Press Release
October 2, 2017

FULL TRANSCRIPT OF SEN. GRACE POE'S QUESTIONS
Public order hearing on spate of killings

Sen. Grace Poe: Thank you Mr. Chair, when it comes to that, we can also discuss that in the committee on public information later on when it comes to your privacy rights, Secretary Aguirre. I would like to begin Mr. Chair by asking for the testimony and the narration of Mr. Bagcal. Si Mr. Bagcal, ito 'yung taxi driver na nagmaneho at hinoldap diumano ni Carl, sapagkat 'yung unang sabi ng PNP, meron siyang affidavit pero itong unang affidavit na ito ay kulang at sinabi niya rin na 'di naman talaga iyan ang affidavit niya, nagbigay siya ng pangalawang affidavit. So ngayon, Mr. Bagcal, pakisabi nga kung ano ba 'yung kaganapan sa iyong pagkakaalala.

Bagcal: Meron akong salaysay. Good morning po. Puwede ko pong basahin po, your Honor?

Poe: Sige para po mas malinaw, pakibasa po.

[OATH-TAKING]

Poe: Sige po umpisahan natin, Mr. Bagcal 'yung iyong testimonya.

Tomas Bagcal: Yes, good morning po. Ako po si Tomas Marleo Bagcal at isang regular driver ng R&E Transport Incorporation at nagsimula po bilang regular driver noong June 10, 2008 until now; at nakatira ko sa Caloocan City. Ako'y 54 years old, may asawa at may apat na anak. Madaling araw noong August 18, 2017, pagitan ng 12:30 to 1:00 a.m., may sumakay sa taxi ko na dalawang kalalakihan sa parte ng Pasig City, yung dating Mariwasa, lampas ng Floodway. Sabi nila, papunta sila ng 5th Avenue, Caloocan City at binagtas namin 'yung Ortigas Extension at kumanan kami ng C5 hanggang Camp Aguinaldo, EDSA. Kumanan kami, dumiretso kami ng Caloocan City. Pagdating namin sa Shell gasoline station at EDSA, kumaliwa kami doon hanggang makarating kami ng 5th Avenue at pagdating namin sa 5th Avenue, sinabihan ko na 'yung mga pasahero ko na, 'Nandito na tayo sa 5th Avenue.' at ang sabi naman nung dalawang pasahero ko, yung nakakatanda na sabi niya, 'Diretso mo lang, kuya.' So lumampas po kami ng LRT. Bago dumating sa pilahan ng tricycle, nagdeklara ito, 'yung pinakamatanda na pasahero na 'Holdap ito.' Sabay tutok niya yung kutsilyo sa likod ng tenga ko at binigay ko rin agad yung wallet ko sa holdaper at nakahinto na kami mismo dun sa tapat ng terminal ng tricycle; at napindot ko 'yung ilaw sa tapat ng taxi kaya napansin ng isang tricycle driver na may komosyon sa loob ng taxi ko, at hindi pa rin niya tinanggal 'yung kutsilyo sa ilalim ng tainga ko at medyo ini-slide ko na para hindi pumapasok yung kutsilyo sa tainga ko at nung nakita kong medyo maluwag na yung pagkatutok niya, 'yung sinalag ko po, ini-slide ko na ganoon--kaya may sugat po 'yung kamay ko at ito sa may wrist po. Nabitawan din po ng holdaper yung patalim na tinutok niya sa likod dito sa tabi ng tenga ko at nai-lock po itong taxi ko kasi may power lock yung taxi ko. At yung pinakabatang pasahero, nai-open niya yung right side ng taxi kaya doon sila nagsipulasan o nag-agawan nang lumabas sa right side ng taxi ko. Kaya itong tricycle driver nung nakita niyang may komosyon lumapit pa po ito sa taxi ko at tumulong sa 'kin sa paghuli ng holdaper na humoldap sa 'kin. 'Yung pinakabata, ang sinisigaw niya doon pa lang sa loob ng taxi ko ay, 'Hindi ako holdaper kuya. Siya lang po ang holdaper!' at 'yun nagpulasan na sila, tumakbo sila, itong mas malaking holdaper at nakatakbo siya nang more or less 30 to 40 meters away from 'yung taxi ko at itong mas bata ay mga 15 meters lang po ang natakbo niya tapos nakaupo na siya sa gilid ng gutter at nagsalita pa rin siya ng 'Siya lang po kuya ang holdaper! Isinama lang niya ako,' sabi nung mas nakakabata at nakita kong may dalawang taong nakabantay dito sa batang kasama nung holdaper: isang lalaki at saka isang babae. Ang sabi ko, 'Lumapit kayo dito, ilapit natin 'tong mga holdaper do'n sa taxi ko.' At nakita ko yung bag nung holdaper sa loob ng taxi ko at pinakita ko ito sa mga tumulong sa akin, yung tricyle driver, kung anong laman nung bag nung holdaper at nakita ko doon sa bag niya, ang laman niya ay plais, screw driver, comforter, face mask at saka susi, at yung patalim niya ay nahulog po doon sa flooring ng taxi ko. At kinausap ko yung tricycle driver na tumulong sa akin na dadalhin namin itong