Press Release
March 12, 2018

Transcript of DZRH Interview with Senate Minority Leader Franklin M. Drilon
Hosted by Mr. Cesar Chavez

Q: Simulan natin ang tanong, buhay pa ba ang Liberal Party?

SFMD: Marami-rami pa rin, ngunit inaamin ko na talagang kumonti ang aming mga kasama sa Liberal Party, at isa po iyan sa ikinalulungkot ko dahil ang ating political party system ay isa sa pinakamahina siguro sa Asya. Talagang pagpalit ng administrasyon, magpapalit din lahat ng partido. Sa katunayan, tinatanong ako diyan sa akin sa probinisya sa Iloilo dahil halos lahat doon ay lumipat na sa PDP-Laban. Ang sagot ko naman sa tanong, I'm not bothered by that. Alam ko naman na pagpalit ng administrasyon, magpapalit ulit lahat yan. That is the weakness of our political party system. Nakakalungkot dahil sa demokrasya kailangan matibay ang ating political party.

Q: Mayroon tayong Charter change ngayon. Ang sinasabi naman ng ilan kahit magkaroon ng Charter Change kung nandiyan pa rin yung political dynasty at wala pa ring ipagbabawal sa turncoatism, bale wala pa rin ang Charter Change.

SFMD: Yes and no. Unang-una, nabanggit mo na isusumite sa Kongreso yung pag-aaral ng komisyon ni dating Chief Justice Puno. Alam mo sa aming pakikipag-usap sa mga committee hearing sa ilang lalawigan sa ating bansa, lahat ng resource persons at lahat ng dumadalo ang ibig ay ang constitutional convention.

Q: Hindi constituent assembly?

SFMD: Tama po iyan. Wala po akong narinig na ang gusto ang Kongreso na siyang magbabago ng konstitusyon. Ang sabi ko nga, iyan siguro ay reflectin ng kompiyansa at tiwala ng taumbayan sa kongreso. Pangalawa, ako po talagang itutulak ko ang anti-political dynasty. Uumpisahan ko po sa charter ng Bangsamoro Basic Law, dahilan sa pag-aaral ng isang dekano - si Dean Ronald Mendoza ng Ateneo - kung titingnan mo ang five poorest provinces sa ating bansa, tatlo rito ay nasa ARMM. Itong tatlong ito ay talagang puno ng dynastic relationship, ibig sabihin magkakamag-anak lahat ng mga pinuno sa lalawigan ito. At doon sa top 15 poorest provinces sa country, lahat po ng limang probinsiya sa ARMM ay kasama doon, mataas din ang dynastic positions. Sang-ayon kay Dean Mendoza, sa kaniyang pag-aaral, 81% ng mga gobernador, 78% ng mga congressman, 68% ng mga mayor, at 57% ng mga vice mayor ay nanggagaling sa political plan.

Hindi naman natin sinasabi na lahat ng may dynastic relationship ay mahihirap, dahil marami ring mga probinsiya na umuunlad despite the presence of political dynasty. Doon po sa southern Philippines talagang maraming mahihirap at kung itatabi mo sa mataas ang dynastic relationship talagang may relation.

Q: Ibig sabihin nito, may charter change o wala, baka mauna pa itong anti-political dynasty bill?

SFMD: Hindi ko po masabi. Ang ipapasok po ay regulating political dynasty doon sa BBL. Dito sa amin tinatalakay din namin yung act regulating political dynasty in the Philippines. Nabasa ko sa pahayagan na ang komisyon ni former CJ Puno ay ipapasok din ang probisyon sa political dynasty. Dahilan sa ating Saligang Batas, mayroon nga na anti-dynasty pero ang nakalagay ay "as may be provided by law" kaya may kritisismo sa Kongreso. Kung titingnan po natin, siguro po ay dapat isinama na sa 1987 Constitution na maliwanag na kung hanggang saan.

