hanggang pag-file lamang. Pag kandidato ka na, wala nang buhay yung CoC. There was no need to correct it. Nangyari na rin yan sa mga naunang kasong dinesisyunan ng Korte Suprema. Maliwanag yung kanilang tugon, hindi yung sinulat mo sa CoC kung hindi yung fact of residence which will determine if you are qualified or not.

QUESTION: Pero, Sir, si Imelda Marcos daw kinorrect n'ya.

FGE: Again?

QUESTION: Yung case ni Imelda Marcos, kinorrect daw n'ya yung CoC.

FGE: Kinorrect n'ya pagkatapos. Pagkatapos n'ya, nasampa na yung kaso.

QUESTION: Bakit hinid ginawa ni Ma'am?

FGE: Nasampa na nga kasi yung kaso sa kaso nun. Kinorrect na lamang n'ya yun matapos masampa yung kaso. Wala na ring epekto yun as far as the case is concerned, because that was done after the fact.

QUESTION: Okay po.

QUESTION: Sir, considering na ganun yung ginawa ng First Division, hopeful pa ba kayo na pagdating sa en banc mas magiging pabor?

FGE: We always hope for the best, but always expect the worst as well. Yun ang pananawa namin sa Second Division an en banc ng COMELEC. Umaasa kami, gaano man kalayo o ka-imposible, pero nakahanda kami sa anumang magiging pasya o desisyon nila, ito man ay pabor o laban kay Sen. Grace.

QUESTION: Sir, sorry a. Worst case scenario, pag po umabot sa Supreme Court. Halimbawa hindi po pumabor sa inyo? Ano yung i-eexpect namin?

FGE: Wala kami sa yugtong 'yun ng pag-uusap o pagpa-plano. Ang assumption namn, dahil nasa panig namin ang batas at katotohanan, ay papayagan ta papahintulutan si Sen. Grace. At kung pagbabatayan ang Korte Suprema, yung naunang desisyon ng Court ng 2004 kay FPJ... Basically, ang sinabi ng Korte nun, hayaan nating taumbayan ang magdesisyon. Hayaan at payagan s'yang tumakbo. Ika nga ng Supreme Court, which I often quote, the Court said in that case through former Chief Justice Rey Puno, "We cannot leave to the unelected members of this Court the power and right to decide who the next president will be. That decision is best left to the sovereign Filipino people."

QUESTION: Sir, dineklarang nuisance candidate ng COMELEC si Rizalito David. Yun ba'ng credibility n'ya as petitioner na nagpapa-disqualify kay Sen. Poe ay nabawasan na?

FGE: Alam mo, tulad namin, ayaw naming ma-disquaify si Rizalito David, yun bang credibility niya as petitioner na nagpapadisqualify kay Sen. Poe ay nabawasan na?

FGE: Alam mo tulad namin ayaw namin madisqualify. Tiyak ko si Atty. David, ayaw din niya madisqualify. At least naramdaman niya kung ano ang pakiramdam na may gustong magpadisqualify sa kanya. Marahil mas mauunawaan niya yung sakit at pait na ginagawa niya partikular sa isang kandidato, 'di tulad niya na lamang na lamang at gusto ng mas nakararami nating kababayan.

BUENO: So, naramdaman niya ngayon ang sakit ng disqualification.

FGE: Hindi naman. At least, alam niya yung ginagawa niya at alam niya yung epekto nito sa ginagawan niya n'yan.

BUENO: Okay Sir. As a leading candidate for vice presidential race, are you confident na masusustain mo yan hanggang May 2016 elections?

FGE: Hindi. Hindi naman talaga e. Hindi tulad ng mga ibang katunggali ko, sila'y maraming pera, may makinarya, may partido. Ako, wala nung tatlong yon. Wala ganoon kasikat o sumikat ng grabe na kamaganak o ninuno. Ang inaasahan ko lamang ay ang sariling (inaudible), sariling balikat ko, at sariling galaw at lakas ko. At kasama marahil ang mga kaibigan at mga kababayan nating sumusuporta at naniniwala sa akin at sa aking pinaglalaban. Ang survey palaging tataas-bababa, tataas-bababa yan. Mataas ako o mababa ako o kung sinuman sa survey, basta patuloy lang tayong lahat magtrabaho at iparating yung ating mensahe sa ating mga kababayan para may batayan sila sa pagpili pagdating ng araw ng eleksiyon.

BUENO: Kasi Sir, si Senator Bongbong Marcos na isa ring vice presidential candidate, recently Sir, confident siyang makaka-overtake na siya sa inyo sa susunod na survey.

FGE: Marahil, posible po iyon. Hindi ko masabi ang susunod na survey. Hindi ko po ugali mag-predikto ng lalabas sa survey. Ang ugali ko po'y pag-aralan at matuto mula sa survey.

