Press Release
July 10, 2017

Transcript of interview with Sen. Cynthia Villar
(Hearing on garlic)

Q: sabi nila climate change daw kaya may shortage ng garlic?

Villar: Okay lang kung may reason doon pero ang sinasabi ko sa kanila dapat pine-penalize ang humihingi ng import permit tapos hindi dadating. Kasi it destroys the law of supply and demand. And at the same time, they should realize na hindi tayo dapat relying on importation. Dapat talaga tulungan natin ang mga local producer to produce more para hindi tayo dependent on importation. Kasi palaging sinasabi, kapag hindi ma-produce mag-import. Kapag ganyan ang importation, tingnan ninyo ang nangyari, nag-apply ng 57,000 metric tons, ang dumating 12,000 tapos nag-increase and price. It's subject to manipulation. Gusto ko tulungan nila ang garlic farmers to produce more. Kasi based on history from 2001 up to now, nag-half ang production, instead na nagi-increase and production, bumababa ang production. Ano ang ginagawa ng Breau of Plant Industry, iyong ating High Value Crop Program, bakit bumababa hindi tumataas? Kaya ka nga may programa sa agriculture para unti-unti, year by year, tumataas ang production ng certain commodity. Sa atin bumababa eh. Pababa hindi pataas.

Q: Paano n'yo po nasabing merong cartel?

Villar: Iyon ang findings noong 2014 na noon walang shortage, talagang minanipulate kasi 300 (per kilo). Ngayon naman hindi dumating ang importation. Mas malaki ang production pero hindi dumating ang importation. At talagang if you look at the price, P100 per kilo is a reasonable price for garlic . Kapag iyan ay nag-200 at nag-300, meron nang manipulation diyan.

Q: Sabi ninyo kanina dapat ang BPI imbestigahan iyong mga traders na hindi nagparating ng bawang...

Villar: Hindi dumating iyong kanilang inimport, bakit sila nagbigay ng import permit doon sa mga traders na kukuha ng import permit tapos hindi dadating ang inimport?

Q: Do you believe na hindi talaga pinarating or you believe na nagkaproblema talaga sa China?

Villar: Wala na kasi tayong trust sa traders kasi lagi silang may problema. Ang sinasabi ko, kung ganoon, dapat developmental. Tulungan ang mga garlic farmers to produce more in the Philippines para hindi tayo dependent on imports.

Q: Itutuloy nyo po iyong pagpa-file ng case sa Competition Commission?

Villar: Nagpapa-research ako ano ba ang provision. Kasi meron tayong Competition Commission na supposed to be sino-solve ang mga cartel na ganyan. Nagtatanong na kami, ano ba ang provision ng competition law na para sa agriculture. Kasi hindi malinaw iyon. Binabasa ko kanina, parang sa mga companies, iyong malalaking companies na nagka-cartel. Wala akong masyadong experience sa maliliit na companies na nagka-kartel din.

Q: May hearing pa uli?

Villar: We will have kasi iyong mga hindi nasagot, iyong mga reports like pagrereportin namin ang UP Los Baños, tapos iyong seed program ng Department of Agriculture. Kasi lumalabas, lahat ng problema sa seeds. Dito sa mga investigation na ito, lumalabas na mas importante pa pala ang seeds kaysa sa irrigation.

Q: Tingin ninyo may sabwatang nangyayari? Sabi ninyo kanina, may kumikita din?

Villar: Kasi iyong seeds pinu-purchase din iyon. May bidding sa seeds. Kung pangit ang seeds, then we don't produce better products. Kasi sabi nila iyong productivity will depend on the quality of seeds. Kaya kung pangit ang quality of seeds, wala ring epekto sa productivity.

Q: Zero tariff ba ang imported garlic?

Villar: Hindi ko alam ang tariff sa garlic pero alam ko rice lang eh. Ang garlic meron kaya pwede ring i-smuggle para huwag kang magbayad ng tariff.

Q: Iyong mga traders may kutsabahan?

Villar: Posible iyon. Posible din, like garlic, kaya nalulungkot ako dito minsan, kasi instead of trying to increase the production of garlic, as the years go by, parang bumababa. Ngayon 6 percent of demand. Napakaliit naman noon. We have more in 2001, parang doble ang production. So ibig sabihin, hindi nagi-improve ang industry, nagde-deteriorate. Posible na iyong mga importer, they make sure na hindi mag-increase and production para sila na lang ang magsu-supply. Posible iyon eh, 'di ba? Kung ikaw ang importer, ayaw mo nang mag-increase ang production sa Philippines because kontrolado ninyo ang supply. Kapag ito'y nag-increase, medyo may balanse.

Q: Ayaw nilang magtanim?

Villar: Walang planting seeds. Syempre itong ating mga magsasaka, mahihirap naman ito. Marami sa kanila umaasa din sa gobyerno para bigyan sila ng seeds or make seeds cheap for them. Hindi natutulungan sa ganoon kaya hindi sila nagtatanim. Meron tayong seed program. We have an allocation of P2.5 billion for seeds na ipamimigay sa mga farmers. I just want to know, ano ang nangyayari sa 2.5-worth na seeds na ipinamimigay sa farmers, kung saan makakarating iyon to help our poor farmers. We want them to account for that. Gusto kong malaman iyong ating seed program.

Q: Iyong mga importers na hindi nag-deliver ipapatawag ninyo?

Villar: Magrereport sila kasi ang bhinigay nila name, walang address, walang quantity so I am asking them to make the report para mapatawag natin.

News Latest News Feed