dalawang holdaper sa pinakamalapit na presintong pulis at doon sa 5th Avenue. At sa pagkakataon na yun, may isang nagpakilalang barangay tanod at sabi niya, 'Sir, barangay tanod ako dito sa 5th Avenue.' at sinabihan ko na rin sila na tulungan ako na dadalhin namin yung dalawang holdaper sa pinakamalapit na presinto at pumayag naman sila, so isinakay nila yung dalawang holdaper sa tricycle at sinundan ko po sila kasi hindi ko po alam yung pinakamalapit na presinto. Pagpunta namin, pagdating namin sa presinto 9th Avenue, may nadatnan kaming isang pulis sa labas, sa presinto at nagtanong kung ano iyan? Sagot nung barangay tanod tsaka tricyle driver ay 'Holdapan, Sir.' at tanong po nila, nung isang pulis, 'Sino ang biktima?' Eh sinabi ko, 'Ako po Sir ang biktima.' at pinapasok kami sa loob ng presinto kasama ko yung dalawang holdaper. Pinaalis na yung tricycle driver at yung kasamang isang barangay tanod. At sabi ko, i-turnover po itong dalawang holdaper sa inyo at tinanong ng pulis kung 'Taga-saan kayo, brad?' Sumagot yung holdaper na, 'Cainta,' at sinabihan ako ng pulis na pumasok ako sa isang kwarto at narinig ko bago ako pumasok na inutusan yung dalawang pulis na kasama niya sa presinto na ipasok na sa kulungan itong dalawang holdaper. At pagkalipas ng more or less 10 minutes, pumasok itong isang pulis sa kwarto ko na kinalalagyan ko at sinabi ko uli na i-turnover po yung dalawang holdaper. At sinabi sa akin na itapon na lang ito sabay senyas na gigilitan ng leeg yung dalawang holdaper pero sinabi ko pa rin na itu-turnover po sir sa inyo itong dalawang holdaper. Sa puntong yun, iniwan na naman ako nung pulis sa kwarto na kilalagyan ko. Sa time na yun nakapag-text ako sa mga anak ko na nasa police station ako ng Caloocan at na-holdap ako. Dahil sa takot at kaba ko sa sinabing itapon yung mga holdaper, naisip ko na puwede din akong isabay sa mga holdaper na papatayin kasama ko, mga holdaper na i-prinesent ko sa kanila. Higit sa lahat kasi, hindi nila ako ini-logbook, hindi rin nila tinanong kung anong pangalan ko, at ano ang address ko, at ganoon din yung korporasyon ng taxi ko. Bumalik yung isang pulis sa kwarto kong kinalagyan at sinabi sa akin na lalabas kami, at i-drive ko daw yung taxi ko. Hindi pa rin ako tumayo agad pero inulit niya sinabi kaya pumayag din ako. Lumabas kami sa presinto at sumakay kami sa taxi ko. Sumunod itong isang pulis at paglapit niya sa taxi ko sabay bunot niya yung baril niya at kanyang kinasa at isinukbit ulit sa baywang niya at saka sumakay sa aking taxi. Takot at kabado sa oras na yun pagsakay namin sa taxi. Dumiretso kami ng 10th Avenue at sinabi ulit nitong pulis na itapon itong mga holdaper na humoldap sa akin. Nagsabi pa rin ako, 'I-turnover ko na lang.' sa kanila at bahala na kayo kung anong gawin ninyo dito sa mga holdaper. May sampung beses kaming stop-and-go at palinga-linga itong kasama kong pulis, tuloy-tuloy pa rin kaming na patungo sa 10th Avenue at tinanong ako nung pulis na kasama ko, na 'Ilokano ka ba?' Sabi ko, 'Opo sir, Ilokano ako at taga-Isabela po ako.' Sumagot yung kasama kong pulis na Ilokano din daw siya at tawagin mo na lang akong "Sir Lakay". At nagsalita ito ng Ilokano si Sir Lakay, *speaks in Ilokano. Sa Tagalog, 'Ayaw mo bang mabawasan ang mga humo-holdap sa inyong mga taxi driver?' at puntong iyon, hindi na ko sumagot kasi may galit na siya. So, tuloy-tuloy pa rin ang pagmamaneho ko hanggang 10th Avenue. Pagdating namin ng 10th Avenue, kumanan kami at kumanan din kami sa sumunod na kalye at ganon pa rin ang takbo ng taxi ko: stop-and-go pa rin at palinga-linga yung kasama kong pulis na si Sir Lakay. Pagdating namin sa kanto ng 9th Avenue, si Sir Lakay bumaba sa taxi at bumili ng, bibili daw ng sigarilyo niya sa may bakery. At nakatawag ako sa two-way radio 'yung time na yun sa R&E na 'na-holdap ako sir at dito ako ngayon sa police station - 9th Avenue, Caloocan City.' At sumakay na itong si Sir Lakay sa taxi at bumalik kami sa presinto ng 9th Avenue at pinarada ko po ito sa tabi ng police station ang taxi ko. At that time, naji-jingle ako, medyo lumayo ako doon sa taxi, more or less 30 meters ang layo. Bumalik ako sa taxi ko at sabi ni Sir Lakay, 'Isakay sa mobile ang mga holdaper.'