BUENO: Among the vice presidentiable candidates, si Senator Marcos ba yung itinuturing niyong magiging matindi niyong kalaban?

FGE: Lahat sila. Wala akong tinatawaran sa mga tumatakbo sa pagkabise presidente. Basta pinayagan ng Comelec tumakbo, mula't mula lahat ng tinatakbuhan kong posisyon, wala akong minamaliit na sinumang tumatakbo sa parehong posisyon na tinatakbuhan ko. Ika nga ng Tatay ko sa akin noon, dapat palagi kang running scared anak. At yon ang palaging magiging pananaw ko sa halalang ito.

BUENO: Sa ngayon ikaw na lang ang walang TV Ad.

FGE: Oo nga. Wala akong pera e.

BUENO: So, kailan kayo magstart? Kapag start na ng campaign Sir?

FGE: Sana, sana mayron na 'pag nagsimula 'yung kampanya. Kasi sa ngayon wala pa talaga. Wala pa kaming kakayanan o plano gawin 'yon sa ngayon.

BUENO: So sa inyo, at mayron ka rin bang gagamiting mga tv personality na mag...

FGE: Hindi ko pa alam. Wala pa kaming nasu-shoot kasi na ad na mayrong mga endorse-endorsement. Pero sa ngayon malamang sa malamang ay wala dahil mahal na nga magpagawa ng advertisement, magbabayad ka pa ba ng mag-eendorse.

BUENO: Si misis na lang libre pa. (Laughs)

QUESTION: Hindi siguro. Mas pipiliin ko hiwalay at magkahiwalay 'yung buhay namin at maski na noong tumakbo akong senador, hindi naman siya nag-endorse sa isang tv ad sa akin gayun din siguro dito.

BUENO: Cynthia.

QUESTION: Sir, 'yung sinasabi nila tungkol sa survey kasi nababayaran nga raw yon. Pero 'yun nga 'yung SWS na wala raw sa kanila 'yung ganong mga akusasyon. Pero base du'n sa mga nakaraang eleksiyon, 'yung mga senador na tumakbo hinihingan daw sila ng kaukulang bayad para ilabas lang 'yung kanilang survey na manguna. Kayo ano'ng tingin niyo?

FGE: Ang mga survey company partikular ang SWS at Pulse Asia, parehong credible 'yan sa aking pananaw at paniniwala. Ang diperensiya at nagkakaroon ng diperensiya sa tanong. Halimbawa, 'pag tinanong ko sa inyo at magpa-survey ako dito sa inyo ngayon. Sino'ng reporter ng DWIZ na nangangasiwa ng Kapihan sa Senado ang iboboto niyo sa pagka-presidente?

FGE: E di pag ganon ang tanong palaging mananalo si Cely niyan, diba?

BUENO: Pero may protesta.

FGE: Sino ang iboboto niyo sa loob ng kwartong ito ang naka-stripe na t-shirt at hindi payat? (Laughs) Depende diba. 'Yung tanong na 'yon valid. 'Yung survey results sa tanong na 'yon valid din. Meaning tama 'yung resulta du'n sa ganong uri ng tanong. Ang problema hindi naman 'yun talaga accurate na sentimiyento ng ating mga kababayan kaugnay sa kung sino ang iboboto nila sa araw na 'yon. Pero ikaw ang nagbayad e. So ikaw rin ang magdedesisyon kung ano'ng klaseng tanong ang gusto mong ipukol. Kung gusto mong paniwalain 'yung sarili mo nag anon nga, edi paniwalain mo 'yung sarili mo. Nasa sa'yo 'yon. Pero 'yung survey result mismo, accurate palagi 'yan sa partikular na tanong. 'Yung sinasabi mong nagbabayad ang mga senators, nagbabayad sila para mag-sbuscribe. Para makakuha ng kopya. Para makakuha ng kopya nu'ng survey results sa Metro Manila, Central Luzon, Visayas, Mindanao para makapag-plano sila. Hindi sila nagbabayad para baguhin 'yung resulta. At hindi naman siguro sisirain ng SWS o Pulse Asia ang kanilang reputasyon dahil lang sa bayad ng isa o dalawang senador na nagkakahalaga yatang P200, 000. Masyado nang malayo at matagal ang kanilang tinaya para buuin 'yung kredibilidad nila para sirain lamang nila. Siguro kung pupwede mas maging masuri tayo at ang mga miyembro ng media at tanungin, ano ba 'yung survey period at ano ba 'yung tanong. Dahil baka mamaya ginawa 'yung survey bago nagkaisyu o baka mamaya 'yung tanong medyo dispalinghado at nakakiling sa partikular na kandidato. A survey that is really impartial and fair just to be, to simply ask one simple question. Kung ngayon ang eleksiyon, sino'ng iboboto mo. Halimbawa sa pagka-presidente, ito ang listahan. Kailangan ipakita 'yung listahan, kasi sa balota nandun 'yung pangalan ng mga kandidato e. Hindi naman ito simpleng top of mind na 'yung unang naalala mo. Nandun 'yung listahan apra matimbang mo talaga sino yung si-shade-an mong pangalan.

