GRACE POE'S INTERVIEW TRANSCRIPT
dzMM with Ted Failon

TED FAILON: Ang chairperson ng Senate committee on public services, Senator Grace Poe. Good Morning, Madam!

SEN. GRACE POE: Good Morning manong at sa lahat ng nakikinig, magandang umaga po!

FAILON: Maganda naman ang araw natin. Ang inyong boses ay nakapagbibigay po sa amin ng supermoon.

POE: Salamat po kahit paos.

FAILON: Madam chairperson we are trying to reach your counterpart in the lower house, si Congressman Sarmiento. Alam po namin na kayo po ay abalang-abala sa budget hearing na ito po ay priority number one pero kumusta po ang bersyon ng Senado sa emergency powers bill ma'am?

POE: Alam niyo Manong mamayang tanghali magkikita kami ng ating mga counterpart sa Kongreso para pagusapan itong ating emergency power kasi gusto nga natin na maging maayos at mabilis nga itong pagaapruba nito. Meron kaming mga iba't ibang mga probisyon, hindi natin alam kung anong probisyon pa na inilalagay dito sa Kongreso pero gaya nga ng nabanggit ko nung una, kasama sa probisyon na yan yung pagbibigay kapangyarihan sa gobyerno para mas mapabilis ang pagkuha ng mga lupain na maaring pagtayuan ng bagong kalsada o tulay man o kung anuman iyon. At pagkakaroon din ng kapangyarihan ng gobyerno pagdating sa procurement process. Ngayon kapag sinasabing procurement at mga bibilhin, siyempre medyo nagaalinlangan tayo na dapat ay maayos ang proceso na ito at transparent para hindi naman tayo maloko. So iyon nga yung paulit-ulit kong sinasabi na ilalaman ng ating batas na bill na isusumite para sa emergency powers.

FAILON: Opo. Ma'am can you explain further duon sa poder ho patungkol sa pagpasok sa mga kontrata ng DoTr ng gobyerno para po sa mga infrastructure o anumang transportation projects to ease the traffic problem in Manila. Ano ho ang eksaktong probisyon nun kung meron na ho vis-à-vis the existing procurement act natin.

POE: For example, pagdating dito sa DoTr o actually gusto kong linawin ang bibigyan ng kapangyarihan ng emergency powers ay ang Pangulo. Ang Pangulo ang magtatalaga kung sino ang traffic czar. Sa ngayon iniisip natin parang by default iniisip natin siguro ay si Secretary Tugade na pero sa bandang huli ang Pangulo pa rin ang magdedesisyon kung sino yan.

Pangalawa pagdating sa procurement process kasi meron tayong tinatawag na direct contracting. So ang gobyerno ay pwedeng mamili ng isang supplier na maaring sa kanilang track record, sa kanilang financial capability, sa kanilang performance ay kwalipikado na hindi na kailangan mag-imbita pa ng ibang bidders kung iyon ang itutuntun ng gobyerno. Pero dapat naayon pa rin sa best practices, ibig sabihin dapat capitalized ng tama at talagang alam, kunyari Sumitomo hindi naman tayo magdadalawang isip diyan alam natin na naiintindihan niyan yung pagdating sa mga tren natin. Kasi ang problema ang nangyayari Manong kunyari may mga magagaling na supplier, contractor pero dahil alam mo na merong magbi-bid na mas mababa yung bid pero hindi naman talaga magaling yun pala mga kamag-anak ng ibang naroroon; napapasama. Ngayon pagdating dito, lahat po nung mga papasukin nilang mga kasunduan bago pa lang po yan mapirmahan ay nakalagay po doon sa probisyon na dapat yan ay nakalathala sa kanilang website na naiintindihan ng ating kababayan na bago pa nating pasukin ay maari na nating kwestyunin.