Nagsalita itong si Sir Lakay na, 'Mauna na kami.' So sumakay na si Sir Lakay sa taxi ko, at sabi niya dahan-dahan lang daw ang takbo namin at may nag-overtake sa amin na tatlong nakamotor na papunta doon sa 5th avenue at nakasibilyan itong tatlong nakamotor. Malapit na kami sa 5th Avenue, napansin ko na may tatlong pasahero sa likod ko. Doon ko lang napansin na may pasahero pala doon sa likod ko yung isang pulis at yung dalawang holdaper. So binagtas namin po yung 5th Avenue hanggang umabot po kami ng Dagat-dagatan at pinakaliwa ho ni Sir Lakay at pinarada ko malapit sa may gate, do'n sa C3 na po 'yun at nagtagal kami doon ng more or less thirty-five minutes at may kausap itong si Sir Lakay sa telepono niya at lumabas siya sa taxi ko habang may kinakausap po siya sa phone. Around 2 minutes, nasa labas si Sir Lakay, bumalik po siya sa taxi ko. May tumigil na prime mover o 'yung mga trailer truck doon sa tapat namin, at naramdaman ko may bumaba doon sa left side o driver side nung truck para hindi po makita kasi doon sa tapat namin mismo tumigil 'yung prime mover. Pagkaraan ng isang minuto, tumuloy, tuloy-tuloy pa rin 'yung tawag nitong Sir Lakay sa phone niya at lumapit itong isang bumaba sa truck at sumakay sa likod ng taxi ko. Bale apat na po 'yung nakasakay sa likod ng taxi ko.