BUENO: Sir kanina may tanong pa si Junry Hidalgo. Kailangan na bang manghimasok ang Congress kasunod ng SWS survey na nagsasbaing leading na si Duterte at inamin na sila 'yung nag-commission. Ang nagyayari kasi tinatanggap na lang ng tao kung ano 'yung resulta nu'ng survey kahit na...

FGE: Siguro imbes na isabatas po 'yan, siguro mas magandang maging mapanuri ang media na i-report kung ano lamang talaga 'yung nilalaman ng survey. In fairness du'n sa mga naglabas nu'ng survey ng SWS, prinint din naman nila 'yung katanungan. Prinint din naman nila kung ano 'yung tanong at 'yung rason kung bakit 'yon ang tinanong na tanong. At ito 'yung resulta sa ganyang uri ng tanong. Siguro 'yun na lamang siguro ang pwede nating magawa o gawin. Hindi ako naniniwalang dapat isabatas na itatali mo ang mga kamay ng mga nagsu-survey kung ano lang ang pwede nilang tanungin at ano ang hindi pwedeng tanungin.

BUENO: From Nimfa, wala ba siyang balak kausapin si P-Noy? Wala ba kayong balak na kausapin ang kaibigan niyo na si P-Noy para pagsabihan ang LP at Mar camp na lubayan si Senator Poe at ang hayaang maging patas ang laban sa halip na elimination ng kalaban ang ginagawa.

FGE: Mula nu'ng huli kaming magkausap ni Pangulong Aquino nu'ng kinukumbinse pa niya ako, kami na magsama-sama at hindi pa kami muling nagkausap ni Pangulong Aquino. He has got a respectful distance and so have I.

BUENO: Pero okay naman sir, kayo?

FGE: Huli kong nakita, okay kami. Igi-greet ko siya ng merry Christmas at Happy New Year at malamang sunod kaming magkakausap pagkatapos na ng election bilang magkaibigan.

BUENO: So, you're confident na hindi masisira nitong election na ito ang friendship niyo ni PNoy?

FGE: Sa parte ko, hindi sana. Sa kanya, hindi rin.

BUENO: Ba't parang hindi kayo sigurado sir?

QUESTION: Ba't may doubt ka? FGE: Hindi naman. hindi ako ang tagapagsalita niya. Baka may magalit sa aking spokesperso niya na dati nang galit sa akin.

BUENO: May follow-up ata si Nimfa and then Jinky.

QUESTION: Pero sir...

FGE: Andiyan ka pala e.

BUENO: (Laughs)

QUESTION: ... nire-respect niyo 'yung distance pero wala kayong nakikitang necessity to talk to him na hindi pa ba sagad ang situation?

FGE: Wala. Kasi sa tingin at pananaw ko, wala namang personal na kinalaman si Pangulong Aquino sa mga hakbang na ginagawa laban kay Sen. Poe. Kung mayroon man, mga tao sa baba niya na nangangampanya at solid talaga sa kandidatong in-appoint niya. Pero siya mismo, wala akong nakikitang kamay o galaw niya tungkol dito.

QUESTION: 'Yung pasaring...

QUESTION: Pwede niyang gamitin 'yung kanyang (inaudible) para..

FGE: Pero unawain mo rin na hindi siya tumutulong para gawin ito. Sapat na 'yun para sa akin dahil siyempre may tampong kaunti 'yung kabila na ni-hindi siya tumutulong para makamit at makamtan nila ito.

QUESTION: Totoo.

BUENO: Pero recently parang naging attack-dog daw si PNoy ni Mar dahil lahat ng mga kalaban ay pinatutsadahan.

FGE: Lahat naman pinasaringan niya pero nanatili ang kanyang posisyon at paninindigan sa parehong forum din yata na dapat pabayaan at hayaan tumakbo si Sen. Grace.

BUENO: Kahit binabanatan niya? (Laughs)

FGE: Game.

QUESTION: Ako na lang.

BUENO: Okay, Jinky.

QUESTION: Sir sabi ni Sen. Grace, despite of obvious disqualification cases against her, tuloy ang laban. Kayo sir 'pag na-disqualify si ma'am, tuloy pa ba?

FGE: Hindi ko kayang sagutin o sasagutin 'yan tanong mo dahil hindi ko nakikita 'yung posibilidad na hindi matutuloy ang kanyang pagtakbo. Wala pa nga ako doon.