Q: Sa anti-dynasty provision na ipapasok ninyo sa BBL at sa anti-political dynasty bill, ang ina-advocate n'yo ba ay up to second degree?

SFMD: Up to second degree po ang ating itinutulak, hanggang pinsan...may tinatawag silang fat dynasty na ang ibig sabihin yun daw pong sabay-sabay na tumatakbo sa isang halalan.

Q: Balikan ko yung point number 1, ang sabi ng mga eksperto na pabor sila sa con-con? Iyon ba ang consensus ngayon sa senado o sa Liberal Party at the minimum na tututulan ninyo ang anumang panukalang batas on con-ass?

SFMD: Sa akin po ang ipinasa kong proposal ay con-con.

Q: May support po kayo?

SFMD: Hindi pa po natin alam dahil nasa komite pa lang at hindi natin alam kung ano ang ilalabas ng mayorya. We are in the minority. Ang ipinapahayag ko lang yung damdamin ng mamayan.

Q: Sa Liberal Party po may consensus na kayo?

SFMD: Sa amin po, constitutional convention ang aming isusulong. But we are in the minority.

Q: Ang target yata ng administrasyong ito ay magkaroon ng Charter change sa 2019, nakikita n'yo ba na practical, reasonable at realistic itong timetable?

SFMD: Sa tingin ko po masikip, dahilan sa ngayon ay nasa committee hearings pa lang kami. Ganundin sa Kamara de representante hindi pa rin nagsisimula ang plenary debate. Hindi ko alam if we can do it on May of 2019, but itutulak po iyan ng administrasyon at hindi ko alam kung ano ang kanilang magiging timetable.

Q: Assuming na manalo ang con-ass, tutol kayo sa voting jointly?

SFMD: Tama po iyan. Lahat na siguro, including Senate President Pimentel. I have not heard him but I assume he is for separate voting, dahilan sa hindi naman pwede. Nakita naman natin doon sa Martial law declaration ay naging irrelevant po ang senado.

Q: On the issue in the Supreme Court

SFMD: Alam mo Cesar, halos 50 taon na ako bilang isang abugado. Ako po ay naging abugado noong 1970. Ngayon ko lang nakita ang ganitong pangyayari. Ngayong araw na ito may isang liham si dating senador Rene Saguisag, ang sabi niya ang mga 'justices are read; they are not heard nor seen." Ibig sabihin sa kaniyang libro at in his time justices are known because of the decisions they write which are read by lawyers and legal scholars. At doon po nakikita ang galing ng isang justices, through the decisions that they write not through the words they utter or sa kanilang paglabas sa public forum. And that is what we miss today. Nakakalungkot po itong nangyayari. It is highly politicized. Highly politicized ang Korte Suprema and this is not good for the independence and the prestige of the judiciary. Sa ating sistema, nakasalalay ang tiwala ng taumbayan sa ating demokrasya dahilan sa nakasalalay ang kanilang tiwala sa ating hustisya. The strength of our democracy depends, to a large extent, on the confidence of the people in our judicial system. iyan ang takbuhan ng pangkaraniwang mamamayan. Ngayon kung walang ganong tiwala sa ating husgado, saan ka tatakbo? Paano na yung rule of law? The politicization in the judiciary is not good for our democratic system of government. Nakakalungkot po kaya sana po maayos na ito at hindi maganda ito sa ating judiciary at hindi magansa sa ating demokrasya.

Q: Nagkakaroon po ng politicization sa hudikatura ang sabi n'yo nga. Ito bang paghihimok sa mga judges association to wear red is against the tradition?

SFMD: Ngayon ko lang narining. As I said, 50 taon na akong abogado, ngayon ko lang nakikita iyan - yung pagsusuot ng pula. I only saw this today.

Q: Bakit tayo humahantong sa ganito...are we failing on the impeachment trial? Mayroon bang atmosphere dito na walang magtatagumpay sa impeachment kaya napupunta na tayo sa ganito?