Meron din pong probisyon duon kasi minsan kapag nagpapalit tayo, kunyari ng kalsada o kung ano pa man para sa national government nagkakaroon ng problema sa local government dahil mismong mga barangay o mga mismong mga mayor ang tumututol dito. So may mga nakalagay na, 'all permits pati na rin sa mga iba't ibang sangay ng gobyerno sabihin natin DENR; o kung ano pa man kailangan ma-release na nila iyon within five working days' para hindi na matagal yung pagpo-presoso niyan.

Ang isa pa na ilalagay natin sa emergency powers, kung meron isang gustong i-direct contracting ng gobyerno para sa procurement. Dapat ito ay NEDA approved kasi hindi pwedeng nagiimbento lamang ang DoTr na..'ay magpapagawa ako ng ganito dito' pero wala namang pag-aaral. Ilang bilyon na rin ang ginasta natin sa mga pag-aaral na yan na kinunsulta pa natin sa Japan halimbawa. Dapat may NEDA approval. Ngayon, pag sinabi na 'papaano ngayon kung may isang proyekto na sa tingin natin ay maganda pero wala namang NEDA approval'. Iyon nga ang responsibilidad ng DoTr na ipresinta sa NEDA at ang NEDA naman ay kailangan naman mag desisyon sa lalong madaling panahon. Pag sila ay nagdesisyon naman maaring payagan nay an. Kaya nga Manong kailangan talagang may mga safeguards pero hindi naman pwedeng masyadong hindi makatwiran dahil matatagalan din.

FAILON: Opo. Mga ilang taon ma'am itong inyong iniisip na poder na ibibigay ninyo po sa Pangulo?

POE: Nakalagay po doon sa aming batas, hanggang sa matapos itong 17th Congress kasi hindi naman po puwedeng lumagpas sa 17th congress.

FAILON: So, tatlong taon ma'am, basically po ano? Tatlong taon.

POE: ...little less-

FAILON: little less than 3 years kasi naka-kalahati na po kayo ngayon. Kalahati na ho halos. Go ahead, ma'am?

POE: Pero, papayagan din po natin ang gobyerno. Halimbawa, hindi naman nila matatapos agad lahat ang proyekto na iyan sa loob ng tatlong taon. Pero, maaaring unahin na nila ang acquisition ng mga lupain doon sa mga lugar na halimbawa sa pag-expand ng mga rails natin. Puwede na nilang gawin iyan sa loob ng tatlong taon. Sa mg may-ari rin ng ibang subdivision at doon sa mga naninirahan sa ibang mga subdivision dahil dito nga sa emergency powers ang pangulo ay magkakaroon ng awtoridad na gamitin iyong mga private na lugar na mga ganyan. Basta lamang may pag-uusap sa homeowners association. Pero, iyon nga po for public interest kailangan ay payagan iyan.

FAILON: So, ma'am definitely ay nandiyan po iyong oversight function ninyo habang ang lahat ng ito ay ipinatutupad na. Nandiyan kayo para magbantay. Definitely, ano ho?

POE: Opo.

FAILON: Kailan po ang inyong next hearing kung mayroon pa pong konsultasyon kasi kami po ay interesadong malaman doon sa nakalalaking proyekto pong inilahad ni Ginoong Tugade kamakailan po. Napakaraming panayam at saka sa kanya pong pagharap both sa Houses and Congress na kung sa ano talaga ang mga plano talaga at detalye. Example, iyon pong pag-aalis ng mga bus terminal sa EDSA. Ano na ho ang mga balita doon? Saan na ho nila ililipat? Sino ho ang gagawa ng common terminal? Mga ganoong bagay, ma'am?