QUESTION: Punta tayo doon.

FGE: Parang tanungin mo ko, makikipaghiwalay ka ba o hindi? Wala rin ako doon. Ito madi-disqualify ba siya o hindi? Wala rin ako doon.

QUESTION: Kasi 'yun ang tanong talaga. I'm sorry, pero 'yun talaga 'yung tanong.

FGE: Wala ako doon. Sasagutin ko 'yun kung mangyayari 'yun pero sa pananaw at palagay ko, useless dahil hindi mangyayari 'yun. Buo ang kumpiyansa ko na hahayaan siyang tumakbo. Again kung pagbabatayan 'yung naunang desisyon ng Korte, on roughly a similar case - citizenship din, and in this particular instance, adaptive father pa niya.

QUESTION: Sir nu'ng recently nag-float 'yung possibility na mag-substitute si Susan Roces. Pwede ba 'yun?

FGE: Hindi pwede 'yun. Ewan ko kung sino nagpalabas nu'n. Sa ilalim ng batas, bawal 'yun at hindi pupwede 'yun. Walang subtitution sa isang independent candidate. May nagtanong sa akin, bakit hindi kami naghanda sa contingency na ito? Dahil mula't mula paniniwala namin ni Sen. Grace, ang uupong pangulo at ikalawang pangulo dapat wala nang partido talagang kinabibilangan. That was a matter of principle on our part although it wouldn't be more convenient to have a party. Kasi nga, nakita na natin 'yung masamang mukhang nangyayari sa pulitika kapag ganyan. 'Yung kapartido may proyekto, 'yung kapartido tinatanong, 'yung kapartido pinapansin. 'Yung hindi, kinakasuhan o hindi kinakausap o hindi ganun karami 'yung proyekto. Dapat binoto man o hindi ang nakaupong pangulo, sinuportahan o hindi ang nakaupong pangulo, kapartido man o hindi, dapat pantay niyang pagsilbihan ang bawat Pilipino.

BUENO: So sa kaso ni VP Binay, pwede bang mag-substitute si Erap sa kanya? Ba't nag-float 'yung..

FGE: Kung papayag siya.

BUENO: Pero ano ba siya, nag-file ng candidacy under UNA?

FGE: I think he filed as UNA. Mayor Estrada filed as PMP.

BUENO: So pwede pala?

QUESTION: Hindi sila...?

FGE: Pero pwede pa rin tila dahil ganyan 'yung nangyari sa kaso ni Mayor Duterte. Nag-file siya as (inaudible) pero nag-subtitute siya as PDP.

QUESTION: Nag-coalesce e. Nag-coalition sir, 'di ba?

FGE: Hindi yata, pero 'yan 'yung issue ngayon.

QUESTION: E hindi pa naman pinapayagan? Wala pa e.

FGE: Kaya nga e so depende.

QUESTION: Sir sabi niyo technicality maaayos...

FGE: May balak ka ba talagang mag-participate dito o paalis ka na? (Laughs)

QUESTION: Panalo. (Laughs) Winner.

QUESTIONL: Tumayo ka.

FGE: Ano? Ano?

QUESTION: (Inaudible)

QUESTION: Pwede bang igalang niyo 'yung senior citizen?

FGE: Para sa akin dapat, ano mang teknikalidad na ay isantabi. Gaya nga ng sinabi ko, do not do unto others what you do not want others to do unto you. Ginagawa sa amin ngayon at hindi namin gusto 'yan. Mas nais namin, hayaang tumakbo ang sino mang gustong tumakbo. Ilagay ang pangalan nila sa balota at hayaan nating taong bayan ang magdesisyon.

QUESTION: So, have you seen the bicam report sa budget?

FGE: Hindi pa. Naaninagan ko lang kahapon pero hindi ko pa nabasa 'yung detalye.

QUESTION: E kasi 'di ba... Pabor ka ba doon sa dapat kinut na P8 billion sa CCT pero mukhang ni-restore nila 'yun?

FGE: Hindi ko pa nkikita 'yung detalye. Titignan ko muna yung detalye kung ano yung nirestore at anong binawasan nila sa mga amendments na ginawa ng Senado. Partikular yung probisyon ng Senado na isinasaalang alang na babayaran na ng estado ang tuition fee ng lahat ng nag-aaral sa mga state colleges and universities.

QUESTION: Going back lang kay president, mutual ba ang decision to keep yung distance throughout the campaign?

FGE: Hindi walang usapan. Siguro ganon yung tingin ko, malamang ganon din ang pananaw niya. Para walang masabi ang sinoman.

QUESTION: Well, di ko alam kung sino ang mas matimbang sa inyo between Leni Robredo. Pero do you expect that eventually... FGE: ...Eventually ano?

QUESTION: Ieendorse ka o kung magiging patas...