SFMD: Sa akin po bilang isang abugado, ang pagpapaalis po ng isang impeachable officer ay sa pamamagitan lamang ng impeachment proceeding. Kahit na mayroong nagpupuna na ito ay may pagkukulang, nevertheless ito po ang institusyon ng ating demokrasya. Ang proseso ng pag-alis ng impeachable officers - ang President, Bise Presidente, chairman at commissioners ng COA at Comelec, yung justices ng Supreme Court - iyan po ay pwede mo lang alisin through an impeachment. Ngayon kung idadaan natin sa quo warranto, ibang paraan po iyan at sa aking tingin, iyan po ay hindi sang-ayon sa ating Saligang Batas. Ngunit iyan po ay nasa Korte Suprema. Ang sabi nga namin bilang mga law students noon, what the Constitution is what the Supreme Court says it is. Sila ang ultimate arbiter. Nakasalalay po ang tiwala ng taumbayan sa ating demokrasya sa kanilang pagtitiwala sa Korte Suprema.

Q: Kung halimbawa, nanaig yung desisyon pabor sa quo warranto petition. Ano ang nalalabing remedy?

SFMD: Wala na. Ngunit ang sinasabi ko nga, this sets a very dangerous precedent. Dahil ang Pangulo ay pwede mo nang kwestyunin under quo warranto.

Q: Including other justices?

SFMD: Including the rest of the Supreme Court, the Vice President, the chairman and commissioners of COA, CSC, Comelec, the Ombudsman, lahat po iyan pwede mo nang kwestyunin. At pwedeng tanggaling ng Korte Suprema ang isang impeachable officer.

Q: Nawala na ang impeachment trial?

SFMD: Opo. In fact, naghahanda na ng articles of impeachment ang House of Representatives at sinabi ng Speaker at Majority Leader na hahayaan muna nila ang Korte Suprema na magdesisyon. Ang pwedeng mangyari, kapag nagdesisyon ang Korte Suprema na pwedeng tanggaling ang chief justice, wala ng impeachment sa senado.

Q: Ano ang impact nito?

SFMD: Malaki ang impact nito. Uultiin ko lang, lahat ng opisyales na pwede lamang tanggaling sa pamamagitan ng impeachment - na isang mahirap na proseso - ngayon ay sa Korte Suprema pwede na. I call it a slippery slope. Mag-ingat tayo dahil kapag naumpisahan natin ito, ito po ay magiging precedent.

Q: Minsan ay narinig ko kayo na dapat pangalagaan ang independence ng senado, nakikita n'yo rin ba na dapat ganoon din ang Korte Suprema?

SFMD: Lalo na po. lalo na sila. Dahilan sa ang sabi sa mga napag-aralan natin, of the three branches of government the Judiciary is the weakest, kaya kailangan ay pangalagaan nila ang kanilang independence.

Q: Posible bang mangyari na kung nananawagan yung court employees ng resignation, yung mga lower courts ay manawagan na rin para ipetisyon yung mga executive judge?

SFMD: Pwedeng mangyari yan. Iyan po ay isa sa mga consequences na dapat nilang tingnan. Pwedeng sabihin na kasama iyan sa freedom of speech. Pero sa judiciary, tradition dictates na kung anuman ang kanilang mga differences in opinion ay dapat pag-usapan sa loob at hindi sa labas.

Q: On the UN commissioner's remarks on the President

SFMD: Kahit ako ay nasa oposisyon, ayaw ko rin na insultuhin ang ating Pangulo. Having said that, siguro we must have restraint in this debate. We can debate. Ika nga, we can disagree, we need not be disagreeable. Ang ibig sabihin, magdebate tayo but let us keep to a level na ang issue lamang ang pag-uusapan at hindi po nagiging personalan.

Q: Sa kaso pong ito, dapat magkaroon ng bipartisan, multi-partisan support ang ating Pangulo?

SFMD: Sa akin po bilang Pilipino hindi maganda na ang pinuno ay iinsultuhin nang ganito at nagiging personal. Uulitin ko lang, let us put the debate on a level na karapat-dapat sa mga pinuno ng bansa at sa UN agencies.