Poe: Maraming salamat, Mr. Bagcal sa inyong salaysay. Maraming salamat rin na ikaw ay nagsumite ng iyong affidavit dito. Pero siguro iklian na natin. Puntahan na ninyo doon sa naganap na pagbaril. Ano ba ang talagang nangyari. Nung una sabi mo ti-nurnover mong buhay. Totoo nga nag-turnover pero maraming nangyari na. Ikwento mo na doon sa puntong iyon. Mayroon tayong isa pang testigo na magpapatunay o magpapawalang-saysay doon sa sinabi ninyo.

Bagcal: Nung nakasakay na po yung isang bumaba sa prime mover. Sinabihan ako ni Sir Lakay na papunta na kami doon sa--

Poe: Sino si Lakay?

Bagcal: Doon ko lang nalaman sa NBI na siya si Mr. Raras po.

Poe: Nandito ba siya?

(Bagcal points to Oares)

Poe: Oares? Hindi?

Bagcal: Hindi Oares. Raras po ang pangalan.

Poe: Tingnan mo ang mukha kasi ibang kaso naman yung sa iyo.

Bagcal: Ang namumukhaan ko, your honor, ay si Jeffrey Perez at si Ricky Arquilita po.

Poe: Sila ang namumukhaan mo na naririto ngayon na nandoon na kasama mo. Pero si Lakay hindi ka sigurado?

Bagcal: Opo

Poe: Ang tagal mong kasama si Lakay at kausap mo ng Ilokano hindi mo maalala? Umpisa pa lang tayo ha. Sige po, nandoon na sa likod ng kotse mo yung isang holdaper at si Lakay.

Bagcal: Sa harapan po si Sir Lakay.

Poe: So yung dalawang nasa likod hindi naman nag-iingay, wala namang ginagawa?

Bagcal: Opo tahimik lang sila.

Poe: Babalikan ko lang ito, bago mo ituloy. Kung nakita mo ang mga bag nila, laman ay tools, screwdriver, comforter, mask pero wala kang nakitang shabu o baril?

Bagcal: Wala po, your honor.

Poe: Iniwan ninyo ang bag sa presinto?

Bagcal: Yes, your honor.

Poe: Okay doon na po tayo sa pagpatay. Anong oras po ito?

Bagcal: Mag-past 4 na po ng umaga ito noong papunta kami ng C3 at pagdating namin doon sa gasoline station ng Shell, may nakaparada pong isang mobile doon at pinatabi ako ni Sir Lakay at bumaba na po yung 2 pulis doon at bitbit na po nila yung 2 holdaper, tapos yung 2 pulis sumakay na rin po sila ng motor pabalik ng Dagat-dagatan

Poe: Nakita mo ba mismo na binaril ang 2 holdaper?

Bagcal: Yes, your honor.

Poe: Ikwento mo samin, yun ang importante. Nanlaban ba sila, paano po?

Bagcal: Sinundan po namin yung 2 nakamotor na pabalik sa Dagat-dagatan.

Poe: Sinundan ninyo, nakasakay kayo sa taxi? Sinundan ninyo ni Lakay yung 2 nakamotorsiklo?

Bagcal: Yes, your honor. Tapos pagdating namin sa Dagat-dagatan, nag-u turn kami sa stoplight, nag-counter flow na po kami. Yung 2 pulis, nauna na. Yung 2 nakamotor, sinusundan namin--more or less, 20 meters ang layo namin. Ang sabi naman ni Sir Lakay, 'hinto ka na dito.' Huminto kami pero yun na po yung pinagbabaril yung holdaper at nakaluhod po siya.

Poe: Nakaluhod yung 2 holdaper?

Bagcal: Isa lang po ang binaba po doon, yung isa naiwan sa sasakyan.

Poe: Anong ginawa doon sa naiwan sa sasakyan?

Bagcal: Wala na po akong alam.

Poe: Unang-una, sinasabi ninyo po dito na hindi nanlaban?

Bagcal: Hindi po.

Poe: May narinig ba kayong mga sinabi nya bago sya binaril?

Bagcal: Malayo po ako. Yung hitsura lang po niya, nakaluhod na nakataas po ang kamay.

Poe: At ang bumaril sa kanya, hindi si Lakay? Ang bumaril sa kanya, naririto ba?

Bagcal: Opo.

Poe: Saan dito po?