FGE: Sa pagkakakilala ko kay Pangulong Aquino, hindi siya magbabago ng ieendorse at patas naman siya may iendorse man siya o wala.

QUESTION: Meaning iendorse niya si Leni, okay lang? Expected because partymate? FGE: Ginawa naman na niya 'yun, matagal na niyang ginawa yun. Bat ngayon mo lang ako tinanong? July niya pa ginawa yung endorsement niya. Ay hindi August ba? September na? Ginagalang ko ang desisyon at pasya ni Pangulong Aquino. May papel siyang dapat gampanan bilang pangulo at bilang pinuno ng kanilang partido na hindi naman ako bahagi. Kaya ginagalang ko ano mang pasya kaugnay nun. From my point of view, hindi nakakaapekto o makakaapekto 'yun sa pagkakaibigan o relasyon namin.

QUESTION: Isang follow up lang uli, doon sa case sir ni Sen. Poe, alin sa tingin niyo ang mabigat na kinakaharap niya? Isyu ng residency sa Comelec o citizenship?

FGE: Wala, parehong may sagot kami doon at parehong may batayan kami para paniwalaan at ipaglaban na siya ay natural born citizen at nag comply siya sa minimum of 10-years residence dito sa ating bansa. Matibay at sapat ang ebidensya at batas at jurisprudence na pinresinta namin para suportahan 'yung posisyon na 'yun.

QUESTION: Sir, pakisagot daw yung possible people power if in case na parang hindi paborable yung magiging desisyon for Ma'am, yung mga supporters niya parang may mobilization na ganon. Ano yung take niyo on that?

FGE: Wala kaming pinaplanong ganon. Wala kaming balak na ganon at wala rin kaming banta na ganon.

QUESTION: Sir yung grupo ng mga kababaihan kahapon sabi nila kahit ano daw ang mangyari, kasi sila yung magpoprotesta doon sa Comelec dahil para doon sa support nila kay Senadora. May inaadvice po ba kayo kay Sen. Grace, kasi 'yun daw tingin ng tao nasa DQ na talaga yung qualification niya.

FGE: Well gaya ng sinabi ko po, wala kaming plano, balak o banta na gawin 'yun kung saka-sakaling hindi magiging paborable ang pasya ng Comelec o Supreme Court kay Sen. Grace. Subalit ang totoong People Power naman kasi, hindi naman talaga pinaplano, pinagbabalakan yan. Kung pinagplanuhan at pinakbalakan 'yan, rally ho ang tawag doon. Yung totoong people power ay aktwal na nanggaling, inisiyatibo, sentimiyento ng ating mga kababayan at hindi pinlano ng mga pulitikong nasa likod lamang.

QUESTION: Sir considering na parang nandoon yung uncertainty kung makakatuloy si Sen. Grace Poe dahil may mga pending na disqualification case. Meron ba kayong mga supporters o campaign donor parang nag-tithink twice na ngayon kung tutuloy pa sa pagsuporta? Yung campaign donors, si Sen. Grace lamang ang makakasagot niyan. Pero sa parte at panig ng sumusuporta, walang kumakausap o nagsasabi sa amin ng pagbabago ng isip. Babaguhin ko, hindi na may disqualification case siya, baliktad, siya ay kandidato hangga't sabihin ng Korte Suprema na hindi siya kandidato. Anuman ang sabihin ng Comelec, hindi mababago nun ang katotohanan na kandidato sya at legally kandidato sya. Korte Suprema lamang ang pwedeng magtuldok sa kanyang pagtakbo with finality. Once magdecide ang Comelec, Supreme Court rather, until that time, she is a candidate and she is running for president.

QUESTION: So there's no basis yung panawagan na tanggalin na sya sa listahan?

FGE: OA lang po ni Atty. Elamparo. Medyo nanggigil lang sya masyado. Ni wala po sa rules ng Comelec yun. In fact, ang sumagot na mismo sa kanya, tagapagsalita ng Comelec na nagsabing Prudence dictates that her name will be included in the ballot until the Supreme Court decides with finality. Nangyari na kasi yan sa isang party list group. I forget what's the name of the party list was. Noong 2010, dinisqualify sya ng Comelec, nung pinrint ang balota hindi sya kasama kasi walang TRO. Tapos sometime April, kinqualify sya ng Comelec at ng Supreme Court. So binitbit nya yung decision nya sa Comelec sabi nya: "Oy, pinayagan na ako ng Supreme Court." Ang sabi ng Comelec: "Ah ganun ba? Takbo ka na lang next year, next elections." Hindi naman ata tama yun. That is clearly unfair and well rendered the decision of the Supreme Court moot -academic given that we have automated election. Para sa akin, kasama sa due process palagi, given the automated election and the printing of the ballots, na mapagpasyahan ng Korte Suprema ito sa lalong mas mabilis na panahon o wag maging moot ang kanilang desisyon sa pamamagitan ng pagpayag o pag-utos na mailagay ang pangalan sa balota.