POE: Alam mo, actually tapos na ang aming pagdinig e. Puro technical working group na. Kami ay umaasa na makikipagkita muli sa amin si Secretary Tugade. Hinihiling namin na magkita kami sapagkat noong nag-umpisa halos 3 trilyon lamang ang budget namin para dito. Tapos, sa kalaunan pataas na ng pataas hanggang sa 8 trilyon na iyong mga sinasabi niyang magiging proyekto. Kaya nais naming linawin. Alam ninyo, dito sa mga probisyon na aming isinulat ng gobyerno ay maaring mag-cancel ng mga proyekto na kahit anong na isyu na ng LTO o LTFRB na mga franchises. Kapag ito ay naniniwalang makakasama o nakakasama sa trapiko o hindi naaayon sa plano. Kaya malaking kapangyarihan talaga ito na maaaring mapunta sa gobyerno na dapat ay mailagay na sa ayos. Kung saka-sakaling alisin iyong mga bus sa isang lugar, tama iyong sinasabi ninyo. Ano ba talaga ang mga mangyayari dito kasi ang alam ko yung terminal nila dito sa north ay wala pang kasiguraduhan kung saan at kung sino ang gagawa at papaano iyong connectivity po nito.

FAILON: Okay. Sige po, ma'am sana ho ay hindi kayo mapagod sa aming tawag. Kasi po kami po ay maya't-mayang tatawag po sa inyo ma'am dahil ito lamang po sa ating mga texters dito. Siguro sa kanila rin hong pakiramdam din ay lagi iyang sinasabi ng DOTr na kailangan nila. 'Ibigay na ninyo nga iyan' para magkaalaman na.

FAILON: Parang ganun but again you have to understand po bayan na ang pinag-usapan din po kasi dito ang laking pera bibigyan mo sila ng awtoridad na pumasok sa mga kasunduan sa mga negosyanteng ito na hindi na ho dadaan sa usual po na daanan patungkol po sa pagbibigay ng government projects sa mga kontratista. Ito ho'y..

POE: Kaya nga po, opo Manong sa ating mga kababayan na kahit ito po ay ibigay ko bukas ay hindi po kayo makakaramdam kaagad ng pag-ibsan ng trapiko sapagkat talagang napabayaan itong programang ito na ang daming kailangan na ayusin. Subalit yung mga tren halimbawa na dapat dinagdag na sa ating MRT kung yan ay mapapatakbo na nila; malaki na ang maidadagdag sa pagbawas ng mga gumagamit ng kalsada kaya iyon nga ay dapat madaliin. Yung signaling system hanggang ngayon nga hindi pa, nagkagulo-gulo talaga ang mga kontrata nila noon.

FAILON: Opo, at saka po kung anuman ang maaring gawin ngayon, again, gawin na. Kagaya ngayon may report kami sa Raon medyo nadaraanan na ngayon na mas maayos-ayos kasi nga naglinis ng kalsada. Yung mga bagay na dapat ayusin without that power first ay siguro ho naman ay kinakailangan ng mapagtulung-tulungan na ng lahat lalo ng LGU sa pangunguna nga po niyong I-ACT na ito ng DoTr.

POE: Tama po, tama po.

FAILON: Yes Ma'am last na lang po na punto, ito hong pinaguusapan natin na emergency powers na only for land transportation hindi po kasama ang air.

POE: Dun po sa amin meron pong kasama diyan na air at sea. Bagama't mas detalyado siyempre yung sa land; yung sa air parang sinasabi natin sa development at airports that may ease air traffic kasi siyempre meron din diyan Manong kailangan din bilhin na lupain para magpatayo nga nitong mga airport na ito. At saka kailangan din i-design yung mass transit na pupunta dun sa airport na yun halimbawa o pagpapaluwang ng kalsada papunta roon. Lahat po yan, kaya nga duon sa JICA study meron pong medium term, merong long term. Sana iyon ang approach ng DoTr kaso hindi parang shot-gun approach nga. Kasi nga lahat tayo, lahat sila nangangapa rin dahil bago rin sila diyan. Bibigyan natin sila ng pagkakataon pero sana mas konti pang pagtutok dito...

FAILON: Well siguro meron din akong narinig na hindi na kailangan daw bigyan po ng emergency powers ang DoTr sa air kasi nga ngayon marami ng air doon, puno na ng hangin. Opo sige po, Madam Senador Grace Poe thank you for your time Ma'am, good luck po we will be keeping in touch po in this issue. Maraming Salamat Ma'am!

POE: Maraming Salamat Manong at sa lahat ng nakikinig.