Bagcal: Si Jeffrey at si Ricky po.

Poe: Jeffrey at Ricky, nasaan kayo? (officers acknowledge) Ngayon, dito naman tayo kay alias Joe Daniel, umpisahan mo naman sa kwento mo...Ang gagawin natin ipagtutugma natin yung oras, yung lugar at yung kaganapan.

Joe Daniel: ...Nung Aug. 17, nagtext po ang kaibigan ko at tinawagan ko po sya na pupunta po ako ng Bagong Barrio. Kararating lang po nya galing Bicol, may pasalubong po siya sakin. Pumunta naman po ako doon. Mga 6 p.m. po ako umalis, nakarating po ako ng 9 p.m. sa Bagong Barrio, nung gabi pong iyon, mineet po nya ako sa Taksay street sa Caloocan, sa C3. Birthday party po ng kaibigan nya. Sabi nya, 'bro, tara na, alis na tayo kasi may taxi na.' Lumabas na po kami, nagtaxi po kami, pagdating po namin, humigit kumulang 10:25 ng gabi. Inabutan po namin yung mga kaibigan nya na nag-iinuman, mga pito po sila. May dumating pa pong isang babae. After po noon, kumain po ako, hindi po ako nag-iinom dahil may allergy po ako sa alak at sigarilyo. Makalipas po ang ilang oras, nagpaalam na rin po kami. Mga 1:20 po ng madaling araw, sabi ko po kasi, magpapaalam na kami dahil may pasok po kinabukasan. Pinayagan naman po kami na umalis na. Naglakad na po kami palabas doon sa kanto ng Taksay. Sabi ko sa kanya umuna na syang umuwi kasi ayoko pong maamoy yung alak nya, allergic nga po ako. After ng ilang segundo, may dumaan pong taxi sa may kanto po ng Taksay street, sabi ko 'bro, mauna ka na. Salamat. Sige, ingat ka.' Binigyan nya muna po ako ng P100 pandagdag sa pera ko. After po noon, tumawid po ako sa kabila and then naghanap po ako ng makakainan ng lugaw nung gabing yun. Tumakbo po ako sa may--kasi madilim. May nakita po ako sa may unahan na Shell and then may nakapark po na--

Poe: Parehong lugar sa salaysay ni Mr. Bagcal? Saan ka naglugawan?

Daniel: Sa C3 po.

Poe to Bagcal: Yung sayo?

Bagcal: C3 rin po, sa may Shell gasoline station.

Poe: Mga anong oras?

Daniel: Nakalabas po kami ng Taksay, 1:28 ng umaga, tiningnan ko po sa cellphone ko nung sinabi kong mauna na sya.

Poe: 1:28 ng umaga, naglugawan ka, may nasilip ka ba? Anong nakita mo?

Daniel: Wala akong nakitang lugawan, pero may kainan po doon. Hindi naman po kanin ang hanap ko kasi gusto ko po mainitan ang sikmura ko.

Poe: Ngayon, nasaan na 'yung isang pasahero, 'yung bata, tumakbo ba?

Daniel: Nasa loob lang po.

Poe: Nando'n lang siya?

Daniel: Opo.

Poe: Makikilala mo ba 'yung mga bumaril? Nandito ba sila?

Daniel: Opo, maiitsurahan ko po 'yung gupit po nila tapos 'yung laki ng katawan po nila nung gabi pong 'yun kasi takot na takot po ako.

Poe: Nandito ba sila?

Daniel: Opo.

Poe: Sino sila dito?

Daniel: Sila po, ito po 'yung ano malaki po tapos siya po 'yung isa.

Poe: Okay. Meron pang isa na wala rito?

Daniel: Wala po.

Poe: Wala?

Daniel: Wala.

Poe: So, wala kang nakita--

(Sen. Ping Lacson interjects)

Poe: So si Jeffrey Perez at si PO1 Ricky Arquilita.

Daniel: Opo.

Poe: Basta sa mukha mo lang syempre makikilala. May nakita ka bang taxi driver na naroroon? Taxi unit?

Daniel: Wala po akong napansin.