Q: Ang Pangulo ay matagal n'yo nang kakilala at para sa pangulo ay kayo ay kaibigan niya, yung ganiyan bang style ay bago sa inyo o na-misinterpret lang siya?

SFMD: Hindi po bago sa akin iyan dahil noong alkalde siya ng Davao ay ganyan ang style niya; ngunit ngayon na Pangulo na siya ay siguro mas malawak ang epekto ng kaniya binibitiwang salita.

Q: Si Senator Sotto raw ang susunod na Senate President?

SFMD: That's the business of the majority. Ang pangulo ng senado, iyon po ay desisyon ng mayorya; hindi po kasama ang minorya.

Q: Do you see it happening before the SONA?

SFMD: Hindi ko po alam. Kung nag-uusap po sila, hindi po kasama ang minorya.

Q: On the Senate's naming of intersections

SFMD: Kung ang pagpapangalan sa isang intersection ay daraan sa Senado, lalo naman siguro yung pagpapalit ng Saligang Batas? Bakit sinasabi nila na joint voting lang, hindi naman tama iyon.

Q: Actually Senator, ang gusto kong itanong ay hindi naman pagpapalit ng pangalan ng isand kalsada kundi paglalagay ng pangalan sa isang intersection. Hindi ba bad precedent ito na lahat ng intersection ay magkakaroon ng pangalan?

SFMD: Iyan po ay isang bagay na kaya ako mismo ang nagtanong sa isang interpellation na bakit pati intersection ay papangalanan natin. Hindi siguro tama iyon.

Q: On the issue in the Supreme Court

SFMD: Anuman ang problema, they must resolve this internally, at hindi po sa publiko hindi po political ang office and Korte Suprema at judiciary. Ito po ay dapat hanap ng solution within the confines of chambers of the Supreme Court. Hindi po ako sang-ayon na may na-ra-rally. Hindi po consistent iyan with how we picture the judiciary.

Q: Yung mga salita po na save the institution...

SFMD: Tama po iyan. Save the institution beyond the view of the public. Hindi po sa pag-rally. It demeans and erodes the confidence of our people in our judicial system kapag nakikita itong mga rally.

Q: On the proposal to merge OGCC with OSG

SFMD: Ang isa sa pinakalamalaking problema diyan yung tinatawag nating conflict onf interest, dahilan po ang OSG ay siya pong abugado ng mga line agencies ng pamahalaan - BIR, DOF - at ang OGCC naman ay siyang abogado ng mga GOCCs gaya ng GSIS at SSS. Ngayon kung ang kaso ay between BCDA at BIR, kung parehong abugado nila ang OSG, ang problema ay sino ang magtatanggol kanino?

Q: On the subpoena power of the PNP

SFMD: Una po ito ay isinulong ni Senator Lacson and we relied on his judgment dahil bilang dating chief ng PNP. Isa lang po, we were conscious nab aka maabuso ito kaya isang ibig kong bigyan ng diin, ang kapangyarihan na mag-subpoena ay hindi pwedeng i-delegate sa mga pulis. Dapat ang subpoena ay i-issue ng director general ng PNP, ng CIDG head o tagaimbestiga o deputy. Maliban doon sa tatlong iyon, walang makaka-issue ng subpoena sa buong PNP organization.

Q: May dapat bang ipangamba?

SFMD: Iyan po siguro ay dahil sa imahe ng PNP sa operation Tokhang, ngunit kung titingnan mo lang ay batas, siguro pwedeng sabihin na for the sake of better investigation. Kasi yung ibang ahensiya may ganon ding power to subpoena.

Q: Ano po ang inyong mensahe?

SFMD: Bantayan n'yo po ang pamahalaan, ang mga opisyales na dapat hindi abusuhin ang kanilang kapangyarihan. Ipagpatuloy natin ang pagbantay sa ating pamahalaan.

News Latest News Feed