QUESTION: Sir, if you're disqualified sa desisyon ng Supreme Court, what's your next move?

FGE: Wala ba kayong positive na tanong? Paano pang nanalo sa Supreme Court? Wala bang ganon?

QUESTION: Syempre given yun.

QUESTION: Eh Sir kung manalo nga si Sen. Grace Poe, manalo, naupo tapos nagkaroon na naman ng panibagong, eh kasi yung kagaya sa Congressman.

QUESTION: Negative ulit.

FGE: Parang galit na galit ka naman. Teka isa-isa. Paano kung?

QUESTION: Nadisqualify. Ano ang next move?

FGE: Paano kung madisqualify sa SC? Again, very much like my response earlier, wala kami sa puntong iyon. Wala kaming plan B, C, D. Umaasa at buo ang pag-asa namin na sya ang pahihintulutang tumakbo. At buo ang paniniwala namin na sya ang pahihintulutang tumakbo. Bawal ang nega dito.

QUESTION: May Congressman kasi sabi hindi sya nanalo, tapos yung nakaupo sya last session na ng Congress. Ilang araw lang nakaupo, e nanalo si Sen. Grace Poe, tapos nabaligtad na naman yung ...

FGE: Tinanong na ni Sen. Grace yan sa isang forum, at ang sinagot nya kung mangyayari man yan matapos nyang manalo halimbawa, susundin nya ang desisyon ng Korte, sana lang ayon sa kanya, may nagawa na syang marami at kabutihan sa ating mga kababayan at sa ating bansa. I'm quoting her. That's my answer.

QUESTION: Sir, do you have any message to your supporters? Lalo na yung mga supporters nyong nasa kalye ng Palacio del Gobernador araw-araw? They are saying na dadalhin nila ang mga hakbangin nila hanggang Supreme Court if in case matalo kayo doon. May mensahe po ba kayo for them?

FGE: Nagpapasalamat kami sa suportang ipinapakita nila at tiwalang pinapakita nila sa kakayahan at kwalipikasyon ni Sen. Grace na tumakbo sa pagkapangulo. Gayundin sa kanilang paniniwala na nararapat at marapat syang maging pangulo ng ating bansa. Dagdag pa po siguro doon, pasasalamat din na pinapanatili nilang buhay at malakas ang demokrasya sa ating bansa sa paglaban sa isyu na dapat tao ang magdesisyon at hindi piling opisyal lamang na ini-appoint lamang at ni hindi halal.

QUESTION: Would you advise them to remain calm?

FGE: Of course, to follow all rules and regulations and emotions that withstanding not to hurt anyone or get hurt lalo na at magpapasko.

QUESTION: Thank you.

BUENO: Love, love, love. From Tina Mendez naitanong na yata ito. Any ellaborations on links on Dean Amado Valdez and Atty. Elamparo. Guilty by association ba sila?

FGE: Tama na iyon at sapat na iyon. Gaya ng sinabi ko na rin. Ipinagyabang ng LP. Ipinagyabang sa kausap nilang mga negosyante, pulitiko, kaibigan na nakakamado na raw na disqualified si Senator Grace. Puwede ba kung wala silang kinalaman, tigil-tigilan na nila ang pagkukuwento at pagyayabang na tapos na iyong usapan at kuwento kaugnay sa disqualification ni Senator Grace. I think they should respect the processes and the courts in this regard. And let the Supreme Court and the Comelec decide without pre-empting it. One way or the other nagawa at ginawa na ni Cong Erice ito sa second division. Sana huwag nang mangyari sa First Division, sa En Banc at sa Comelec na una pa nilang malalaman ang desisyon bagi ibaba ng Comelec.

BUENO: Sir, according to Congressman Erice, sabi niya kay Grace Poe, 'stop listening to Senator Chiz."

FGE: Sino ang papakinggan niya, iyong kalaban at sumusuporta sa ibang kandidato di'ba? Hindi rin naman siguro dapat. BUENO: Bryan?

QUESTION: Sir, hindi ba magkakaproblema halimbawa na madidisqualify si Senator Grace...

FGE: Bakit nega talaga, wala bang...

QUESTION: ...sir, sa printing nd balota halimbawa sa En Banc kasi magpi-printing na ng balota. Tapos iaakyat na sa Supreme Court BUENO: Hindi naman nila aalisin e.

QUESTION: Sa Supreme Court na pabor pero sa Comelec naman wala na ang pangalan ni Sen Grace.