Poe: Wala kasi, twenty meters away ka nga, Mr. Bagcal? Pero anong oras mo nakita nangyari ito?

Daniel: Sa pagkakaalam ko po ay mga humigit-kumulang bago mag-alas dos.

Poe: Okay kasi doon lang medyo nagkakaiba ano? Alas dos 'yung kanya, 'yung isa naman mga alas tres, 'di ba? Alas kwatro 'yung sa 'yo. Pero matanong ko kayo Mr. Bagcal, nandito ba 'yung tricycle driver na tumulong sa 'yo nung maholdap ka?

Bagcal: Hindi ko po namukaan po.

Poe: Pero kilala mo 'yung--

Bagcal: Pero isang lalaki-- 'di nagpakilala na lang po doon sa 5th Avenue po pati 'yung barangay tanod.

Poe: Matanong kita, ang kumuha ng iyong salaysay noong una ang pumunta dito sa Senado, si PO2 Bautista. Siya ba si Lakay, hindi?

Bagcal: Hindi, your honor.

Poe: So si PO2 Baustista ang kumuha ng affidavit mo daw na kulang-kulang. Talaga bang nakuhanan ka ng salaysay o hinid?

Bagcal: Your Honor, hindi ko po salaysay yung salaysay na po yun. Ang tinanong lang po sa akin your honor is pangalan ko, edad, address, cellphone number at OR/CR ng kotse ko.

Poe: Gusto kong malaman, hindi mo ba sinabihan yung kasama mong si "Lakay" na huwag naman ninyong patayin ang batang ito.

Bagcal: Iyan nga your honor, sabi ko i-turnover ko na lang sa inyo ito. At hindi siya nakinig sa sinabi kong turn-over.

Poe: Bakit kaya dinala ka pa niya uli para makita yung nangyari, o para hindi siya sumabay sa iba siguro?

Bagcal: Takot na takot na po kasi ako noon kaya wala akong magawa. Naging sunud-sunuran po ako sa gusto nilang gagawin po your honor.

Poe: Mayroon ka bang kapitbahay na ang pangalan ay Prudencio Raras?

Bagcal: Kasi nasa apartment ako hindi ko po kabisado kung ano po yun.

Poe: Hindi mo kilala si PO2 Raras?

Bagcal: Doon ko lang po siya nakilala nung araw po na iyon.

Poe: Kasi itong sinasabi mo na si Prudencio Raras na akala mo ang itinuro mo ay si Arnel Oares, siya si "Lakay" 'di ba?

Bagcal: Yes po pero mistake po.

Poe: Pero si Raras, diumano ay nakatira banda doon sa lugar ninyo, kapitbahay daw ninyo at siya rin ang team leader ng mga pulis na bumaril kay Karl.

Bagcal: Your honor, hindi po. Yung araw lang po na yun ang nakita ko po si sir Lakay o si Raras po.

Poe: Siguro sa ilang taon ka nang namamasada ng taxi, ilang beses ka na na-holdap?

Bagcal: Your honor, 3 times na po.

Poe: At doon sa dalawang beses na iyon, may namatay ba?

Bagcal: Your honor itong pangatlong beses yun lang po yung nahuli po namin yung humoldap sa akin. Yung the rest na dalawang nauna, wala akong nahuli po.

Poe: So hindi mo na malaman kung anong nangyari doon sa batang maliit na nadoon sa loob ng sasakyan?

Bagcal: Yes your honor. Nung nilipat na po doon sa isang mobile at yung isa lang po ang ibinaba doon sa kabila at yun po si Carl po yun.

Poe: Sino ang namumuno sa Caloocan police? Sino ang may pinakamataas na ranggo? Ano po ang inyong official designation dito sa Caloocan?

Police Senior Supt. Chito Galvez Bersaluna: During that time I was the chief of police of Caloocan City.

Poe: Nanalo kayo ng mga award hindi ba?

Bersaluna: Yes your honor.

Poe: Okay, may mga gantimpala ba sa inyo kung mayroon kayong mga makukuha na masasamang loob, mapapatay, mga ganun. Gusto ko lang makuha for the record Mr. Chair.

Bersaluna: Wala po your honor maliban doon sa plaque na naibigay po sa amin.

Poe: Kilala mo ba ang dalawang si Arquilita at si Perez?

Bersaluna: During that time I have 1,200+ na personnel so di ko po gaano pa ma-familiarize yung buong tao your honor.

Poe: Pero kilala ninyo si Prudencio Raras? Nandito ba siya?

Bersaluna: Di ko po personal na kilala your honor.

Poe: Mr. Chair, ewan ko kung magkakaroon pa ng isa pang pagdinig mukhang kailangan din makausap itong si Prudencio Raras dahil siya ang parang nagbibigay ng direktiba sa lahat. Ngayon, tapos na rin po ako. Pero nais kong matanong, nakikiramay po tayo kay Mrs. Arnaiz. Kayo po ay nagtatrabaho sa ibang bansa hindi po ba? Ano pong bansa iyon?

Mrs. Arnaiz: Sa UAE po.

Poe: Ngayon ikaw ay naka-leave? O nawala na yung trabaho mo?

Mrs. Arnaiz: Wala na po nag-expire na ang visa ko.

Poe: Ilang taon na kayong nagtatrabaho doon?

Mrs. Arnaiz: Mag-7 years na po.

Poe: Yung anak nga daw po ninyo ay maraming mga recognition--honors pa sa Makati Science High School. Totoo po ba na bago nangyari ang mga kaganapan na iyan, unang una mayroon kayong tindahan tama po ba?

Mrs. Arnaiz: Sa kanya po iyon.

Poe: Sa kanya mismo. Tapos kakapadala lang ninyo ng pera 'di ba?

Mrs. Arnaiz: Opo

Poe: Magkano ang naipadala ninyo sa kanya?

Mrs. Arnaiz: Bale kulang-kulang P17,000 po na pipick-upin niya

Poe: Mga ilang araw iyon bago nangyari ito?

Mrs. Arnaiz: August 16 ko po pinadala, August 17 hindi niya pa nakuha. Tapos nangyari nga iyon.

Poe: Nung 17?

Mrs. Arnaiz: Opo

Poe: Okay, gusto nga nating malaman unang una, kung bakit niya nagawa iyon. Kung nang-holdap man siya, pero hindi pa rin iyon justified na gawin ng mga pulis yung ginawa nila kung sakali. Kaya lang po nais din malaman ng ating mga kababayan, itong batang ito ay nagpursige sa kanyang pag-aaral. Nagtayo ng sariling tindahan, na kayo ay nagsasakripisyo at nagtatrabaho sa ibang bansa. Ganun din ang nanay ni Kian. 'Di ba galing din kayo sa--?

Mrs. Delos Santos: Sa Riyadh, Saudi Arabia po.

Poe: So nakikita natin dito Mr. Chair na talagang pinagkakasya ng pamilya yung kung ano man ang mayroon sila .

...

Poe: Unang una yung proseso natin dito ay nakakadismaya at higit sa lahat nakakatakot. Dapat sa pulis unang-una nila-log doon para may katibayan na ikaw ay naroroon at di ka nalang biglang mawawala o wawalain.

Yung pagkukulang na nakita natin, Mr. Chair, dapat talaga yung mga chief of police lahat ngayon ay nagsumite ng kanilang proseso kung papaano kapag may mga nahuhuli na ganito.

Kailangang protektahan ang ating witness na si "Joe Daniel.' Alam ko ang ating PAO ay pinoprotektahan at dinedepensahan ninyo ang kahit na sino basta nangangailangan ng tulong ng PAO so kailangan natin ng proteksyon.

Higit sa lahat, ang nakikita ko unang una dapat nandito si Lakay at tricycle driver kung saka-sakaling magkakaroon ng susunod na pagdinig at yung ating chief of police na si Bato dapat ipakita niya papaano ba dapat ang proseso ng mga nabo-book sa presinto? Dapat iyan bina-blotter. Dapat ang CCTV malinaw diyan sa mga presinto na iyan kung saka-sakali para mayroong katibayan.

News Latest News Feed