FGE: Dalawa ang puwedeng mangyari. Una, maski na diskuwalipikado sa En Banc kung iakyat iyan sa Korte Suprema. Isasama pa rin nila sa balota. Pangalawa, posibleng mag-isyu rin ng TRO din ang Korte Suprema kung saka-sakaling hindi nasa kamay nila ang pasya kung ano ang mangyayari.

BUENO: Sir, lame duck president na daw ba s i PNoy kahit considering na kinausap na niya ang mga Congressmen. Pinakiusapan na importanteng um-attend sila sa mga last session days hindi pa rin nakabuo ng forum sa House?

FGE: Hindi naman siguro sa lame duck. Pero, realidad lang na malapit na ang eleksyon. Election issue ang BBL at marami ang ayaw sa BBL. Dahil hindi naman ginawa ng OPAPP ang trabaho nila kaugnay sa consultative procedure at process. Kung naging inclusive lang sana ang pag-drop ng BBL. Mas konti ang magiging problea nila ngayon. Dahil sinolo lang nila ang pagsusulat nito. At sila-sila lamang ang gumawa nito. Ngayon, pinagbabayaran nila ang kakulangan at pagkukulang na iyon na nagawa nila.

BUENO: Sir, can you say BBL is dead?

FGE: BBL as originally filed perhaps by OPAPP is dead. Pero, BBL, version ng Senado. Version ng Kamara. Naniniwala ako na nanatiling buhay pa rin iyon.

BUENO: Sir, may follow-up si Tina. Are you referring to Atty. Carpio iyong ipinagyayabang na tapos na ang kaso ni Grace Poe?

FGE: Hindi. Mga miyembro ng Liberal Party maliban na lamang kung card-carrying siya pero alam ko hindi.

BUENO: Okay. Yes, Maila.

QUESTION: Comment lang kasi sino ito-

FGE: Comment lang pala. Di hindi tanong iyan.

QUESTION: Tanong, tanong. Si Duterte sabi niya pinadescribe ka sabi niya noong una less brilliant pero bumawi siya friend ka daw niya. E ngayon, how do you consider him?

BUENO: At pogi daw siya. Ano ang una? Gusto mo gawin din natin?

QUESTION: less brilliant?

FGE: The later answer is less controlling.

QUESTION: How do you consider Duterte?

FGE: One word din lang ba iyan?

QUESTION: Hindi, sir.

BUENO: Sige,gawin nating one word.

FGE: One word din ba lang iyan?

QUESTION: Hindi sir.

FGE: One word din lang ba iyan?

QUESTION: Sige go. Hindi ba sir magkaibigan naman kayo?

FGE: Ha? How do I look? Hindi ganon, hindi kasing, hindi kasing ni PNoy for example. Pero I am trying to consider him as a friend. And so does he. How do I describe him?

QUESTION: Sir hindi ninyo iniexpect na magkakaroon kayo ng mga word war? Sagutan?

FGE: Bahagi iyon ng ingay ng pulitika na matatapos din kapag natapos na rin ang eleksyon.

QUESTION: O sige sir, one word tayo.

FGE: One ha, hindi ito contest.

QUESTION: Sige na sir, to have more fun.

FGE: Kapag ginawa mo na iyan kay Senate President Drilon, susunod ako (laughs). Siya na muna bago ako. Ayaw ko, siya na muna bago ako.

QUESTION: Sige na, Heart?

FGE: Kapag napapayag mo na si Senator Drilon.

QUESTION: Hindi naman kumakandidato sa vice iyon.

FGE: Ha? Pero kandidato pa rin.

QUESTION: Sir there is no chance na mag aappear siya?

FGE: Si Heart? Malamang hindi. Wala sa plano namin. Tama nang asawa ko siya.

QUESTION: Sa ibang kandidato?

FGE: Kung Purefoods siguro ang iniendorse namin o kung anong produkto mag aappear kami ng sabay. Parang, kumain ka na hon? Iyong ganon iyon pwede. Pero (laughs)

QUESTION: Iyong iendorse, iyong presidential, ay iyong VP running? Hindi? FGE: Wala kaming plano. Wala kaming plano. Sapat naman na siguro na mag asawa kami, hindi na kelangan.

QUESTION: Hindi siya sasama sir? Sayo?

FGE: Magkahiwalay siguro kami ng lakad para mas maraming lugar kaming mapuntahan.

QUESTION: So magkakampaniya siya for you?

FGE: Kapag wala siyang trabaho. Priority pa rin niya ang trabaho niya.

QUESTION: Pero one time isama mo naman sa atin.

FGE: Kapag sinama ko kasi baka ako iyong masiko sa dami ng tao pagkakaguluhan, na magkakagulo sa kanya. Nangyari na iyon ayaw ko na maulit.

QUESTION: Masakit? (laughs) Ay sir padescribe mo naman...

FGE: O di kaya kapag picture taking, pakikuha nga iyong picture (laughs) So okay na iyon tama na iyon. Kanya kanyang bida tayo. (laughs)

QUESTION: So sir wala ba siyang mga kaibigan sa showbiz na nag volunteer na iendorso ka?

FGE: Baka magsama sila nila, mga kaibigan niya, matalik niyang kaibigang si Lovi na umikot din para sa akin at kay Senator Grace. Para kapag umikot silang dalawa, Poe at Escudero pa rin ang dala nilang pangalan.

QUESTION: Ay oo nga ano. How about your in-laws. Mother in law na-kumbinsi mo na ba to support you?

FGE: Kayo naman mahaba pa ang panahon hindi pa nga nagsisimula ang official campaign period.

QUESTION: Pero sinisimulan ninyo na ang panliligaw?

FGE: Basta hindi apektado ang relasyon namin ng anumang pananaw niya kaugnay sa iboboto base sa kanyang personal na relasyon. Iyong sa amin din naman personal na relasyon din iyon. Na iginagalang din naman niya.

QUESTION: May sariling version din kayo ng fast forward?

FGE: Alin alin?

QUESTION: Fast forward?

FGE: Sana maraming likes kesa dislikes iyong sa amin. (laughs)

QUESTION: (laughs) galing. Oy sir sabi ni Tina padescribe naman in one word mga VP contenders.

FGE: One ha, mauna na muna sila.

QUESTION: (voice overlaps)

FGE: One na nga mauna na muna sila (laughs) Kasi po ang sasagutin ko sa tatlo puro kababayan. kababayan kababayan, kababayan. (laughs)

QUESTION: Hindi pwedeng parepareho?

FGE: Kasi kababayan, kababayan, kababayan din daw.

QUESTION: (laughs) Sino iyon? FGE: (laughs) Merry Christmas na lang, love love love nga.

QUESTION: Marcos? Pinilit e. Sir isa na lang.

FGE: Ano?

QUESTION: May tanong sila bago umalis. (laughs) Sir closing (voices overlap)

FGE: Wish ko sa Christmas? Wish ko sa Christmas? Wish kong regalo ba iyan o anu na naman. Tungkol ba sa bansa iyan? Sa akin, sa anak ko?

QUESTION: Sa bansa?

FGE: Sa bansa? Na magkaroon ng pagkakataon na makapag pahinga, lumayo layo sa pulitika sa mga panahong ito at magrelax para may paghuhugutan tayo ng lakas sa pagpasok ng Bagong Taon at tiyak ko, puno ng bangayan at hitik sa away. Sana, ang pagpasok ng Bagong Taon mas mag-concentrate tayong lahat sa tao, about which the election is really about at hindi sa kandidato. Ano ngayon kung ganito o ganyan yung kandidato? Sa dulo ang tanong pa rin, ano ba ang gagawin niya para sa bayan, sa ating mga kababayan at sa bansa.

QUESTION: Ano naman ang wish mo para sa mga kalaban?

FGE: Ano?

QUESTION: Ano naman po ang wish niyo sa mga tumatakbong vice president?

FGE: Sana mag-enjoy din sila itong darating na Pasko, at kumain sila ng maraming lechon.

QUESTION: Para?

FGE: Dahil ako kakain din ako ng maraming lechon, kailangan namin ng lakas sa kampanya. (laughs)

QUESTION: Sir, yung No-El scenario wala yun?

FGE: Alam mo, yung Comelec nananakot lang naman, ang kaibahan lang naman ng may bio at hindi yung voter's list. Kasama ba yung walang bio o hindi ba kasama yung walang bio? Walang kinalaman at epekto yun sa eleksyon. Sana lang din, para maiwasan din yung konting delay sa trabaho ng Comelec, pagpasyahan ng Supreme Court ito sa lalong madaling panahon din. Dahil magdedetermine ng project of precincts yung voter's lists. Hindi madedesisyunan ng Comelec yung project of precincts, meaning ilang at saan ang presinto hangga't hindi final at sarado yung libro ng voter's lists.

BUENO: Sir, friendly competition ba yung mamamagitan sa inyo ni Senator Trillanes? Kasi according to him, magtutulungan kayo para maipanalo si Senator Poe?

FGE: Kahit naman sa ibang kumakandidato, wala akong balak awayin ni isa sa kanila. Hindi ko ugaling makipag-away. Tututukan ko lamang yung sariling kandidatura, sasagot ako ng mga isyung ipupukol o maaring ibato sa akin, pero hindi ko ugali na makipag-away o makipag, o maging palaaway sa panahon man ng kampanya o hindi. I'm a lover nga, not a fighter.

BUENO: Ok, with that, Merry Christmas. Thank you very much, Senator Chiz Escudero.

News Latest News Feed